::: مـنتدى قبيلـة الـدواسـر الـرسمي :::

::: مـنتدى قبيلـة الـدواسـر الـرسمي ::: (http://alduwaser.org/vb/index.php)
-   :: قسم قصايد مدح وفخـر في الــدواسـر :: (http://alduwaser.org/vb/forumdisplay.php?f=37)
-   -   معجزات الدواسر (http://alduwaser.org/vb/showthread.php?t=23966)

ابن حنيش الودعاني 14-01-2008 11:11 PM

معجزات الدواسر
 
من كثر اعجابي الشديد بهذا الشاعر فانني احفظ اغلب قصائده وأتمنا له التوفيق
باسم من بامره تهب الذاريات = الاله اللي يعلم الخافيات
ربنا جلا وعلافرد صمد فارض = الاركان خمس كاملات
مخرج ذا النون من وسط البحور= ناصر اهل الدين ومذل الطغات
ربنا اللي باعث طه رسول = بلغه قوله بايات بينات
ابتدي نظم القوافي والقصيد = من هجوس في لزومي حاضرات
مستعد اتن اليا جات اللزوم = ما تجيب الا الجزال الوافيات
تترك الواطي وللعلياء تشوم = بالعلوم الطيبة مسترسلات
واتخير في نوادر كل زين = واهرج بالصدق والعلم الثبات
والمثل قد قال في ماضي السنين= وافهمو يا اهل القلوب الغافلات
كل قوم مالهم مجد قديم = ما يسجل في السنين التاليات
واحمد الله مجد ربعي من زمان = ثابت مثل الجبال الراسيات
ما أهرج غير الحقيقة والصحيح = في مديح أهل السلوم المعجزات
الدواسر لابتي نعم الرجال = بالكرم يوم السنين المعسرات
عن كرمهم بينة قصة جريس = اليماني بالسنين الماضيات
والهلالي هو وربعه يوم ضاف = عند ابن بدران راعى الطايلات
ضيفه خمسه وتسعين عداد =من كبار الابل وشاهدها الروات
في الكرم جبنا قليل من كثير = ومعجزات فعول ربعي باقيات
استمعها بالتسلسل يافطين = خل قلبك والأذاني صاغيات
ورعنا اللي ذابح ورع القصير = نذبحه فوقه ولا احسن من الذكات
ويوم اخونا في خوي الدرب خان = ذابحينه عقب ما سقنا الديات
وجارنا ندفع ديته من الجدار = مكرمه ماهو بحكم من القضات
كل هذي للوداعين القروم = بالتوارخ القدام مسطرات
وموتر للشمري علم صحيح = يوم وقف في ديار موحشات
فككوه وحملوه ابناء الرجال = فوق ست من الماتر جاهزات
ثم شالوا حملته زود عليه = والمدافع قاصفه والطايرات
خبرة سنوا لهم سلم جميل = اعتلوا بالمجد روس النايفات
من ودعين وصخابره عزاز = وشكره يثنون عند الجاذيات
والخوي اللي بوسط البير طاح = وانكسر ساقه واماله ضايعات
الخوي اللي معه منا وكاد = دوسري له فعول ساميات
المعيلي للكريم من الكرام = من مصارير يضدون العدات
يوم قلة حيلته ذكا الذلول = وجلدها حطه حبال مبرمات
والتزم بالحبل ثم حول عليه = واخرجه والله اراد له النجات
وسلمنا يحكم علينا ما نبيع = اللحم والماء مع كل الجهات
لو نبيع الماء مع كل اللحوم = جاء علينا من كبار العايبات
والخوي والجار ناسم له عصاه = تمنه وسط الديار الخاليات
ذي عوايد لابتي سقم الحريب = اسسوها من سنين ماضيات
ومن عوايدهم ليا جات الحروب = اليا تعلو فوق قب مكرمات
موريات القدح في صلب الحيود = فوقها اللي ينطحون النايبات
يذبحون الشيخ واللي له نديد =بالبنادق والسيوف المرهفات
في ضحا الهيجا تطيعن الرقاب = لهجمنا والسيوف مجردات
لحربنا نودع الكافر يتوب = نضرب الميدان وتطيع العصات
في زمان الجهل جعله مايعود = الدواسر هم مزبنت الجنات
من تحداهم بساحات القتال = قالوا انا كالجبال الشامخات
مايزعزعنا صياح ولا نذير = ننطح البارود ونصد الرمات
نرد حوض الموت مانبغا الحياة = لاتجلا الستر عن بيض البنات
وان زبنا مجرم جرمه كبير = يامن ويرتاح في نومه سبات
يوم جانا اللي مجنية الشريف = يزهم و غيضه تطيق به اللهات
عقب خوفه عندنا حط الرحال = في حما اللي ينطحون المعظلات
واحتما الميدان واشتد القتال = وارتكينا للجموع القادمات
للجيوش اللي مدافعها ثقال = ونحسبهم بالألوف وبالمئات
ثم صرمناهم كما صرم الزرع = وأقفوا الحيين واللي مات مات
والقبايل في الجزيرة من قديم = بينهم كل الحرايب حاميات
لين وحدنا الملك عبد العزيز = ولملم شملنا عقب الشتات
نصرت العاجز ولطام العنيد = والضواري تحت حكمه طايعات
ونحمد الله صار عقب الخوف امان=وحل وقت العلم والا الجهل فات
تمت وصلو على سيد الأنام =عد ما ترعد مزون ممطرات
الشاعر محمد بن باني المخاريم الدوسري
ارجو العذر اذا حصل خطا لاني ناقلها من مقطع صوت

