بديت بسم اللي عظيم ن شانه=الله كبير الكبر له سبحانه
سبحان رب ن خالق ن هالدنيا=وأنزل كتابه ثم بعده صانه
ربي خلق هالكون كله من عدم=و الطير طيره و العرب عربانه
بكتب قصيدة من فكر راعيها=افكاره الجزله ما هي تعبانه
ماني بكاتب لي مدح و مهايط=ولاني بمتغزل بوجه فلانه
قصيدتي هذي ترى في ربي=اللي يسيل بالمطر وديانه
بأنصاك يا ربي و بترك غيرك=اللي ما سكر دوننا بيبانه
بدعيك يا ربي بكل أسمائك=أغفر لعبدك بعد وقته خانه
يا رب يا منشئ سحاب ن واجد=نفسي على عفوك ترى شفقانه
نفسي تبي عفو الذي خالقها=يعفو و يبعد عنّها نيرانه
الحمد لك يا رب يا خالقنا=و الشكر قاله مطلق ن بلسانه
احمدك حمد ن واجد ن وش كثره=اعداد ما شاف الفتى بعيانه
أعطاك ربك عافيه وش تبغى=غيرك مريض و الأرصدة مليانه
وده يخسر اللي وراه ودونه=ويخسر مع ماله نصيف اخوانه
بس انه معافى ويقدر يمشي=عابد لربه قارئ ن قرآنه
و الحمد لك والحمد لك يا ربي=يا واحد ن أرجي انا غفرانه

أعطاك ربك عافيـه وش تبغـى=غيرك مريض و الأرصدة مليانه
وده يخسـر اللـي وراه ودونـه=ويخسر مع ماله نصيف اخوانـه
بس انه معافـى ويقـدر يمشـي=عابـد لربـه قـارئ ن قرآنـه
و الحمد لك والحمد لك يا ربـي=يا واحد ن أرجي انـا غفرانـه

المشاركة الأصلية كتبت بواسطة المسعري (المشاركة 341296) تسلم تسلم يامطلق بيض الله وجهك ولاعدمتك يالمنيعي على هالقصيده الوافيه من شاعر وافي وياحبني للطرق الهلالي

المشاركة الأصلية كتبت بواسطة ابو فهد الغييثي (المشاركة 341302) صح السانك على القصيده الجزله وبيض الله وجهك ولاعدمتك يالمنيعي على هالقصيده الوافيه من شاعر وافي

المشاركة الأصلية كتبت بواسطة شافي المخاريم (المشاركة 341420) صح لسانك يا بو خالد ابدعت قصيده رائعه و انت تقول آمل ان تنال اعجاب الجميع عز الله انها معجبتنا تحياااااااااااااتي

المشاركة الأصلية كتبت بواسطة راشد المسعري (المشاركة 341439) أعطاك ربك عافيـه وش تبغـى=غيرك مريض و الأرصدة مليانه وده يخسـر اللـي وراه ودونـه=ويخسر مع ماله نصيف اخوانـه بس انه معافـى ويقـدر يمشـي=عابـد لربـه قـارئ ن قرآنـه و الحمد لك والحمد لك يا ربـي=يا واحد ن أرجي انـا غفرانـه صح لسانك يامطلق ، وافي عز الله وقصيدة وافية أبدعت ياالنشمي وسجل إعجابي لماتنضمه ياغالي تقبل ودي وتقديري ،،،