حنا حماة السيح آلاد عمار
هذه القصيدة في حفل ال ثلاب ال عمار
يالله ياللي عالم(ن) بالخفايا..يالواحد المعبود جزل العطايا..انك توفقنا طريق الهدايا..وانك تجملنا معا كل منعور@ في حفلة اهل الطيب ذا الليل جينا..نلبي الداعي ا ليامن دعينا..واليا بدا اللازم نحضر ونبينا..ولو قيل لي معذور مانيب معذور@ في حفل ربعي مرحبا بالمناعير..على الشحم ومقندات المباهير..في حلة اللي يكرمون الخطاطير..عيال عود(ن)وسط الالحاد مقبور@ ثلاب لا عدوا هل الوجه والجاه..تلقاه في عسر المواقيف تلقاه..ماخاب رجل(ن)في لزومه تنصاه..ياجعل منزاله مع الرسل والحور@ جده محمد كاسب(ن)كل الامداح..ابن شبيب(ن) يوم بيعات الارواح..يوم المغازي يومها عج وصياح.. يوم القبايل بين كاسر ومكسور@ له عزوة(ن)حوض المنيات يردون..وعند العشاير في ضحى الكون يثنون..خيالة البلها على الشر يبغون..عزوة فخر للي من اعداه مقهور @ وذا الليل في حفلة سميه قدمنا..نقدم الترحيب للي تعنا..ولاهان رجل(ن)في لزومه وصلنا..ويالله عسى فاله توافيق وسرور@ وفي مدح سربان المحازم هل الطيب..لباسة الجوخ الحمر في المواجيب..اهل القنا ومخضبين المحاديب..مضرابنا في الرأس ومقدم الزور@ يشوش راسي واتنومس اليا حان..قول(ن)على فعل(ن)وقول(ن) ابرهان..يشهد لنا في مامضى قول راكان.. هل سربة(ن)لا دبرت كنها عور@ وحنا حماة البل نهار الحرايب..يوم انها بين القبايل كسايب..يوم الجزيره بين نهب ونهايب..تعرف عزاوينا مع كل مصطور@ وحنا حماة الغرس زينات الاثمار..حن سورها مابني من دونها اسوار.. وحنا حماة السيح آلاد عمار..كم طامع(ن)من دونها راح مكسور@ ذا قول منه لابغاها تجيله..ياخذ من الجزله ويكب الهزيله..واليا بغا المشراف ذب الطويله..ذا قول ابن مدعث سلايل هل الشور@ الشاعر/ناصر بن مدعث آل عمار |
رد: حنا حماة السيح آلاد عمار
اخي الفاضل ابن مدعث
قصيدة جزله من مبدع والنعم بالدواسر وهلنا آل عمار مزيد من التقدم لشاعرنا المحبوب ابن مدعث |
الساعة الآن 01:45 AM
|
Powered by vBulletin® Copyright ©2000 - 2024, Jelsoft Enterprises Ltd.
---