::: مـنتدى قبيلـة الـدواسـر الـرسمي ::: - التغطية المصورة لزواج المراقب العام الأستاذ عبدالرحمن بن فلاح آل بريك

http://www.alduwaser.org/Bsmllah.gif

الحمد لله رب العالمين والصلاة والسلام على سيد الأنبياء والمرسلين سيدنا ونبينا محمد ابن عبدالله وعلى آله وصحبه ومن وآلاه ومن اهتدى بهديه واستن بسنته إلى يوم الدين

إخواننا أعضاء وزوّار ومرتادي الموقع الرسمي لقبيلة الدواسر

أعدّ التقرير

عضو مجلس إدارة الموقع الأستاذ فهد بن هادي الغريري ،
عضو مجلس إدارة الموقع الأستاذ راشد بن محسن المسعري

إلتقط الصور
عضو الموقع الأستاذ فهد بن ناصر الخريم

مبروك ياقرم على الطيب ربيت=ومبروك ياعلّه زواج ٍ مبارك
الله يحقق يابطل ما تمنيت=آمين يامنزل بقولك تبارك
بعض القصايد لو توّصل مية بيت=ما ظنها تجزي وتاصل مسارك
لأنك صبي الجود ياكاسب الصيت=ودايم معسّف للمكارم إمهارك
ولأنك من آل بريك وش عاد خليت=في السلم سلم وهم شبوب المعارك
ولأنك من آل بريك والعلم تثبيت=برك(ن) توسّع وأصبح اليوم دارك
ولأنك من آل بريك قوم(ن) عناتيت=عدوهم دايم كفوفه تفارك

كعادة منتدى قبيلة الدواسر الرسمي في تتبع ونقل وتغطية أخبار أبناء القبيلة ومناسباتهم فإنه يسرنا أن ننقل لكم التغطية المصورة لحفل زواج مراقب عام الموقع الأستاذ/ عبدالرحمن بن فلاح آل بريك ، الذي أقيم في (برك) التابع لمحافظة حوطة بني تميم .

وقد أقيم حفل زفافه بحضور عدد كبير من المحبون والمقربون والأصدقاء في ليلة جميلة من ليال الفرح والسرور ، حيث بدأ الحفل بتقديم من مشرف الموقع الرسمي لقبيلة الدواسر الأستاذ/ عقاب بن هذال آل بريك وكانت أول فقرات الحفل آيات من الذكر الحكيم.

http://www.alduwaser.org/up/pfiles/4755/ooo.jpg
العريس عبدالرحمن بن فلاح آل بريك

http://www.alduwaser.org/up/pfiles/4449/DSC_0362.JPG
من اليمين العريس :عبدالرحمن بن فلاح آل بريك ويليه الشيخ فيحان بن شجاع بن سويلمة ويليه الشيخ :علي بن محمد آل بريك رئيس مركز مصدة بوادي برك

http://www.alduwaser.org/up/pfiles/4451/DSC_0364.JPG
من اليمين محمد بن هديان آل بريك

http://www.alduwaser.org/up/pfiles/4452/DSC_0365.JPG
من اليمين محمد بن فهاد آل بريك

http://www.alduwaser.org/up/pfiles/4453/DSC_0366.JPG

http://www.alduwaser.org/up/pfiles/4454/DSC_0367.JPG
الشاعر نايف بن مسرع يليه عضو المجلس البلدي جلمود بن ناصر الشكرة

http://www.alduwaser.org/up/pfiles/4455/DSC_0370.JPG

http://www.alduwaser.org/up/pfiles/4456/DSC_0373.JPG
في المنتصف الشيخ :شداد بن محمد آل بريك

http://www.alduwaser.org/up/pfiles/4457/DSC_0412.JPG
مبارك بن فلاح ومحماس بن حسين ومبارك بن هذال ومحمد بن خلف آل بريك

http://www.alduwaser.org/up/pfiles/4458/DSC_0441.JPG
الشيخ :سعد بن محمد العطاوي العتيبي
http://www.alduwaser.org/up/pfiles/4459/DSC_0442.JPG
الشيخ سعد بن محمد العطاوي يليه الشيخ فيحان بن سويلمة