ابواسرارالودعاني 14-01-2008 11:18 PM

رد: معجزات الدواسر
 
نقل رائع ابن حنيش الودعاني وصح لسان محمد بن باني المخاريم

أبن زاايد 14-01-2008 11:19 PM

رد: معجزات الدواسر
 
الله يعطيك العافية يالغالي مشكور وماقصرت وصح لسان الشاعر ابن باني

وتمنيت لو كانت في قسم القصائد التي قيلت في الدواسر

لاهنت وبيض الله وجهك

تقبل تحياتي ومروري اخوك
\ أبــــن زاايـــــد

فرحان فهد ال فرحان 14-01-2008 11:23 PM

رد: معجزات الدواسر
 
الله يبيض وجهك ووجه وقصيه رائعه مثل ناقلها وقاصدها

اخوي وابن عمي فيها اخطاء املائيه وبعض الكلمات التي اخلت بالوزن وهذا من العجله راجعها والله يوفقك
الالاه يكتب هكذا الاله واشكرك وتحمل ملاحظاتي

ابن حنيش الودعاني 14-01-2008 11:56 PM

رد: معجزات الدواسر
 
اقتباس:

المشاركة الأصلية كتبت بواسطة ابواسرارالودعاني (المشاركة 274838)
نقل رائع ابن حنيش الودعاني وصح لسان محمد بن باني المخاريم

اشكرك على المرور الاخ الغالي
أبو أسرار الودعاني
وفالك الجنه

ابن حنيش الودعاني 15-01-2008 12:00 AM

رد: معجزات الدواسر
 
اقتباس:

المشاركة الأصلية كتبت بواسطة أبن زاايد (المشاركة 274840)
الله يعطيك العافية يالغالي مشكور وماقصرت وصح لسان الشاعر ابن باني

وتمنيت لو كانت في قسم القصائد التي قيلت في الدواسر

لاهنت وبيض الله وجهك

تقبل تحياتي ومروري اخوك
\ أبــــن زاايـــــد


اشكرك على المرور الاخ الغالي
لكن انا اعتقد ان منتدى قصائد المدح والفخر القصائد المقاله من شعراء القبائل الثانيه
أبن زايد مشكوووووووووووووووور على المرور
وفالك الجنه

ابن حنيش الودعاني 15-01-2008 12:03 AM

رد: معجزات الدواسر
 
اقتباس:

المشاركة الأصلية كتبت بواسطة فرحان فهد ال فرحان (المشاركة 274850)
الله يبيض وجهك ووجه وقصيده رائعه مثل ناقلها وقاصدها

اخوي وابن عمي فيها اخطاء املائيه وبعض الكلمات التي اخلت بالوزن وهذا من العجله راجعها والله يوفقك
الالاه يكتب هكذا الاله واشكرك وتحمل ملاحظاتي

هلا ومرحبا ومسهلا بالاخ العزيز / فرحان بن فهد
انا كاتب تحت ناقلها من مقطع صوت ما ادري
وسبحان من لا يخطي
وملا حظاتك على العين والراس وما به احد كامل الكامل وجه الله
اشكرك على المرور
وفالك الجنه

محمد ال مطيلق 15-01-2008 04:08 AM

رد: معجزات الدواسر
 
نقل رائع ابن حنيش الودعاني وصح لسان محمد بن باني المخاريم

ابن حنيش الودعاني 15-01-2008 02:20 PM

رد: معجزات الدواسر
 
اقتباس:

المشاركة الأصلية كتبت بواسطة محمد ال مطيلق (المشاركة 275138)
نقل رائع ابن حنيش الودعاني وصح لسان محمد بن باني المخاريم

اشكرك على المرور الاخ محمد
وفالك الجنه
تقبل تحياتي
ابـــــــــــــــــــــــــــــــــــ حنيش الودعـــــــــــانـــــي ـــــــــــــــــــن

الودقطرعاني 16-01-2008 02:50 AM

رد: معجزات الدواسر
 
يعطيك العافيه وصح لسانك

ابن حنيش الودعاني 16-01-2008 08:11 AM

رد: معجزات الدواسر
 
اقتباس:

المشاركة الأصلية كتبت بواسطة الودقطرعاني (المشاركة 275875)
يعطيك العافيه وصح لسانك

هلا ومرحبا يا ابن عمي
ومرحبا مليار
واشكرك على المرور وفالك الجنه
تقبل تحياتي
ابن عمك * ابــــــــــــــــــــــــــــــــــــــــــــ حنيش الودعاني ـــــــــــــن

ابن حنيش الودعاني 21-01-2008 02:36 PM

رد: معجزات الدواسر
 
اشكركم على المرور يالغالين

ابو زابن المسعري 21-01-2008 03:52 PM

رد: معجزات الدواسر
 
الله يصح لسان الشاعر ويبيض وجهك وجهه يابن حنيش

ولد ودعان 22-01-2008 09:54 AM

رد: معجزات الدواسر
 
بيض الله وجهك يابن حنيش موضوع رائع تشكر عليه

ابن حنيش الودعاني 22-01-2008 03:09 PM

رد: معجزات الدواسر
 
اقتباس:

المشاركة الأصلية كتبت بواسطة ابو زابن المسعري (المشاركة 279547)
الله يصح لسان الشاعر ويبيض وجهك وجهه يابن حنيش


اشكرك عالمرور
ووجهك ما يلام
وفالك الجنه


الساعة الآن 02:16 PM

Powered by vBulletin® Copyright ©2000 - 2024, Jelsoft Enterprises Ltd.
---