|
راعي الحمر وكريم سبلا
قصيدة عبدالله بن بلال القحطاني يمدح هذال بن وقيان الشكري الدوسري
راعي الحمر وهو الذي لقبه الملك عبدالعزيز بكريم سبلا وكان قد جاوره فشكر جواره وقال عبدالله:
كريم يابرق حدر يمة الشرق= اخايله لين اول الصبح باني يادار هذال لها لايح البر ق = عساه يسقيها حقوق الغشاني عطيته لامن عطي يعطي الفرق =ماهوب من يرتد فيها مثاني حر علي حر ومجناه من غرق =ماهو من اللي ماكره مشبهاني ياباني بيته علي مفرق الطرق =وياما خذن ضيف الحمر بالضماني كاتبه: تركي الودعاني |
تركي الودعاني
الله لايهينك على ذكر واحد من جداني أشتهر بالكرم والعلوم الطيبه واحب أزيدك بحاجه كان الملك عبدالعزيز رحمه الله مجتمع مع أمير القبايل جميعهم في حي السقاف في مكة المكرمه وكان من ضمن الحضور هذال أبن وقيان فقال الملك طيب الله ثراه (من هو أكرم مني يالربع) فكان ردهم بأن ليس أكرم منك أحد يابن سعود فقال بلى هذال ابن وقيان هو اللي أكرم مني هو كريم سبلا؟ وله سالفه عندما أخذت أبل المساعره من قبيلة آل مره وكان عقيدهم أبو ليلى وكان أثناء أخذ الأبل فرسان القبيلة في غزو وعندما قربو من (برك) علم هذال بن وقيان بأن أبو ليلى أخذ ابل المساعره وهو يعلم بأن ليس معها أحد من المساعره فاجهز العده لملاقاته في (برك) ولما تواجهوا الجمعين أطلق كلمته المشهوره هذال ابن وقيان ( خلــــــــــــــــو درب للذليــــــــــــــل)؟ وأستطاع أن يرد ابل المساعره وهذا شيء معروف فالدواســـر الحميـــــه لابن عمه لاهنت ياتركي |
بيض الله وجهك ياتركي ولاهنت على الموضوع الطيب من كاتب اطيب
|
بيض الله وجهك يابن عمي على هالقصيدة
والله يرحم شيبان اول تقبل تحياتي ،،، |
لاهنت ياتركي على الموضوع والله يرحم هذال برحمته ,,,,,,
|
ابن رشود والنعم فيي جدانك والله كفووووووووووووو وهو غني عن التعريف
مرورك شرف |
ابن غياث وجهك ابيض القرم وانتوا اهل طيب وتستاهلون
|
لاهنت يابوهادي ويستاهل كريم سبلا المدح
تقبل تحياتي،، |
السلام عليكم ورحمة الله وبركاته
بيض الله وجهكم جميع على هذه العلوم الغانمه . والى الامام والـــســـــلام خــــــتــــــــام |
البراق ارحب يابن عمي ويسعدني مرورك يالبراق
|
هذال ابن وقيان امير احمر في وقته واتى بعده ابنه شايع ثم ابنه هذال
والان محمد بن شايع ال وقيان شكرا لهذه المعلومة |
لا هنت يا تركي على الابيات
ويستاهل المدح راعي الحمر |
نايف لاهنت علي مرورك الكريم
|
صح الله لسان الشاعر وابن وقيان كفو الله يرحمه ومن ناحية رده الابل من ال مره فهو والمساعره واحد واذا غابو يسد عنهم واذا غاب يسدون عنه واذكر سالفتين لابن وقيان (كلها سامعها من شيباني) السالفه الاوله ان ابن وقيان وربعه من الشكره وخلطهم من باقي الدواسر غازين وكان جد ابوي مسافر ومر على ديرتهم ولايدري انهم غازين جدي مسعري وقال بيسلم على بني عمه ويبيت عندهم ويسرح اليوم الثاني ويوم جا قلطوه العرب وعلموه بان ابن وقيان غازي وبيعود قريب وجلس يتقهوى وماخذا الا يوم صاح الصياح البل غارو عليها حنشل (والله اني ناسي من اي قبيله) وماكان في الديره الا القليل لان اكثرهم مع الغزو بنت ابن وقيان او اخته راحت مع الابل واذا قالو لها اللي خذو البل ارجعي يامره قالت البل لها اهل بيردونها وتعيي ترجع (وكان عيب عند العرب انهم يذبحون او يتعرضون النسوان) جدي بلحاله مامعه احد لا من جماعته المساعره ولا من غيرهم قفا جدي الحنشل حتى اظلم الليل والبنت مع ابل اهلها وتقول لها من يردها ويوم اظلم الليل نطحهم جدي مع مضيق وقام يرمي ويتعزوى(خيال صخاف الشول انا ابن مسعر) وهذي عزوة المساعره يوم سمعوه القوم قالو لبعضهم سلمنا من ابن وقيان وطحنا في المساعره يظنون ان اللي نطحهم كلبو المساعره لكثرة الرمي والعزاوي وكان جدي الله يرحمه متقي ويشوفهم وكل شوي يذبح واحد منهم من جهه ويروح للجهه الثانيه ويذبح غيره وانحاشو القوم ويوم رد البل وينطحونه الناس وكلن يقول انا اللي رديتها لانهم في ليل جا ابن وقيان وكلن يقول انا اللي رديت البل قال ابن وقيان ذا الحين بندري من اللي ردها صب الفنجال ياصبي وتعالي يا فلانه ميد بنته او اخته من نسوق الفنجال له قالت سقه للمسعري ولا لجدي فضل ولامن.. الشكره بني عمه السالفه الثانيه يقولون فيه شيخ من شيوخ شمر كريم واسمه هذال قال تعرفون احد اكرم مني قالو لا قال واحد منهم انا اعرف اكرم منك قال منهو قال سميك هذال ابن وقيان الدوسري قال الشيخ الشمري انا بسير على سميي الدوسري واعرف من اكرم انا ولا هو يوم جاه الشمري واخوياه فرق الدوسري على الشمري بشي واحد انه قدم التمر لخيول الشمامره يوم عشاهم قال الشمري هذي السالفه وانت طلعت اكرم مني لانك سبقتني باكرام الخيل وهذي فاتتني وسلامتكم وسامحوني على الاطاله .....الحـــــر..... |
بومبارك ولا انت وماعليك زود ويسعدني مرورك
|
الساعة الآن 10:08 PM
 |
Powered by vBulletin® Copyright ©2000 - 2024, Jelsoft Enterprises Ltd.
---