إنطلقت فعاليات الحفل المنبري عندوصول جميع الضيوف التي قدمها مشرف الموقع الرسمي لقبيلة الدواسر الأستاذ/ عقاب بن هذال آل بريك

http://www.alduwaser.org/up/pfiles/4462/DSC_0338.JPG
الأستاذ/ عقاب بن هذال آل بريك

http://www.alduwaser.org/up/pfiles/4461/DSC_0337.JPG
آيات من الذكر الحكيم يتلوها:سلطان بن ثقل آل بريك

http://www.alduwaser.org/up/pfiles/4463/DSC_0344.JPG
مبارك بن فلاح آل بريك

ثم كلمة ترحيبية من الأخ مبارك بن فلاح آل بريك رحب فيها بجميع الحضور وشكرهم على حضورهم.وبعدها القاء قصيده ترحيبة بـ الحظور.

http://www.alduwaser.org/up/pfiles/4466/DSC_0360.JPG
الشاعر فهد الدباغ الحربي

ثم ألقى الشاعر الشاعر فهد الدباغ الحربي في قبيلة الدواسر
وفي الشيخ هذال بن علي آل بريك عضو شرف الموقع يقول فيها

ياهاجسي مافيه معذار معذار=لو تكثر اعذارك مهيب معذوره
ون كان في وقت الخطوره بتحتار=وش حاجتيبك غير وقت الضرورة
ابيك مثل اللي ورى ردة الثار=يحسب لياليّه ويحسب شهوره
رجلاً ميقافه كفو وافي اشبار = شبلن عن الخملات نفسه غيوره
لو له عبور ودرب ثاني ومعبار= ونته عبورك ما يشابه عبوره
ثورتك تدفعها معزه ومقدار = وله دافع خافي ومقصد وثوره
تدرون ليه السالفة كلها اسرار = علم ورى صدري تفاوح اقدوره
لن القصيدة بالدواسر يا شعار = الشعر فيها وش تسجل شعوره
ماجيت اعد فعولها جيت مسيار= قبيلتن وسط البلاد مخبوره
تاريخها ماهو سواليف ثرثار = منحوتتن بارض الجزيرة سطوره
مثل العلم لا جيت تايه ودوار= دايم على القمة تحصل وكوره
تاريخ للماضي وللحاضر شعار = حاضر وماضي والدواسر فخوره
يوم الليالي بها وضع منهار = والناس تشكي من زمنها وجوره
من هج هج ومن برك مابعد ثار= من جثته تشبع عيال النسوره
فعل الدواسر ماعلى وجهه غبار= واللي يعاديهم تقصر اشبوره
واللي طمع فيهم تعرض للاخطار = يطيح من ظهر المطيه بكوره
وإلى غدى للمعركه عج وغبار= خطلان الايدي والعزايم صبوره
سيوفهم كم راس شيخ بها طار= روح بوسط المعركة تقل كوره
والضيف له تقدير ويقدر الجار = وفا على مر الزمان وعصوره
والمدح فيهم كار لأنهم كار = والشعر تركد للدواسر بحوره
واخص لي شيخاً به المدح يحتار= والشعر يستسلم ويعلن قصوره
حاولت فيه اسوي اشعار واختار = لكنها اطول من قصيدي وطوره
بالمختصر شيخن مواقيفه كبار= النعم كيفه والكفو هي عطوره
هذال واخوانه من كبار وصغار = اللي على سلمه وطيبه وشوره
يقولها شاعر وحربي وصقار = وعلى الختام الله يجمل ضهوره
ولا الفلك دوار والوقت دوار = ونمر دواره ولازم ندوره
مافيه وقّف وافضلية من يسار= من سبته نفس الشجاع معسوره
والله يعز الدين والشعب والدار = والله يعزك للوطن ياخو نوره

http://www.alduwaser.org/up/pfiles/4465/DSC_0355.JPG
الشاعر/ شافي بن راشد النتيفات

تلا ذلك قصيدة بهذه المناسبة أيضاً مع مراقب الموقع الشاعر/ شافي بن راشد النتيفات قال فيها:

