ياسلام الله على الحضار والمبدا تحيه=مع طلوع الشمس نهديها على رؤس الرجالي
يمشي الانسان مايدري عن سهوم المنيه=مير ياربي تكافينا صواديف الليالي

مرحبا ترحيبة الطيب لياعاين خويه=بالنيابه عن هل الحله كريمين السبالي
الحذر من القدر ماطول اعمار البريه=سرها مسرا السباع وشيلها شيل الجمالي

البقا يالي ترحب عن رياجيل الحميه = انت كيف تنوب وانته في محلك ياحلالي
نيتك صوب الجنوب ونية الرجال نيه=مير ماتقدر تهز الراسيات من الجبالي

وبك انا ماني معزب ضيف فالدار العذيه=والزلازل كم تدم اجبالها يبن الحلالي
ياعميلٍ في ديار الخوف ساقته المطيه=والذيابه قد جذبها ريحته عقب الزوالي

وين ابلقى من رجال الرآي ويحل القضيه = لاتبرى من محلك وانت غالي عند غالي
مانخاف الا من الله بعد مرسل في نبيه= والحقيقه منت ابن غانم ولا انته بالهلالي

الحقيقه واضحه ياولد منصور وجليه=لو تفتح شفتها حد النهار امن الظلالي
خابرٍ ماني بغانم مير انا بفعله سميه=سيفٍ مجرب على القاصي ودرعٍ للموالي