الاولـة جينـا نـبـارك كلبـونـا للزمـيـل=عـن ازمـلاك ازفهـا والخيـل مـن خيالهـا
يابوفلاح الاوله لـك ياعسـى عمـرك طويـل=تبنـا لـك البيضـا علـى مابـان وتهيالـهـا
والثانية من هاجس يطرب على بـدع الجزيـل=يختارهـا ويركـب المعنـى عـلـى موالـهـا
اسري على نور القمر واطرب على صوت الهديل=واجيب شردا ماضوت في مراح مـن يشقالهـا
لاجات من بين النشامـى كـل يحـط ويشيـل=كـل يبيهـا ويتمنـى انـه هـو اللـي قالهـا
والثالثه سـلام يـا ال بريـك مزبـان الدخيـل=العزوة اللـي تنعـرف يـوم الجهـل بافعالهـا
اهل الفخر واهل الظفر والطيب واصجاب الجميل=اهل اللقا يوم المواقـف فـي اللـزوم رجالهـا
اهل الكرم يوم الصعايب مابهـم رجـل بخيـل=من جودهم كـم روس قـوم جمـل الله حالـه
ظرباتهم مسمومـه وغاراتهـم لاجـا النزيـل=تضرب بها الامثال لاقامـت تعـزوى ابطالهـا
هل واديـا سمـي بهـم ولا يبـي لهـم بديـل=بالوقفـة اللـي عمرتـه بفعلـهـا وآمالـهـا
عاقلهم اليا صاح صيـاح الخـلا يطلـع هبيـل=في ساعـة ماتوقـف الفتنـة حكـي عقالهـا
عوق الكتايب لا وقف منها الردي عند الخليـل=ماتنشد من السربـه اللـي قدمهـا واهوالهـا
قوم خلقهـا الله كفـو مابينهـم رجـل ذليـل=بياعـة الارواح الـى مـن الزمـان امدالـهـا
قوم ليامـال الزمـن ياصعـب رايتهـم تميـل=فـوق الجبـال النايفـات ترفـرف ومنزالهـا
يقوله اللي ربعـه تـروم الصعايـب والدليـل=لاقلتنـا نتيفـات تمشـي والسعـد يبرالـهـا
من غير قاصر في القبايل والمدايـح سلسبيـل=على الكفو والا الردي ماهـوب مـن يسعالهـا
والرابعه صلو على محمد عدد ما انشـا مخيـل=والله يعـز الديـن والرايـة وكــل رجالـهـا

http://www.alduwaser.org/up/pfiles/4464/DSC_0347.JPG
عضو مجلس إدارة الموقع الأستاذ راشد المسعري

ثم قصيدة لعضو مجلس إدارة الموقع الأستاذ راشد المسعري بهذه المناسبة قال فيها:

يافكر قنّد دلتي ما تقهويت=جزل المعاني بن واحكم بهارك
دام القريحة حضرت واستعديت=خل الجزالة دايماً هي شعارك
لامن دعاني طيّب الجد لبيّت=وجيته ومن باب المحبة مشارك
مبروك ياقرم على الطيب ربيت=ومبروك ياعلّه زواج ٍ مبارك
الله يحقق يابطل ما تمنيت=آمين يامنزل بقولك تبارك
بعض القصايد لو توّصل مية بيت=ما ظنها تجزي وتاصل مسارك
لأنك صبي الجود ياكاسب الصيت=ودايم معسّف للمكارم إمهارك
ولأنك من آل بريك وش عاد خليت=في السلم سلم وهم شبوب المعارك
ولأنك من آل بريك والعلم تثبيت=برك(ن) توسّع وأصبح اليوم دارك
ولأنك من آل بريك قوم(ن) عناتيت=عدوهم دايم كفوفه تفارك
وختامها ياصاحبي طيّب الصيت=عسى زواجك يالسنافي مبارك

http://www.alduwaser.org/up/pfiles/4469/DSC_0388.JPG
الشاعر نايف بن مسرع

وقد كان هناك مشاركة للشاعر نايف بن مسرع بطلب من الحضور وهي قصيدته في الشيخ فيحان بن شجاع بن سويلمه الذي كان حاضراً ذلك المساء:

يامير يازحزوح يازحل ياراس=يامعطي ٍ للطيب والطالة دروس
جاني تلفونك وانا في بني ياس=وأشعلت في صدري للافراح فانوس
أبعدت في راسي من أيامي إعماس=وجاني إتصالك وانجلى كنه كابوس
فرحت به فرحة أبو دباس بدباس=ونزعت به هم ٍ ورى العوج مدسوس
هم ٍ كتمته داخل الصدر نسّاس=لين إنغرس في ثومة القلب دبوس
يوم اغدرت بكليب طعنات جساس=وتحلّقت بعض الاشانيب بالموس
يوم الوفا من بين الاقدام ينداس=ولا لقى له بعض الاصحاب قاموس
وفيت يافيحان ياطيب الساس=وألبستني من خامة الجود ملبوس
طيبك غدا لمدوّر الطيب نبراس=ولا هو غريب الطيب لاصار من روس
إي والله إنك راس من راس من راس=روس ٍ عمايمها مفاخر وناموس
فيحان بن شجاع والجد محماس=تاريخ ٍ أبلج في ثرى المجد مغروس
من يومها بالسيف والرمح والطاس=مقدم مداغيش ٍ تدوس الخطر دوس
تثبت كتايبهم والارياق يباس=لاجا لعج الخيل في المعركة قوس
شيخة خذيتوها على قب الافراس=مهيب شيخة حي وختوم وفلوس
ياهامة آل بريك والفعل مقياس=مشاهد ٍ طيبك وواضح وملموس
حصلت في شوط المراجل على الكاس=وكمّلت تاريخ ٍ من المجد متروس
من طيب راسك هبّ للشعر نسناس=ورفعت صوتي به هجيني ومنكوس
أخذت لي مع سجة الفكر هوجاس=وذكرت قول ٍ لابن مشرف وأبا الروس
شهادة ٍ تلمع مثل لمع الالماس=من روس شيخان على طيبك جلوس
عمار ياقصر ٍ مشيد على ساس=غرب الرياض وشرق عن هضبة سدوس
ينصاه من حسّه من الوقت حساس=وإللي قضى ليله بضيقات وحسوس
ماحط دونه للخطاطير حراس=ولازينه راعيه باشجار وغروس
مزينه فعل ٍ تسولف به الناس=فعل إلى منه ذكر يرفع الروس
ومزينه شيخ ٍ معه فرخ قرناس=على الهدد للصيد في عينه رموس
يامقدم آل بريك والوضع حساس=الضرس ماينفع إلى دقه السوس
وأنا بذرت الطيب في حقل الافلاس=وأثر الوفا عن تربة الهون محبوس
ناس ٍ تحسب المشيخة مال ولباس=وعطيتهم ياشيخ للشيخة دروس
علمتهم معنى النعم يا اصوك الراس=لامن قصر من روس وازدان به روس
يامن ورثت العز ساس ٍ على ساس=بشت الامارة لايق ٍ لك ومقيوس
فيحان بن شجاع والجد محماس=والعز مبطيٍ في ثرى المجد مغروس

http://www.alduwaser.org/up/pfiles/4467/DSC_0380.JPG
لشاعر / محمد بن سالم الخضراني

ثم قصيدة لمشرف الموقع الشاعر المبدع/ محمد بن سالم الخضراني:

من باب توضيح النباء للمخاليـق=طرق على اخشوم المجنـن ثبتنـا
ان سرمـدو مانلتفـة للملاحيـق=وان درهمو ترهي بهـم طايلتنـا
يفنون شيخان الرخاء واللصاميق=ماحصلو لو وجهـة مـن جهتنـا
والشيخه اللي ماعليهـا مواثيـق=لاحدهـا سـوط الزمـان ازبنتنـا
مانضلم اصحاب الهمم والمطاليق=ومانظلـم العالـم ونظلـم بختنـا
تركض ورى حب المضاهر مرازيق=وعن ذمهم ترجـح بنـا طيبتنـا
منهم يجوز الصفح من دون تعليق=وعن كيدهم تسمو بنـا منزلتنـا
ناس مغير تلفـق الهـرج تلفيـق=يقودها سلـك الحريـر او بلتنـا
والى تلاحو بالغنـاء والطواريـق=وتطاولونـا بالحكـي ماسكتـنـا
اثقل عليهم من حجا قمة طويـق=ولولا المخافه من زعلنـا كلتنـا
وان دنقـو للهون والـذل تدنيـق=في مايخص اعراضهـم ماشمتنـا
نعيش وضلوع الحنايـا صناديـق=ونمـوت ماتنـزل بنـا معرفتنـا
شم الجبال الشامخات الشواهيـق=مهما رست فوق البسيطه تحتنـا
حنا ذرالخايف الى من شكا الضيق=و الى ارتدم صف المعادي ثبتنـا
بمزرجات ضربها ينكـس الريـق=منها القبايل في الجزيـرة درتنـا
دواسر ولا يحتاج للاسـم تعليـق=الفعـل كايـد والمعالـي جهتنـا

http://www.alduwaser.org/up/pfiles/4468/DSC_0385.JPG
الشاعرمحمد بن مطلق آل بريك

ثم جاء دور عضو الموقع الشاعر المبدع محمد بن مطلق آل بريك:

ياللي تدور للمراجل وللطيب=وفقك ربي ياحميد المساعي
لكن خل الطيب دون المواجيب=المرجله في غير أهلها ضياعي
ترى الجمايل عند الأجناب لك عيب=لاصار ربعك يالسنافي جياعي
الأجناب تفرح لك بكثر العذاريب=أهل النمايم والقلوب الوجاعي
لو ناجده يضحك ماتعلم وش الغيب=ولو يمدحك مدحه نفاق وخداعي
وطيب(ن) تعدا الربع مايعتبر طيب=يقطعك ياطيب(ن) على غير داعي
ربعك ليا صكت عليك المغاليب=هم محزمك لأختف قلب الرعاعي
ولاكدرن وغثربن المشاريب=هم سترك الظافي وهم لك قناعي
وليا بلاك الله بوقت المناشيب=الأجنبي يقصر ولو هو شجاعي
أما رفيقك مايحسب العواقيب=يقدم على الأخصام ماهوب ياعي
هذي مشاعر شاعر(ن) جت بترتيب=مستعصي القيفان عنده طواعي
وصلاة ربي عد رسل ومناديب=على النبي مازاف نبت المراعي

http://www.alduwaser.org/up/pfiles/4460/CSC_0449.JPG
الشاعر عبدالمجيد بن شجاع آل بريك

ثم جاء دور عضو الموقع الشاعر المبدع عبدالمجيد بن شجاع آل بريك

يا هجوس الشعر بصخر من الجزلة حروف=بصخر اللي ما تهيا على بال وطرا
والله اني ما تبينت من بين الصفوف=غير كوني في المواقف صقيلٍ يشهرا
ما تعذرنا بظرف ولا قلنا ظروف =يوم جانا داعي الحفل ماقلنا اعذرا
مرحباً باللي لفونا من رجال وضيوف=بالرجال اللي مع أهل المواقف تذكرا
أرحبو ثم أرحبو عد مليون وألوف=أو كما عد الذي باع بالسوق وشرا
في محل أهل الوفا كل وصف من الوصوف =ما نجيب المدح وافي لابده يقصرا
من زمان قد مضا فيه مصقول السيوف=والسيوف من الجفير تجرد وتعرا
يوم وقت ماضي فيه كسب وفيه حوف=يوم نمنع شعب برك بدمٍ بنثرا
كم وكم رجلٍ طمع فيه ثم عود كسوف=ما يحصل ما يريده ونا فوق الثرا
اجهروا بالصوت والعلم خلوه معروف=يوم بعض اصحابنا شاب بالسن وهرا
والله اني لبدي الحق واغط الزيوف=والرجال اتميز الحق من وقت جرا
يا عيال العود فلاح ما فيها نشوف=يوم حان المدح نمدح صقيلً يبترا
ويوم نرجع صوب جدً على الطالة كلوف=ابن ضافي جدنا هو حماي الذرا
هيه ياللي تبغي الغط ما هي بالشفوف=والله اني لبدي الحق والعين بترا
والله أن الحق دايم كما السيل الجروف=ما يعوقه عن مناحيه كذب وافترا
ومن يمارينا بفعله حنا له وقوف =يبدي اللي هو يماريه ويجيه خبرا
أهل بركٍ والله انهم على حد القنوف=مستوانا دايمً فوق ما نرجع ورا
وفي ختام القاف بثني تراحيبي ألوف=وسبعة اميه مع ثلاثين ثم زدها عشرة