شاقني طاروق مسعود وسعود الرشيدي=قلت يابيوتي من الجزل فيدي واستفيدي
شاعراً ومصادم الروس بالميدان عيدي=تو شبت نار والنار من شبابها
0=0
0=0
انت يا مسعود تال الزمن منتب شباب=بينت بيضاً بوجهك لكنك اخفيتها
في خميسٍ دونه دهور وخلافه سحاب=قلت لي يا صاحبي كلمةٍ ما اوحيتها

شاقك اللي شاق غيرك وانا مثلك مشوق = مير هد شوي واركد على هونك وروق
والله اني ودي انك يابن عمي تفوق = تو شبت نار والنار من شبابها

انت يامسعود تالي الزمن جافيك ناب = والشعور اللي تجي في شنبك اكليتها
فاتحن لك بابا ومسكرن قبل امس باب = والمسامع عندك ثقال يخرب بيتها

المشاركة الأصلية كتبت بواسطة ناصر بن فهد (المشاركة 622748) ههههههههههايُ يوم جيت انقطع الاتصال مادري من حظي ولا حظ مسعود

انت تال الوقت منتب رفيقي يا رفيقي=قمت تلبسلك قناعٍ على الوجه الحقيقي
مير انا باعلمك علم لو انك تضيقي=يوم شبت نار والنار من شبابها
0=0
0=0
احسب ان المذنب من الليال السود تاب=لين جينا جرته ليتني ماجيتها
انت حرٍ فيك صمله وبك ريشة غراب=ماتخفيها الجناحين لو ضميتها

انت منتب لا خويي ولا لي معك خوه=ما انخدع في طافي النار بالوجه المشوه
لا تفوه في كلام العداله لا تفوه=ولعوها نار والنار من شبابها
0=0
0=0
انت تأكل مع هل الطيب وتخون الزهاب=وتبتسم في ضحكتك كنك ماسويتها
ما يردك للنقا كود صوطٍ من عذاب=كودها تطهر يميناً علي لفيتها

لاتسوي لك علوم ودهاويل وسوالف = وانبغيت تبيع خوة رفيقك مايخالف
جعل ربي مايردك إلى من رحت ذالف = ولعوها نار والنار من شبابها

لاتعاتب وانت ماتعرف سلوب العتاب = الدروب العوج والله مامريتها
والمثل قدقال ليدين من دون الرقاب = وانتبه يمناي للان مامديتها

بينت سود الليالي رفيقي من عدوي=يا محاول مشية الصح والشاص متلوي
وش تسوي لو تخليت عنك وش تسوي=ولعوها نار والنار من شبابها
0=0
0=0
عام الاول ونت تفعل مع عزازالجناب=ما تسن بسنةٍ كون انا سنيتها
والسنه ذي تحسب المخطيه مثل الصواب=وانت لمبة نور لو أشتهي طفيتها

افتحو بوابة شهار جاكم شخص فاقد = صاحي ساعه وساعه من الوسواس راقد
المرض خلاه ضايق على ربعه وحاقد = ولعوها نار والنار من شبابها

عام الاول يقنب الذيب في روس الهضاب = والسباع اللي بذيك الهضاب افنيتها
والسنه ذي نمسك السيف من عند النصاب = والدليل ايمينك الطايله كفيتها

كل ماقلت ان مسعود من غيمه تجلا=جاب له نكبه جديده ونا عيوني تحلا
أشهد انه خالصٍ منتهي لا والله الا=ولعوها نار والنار من شبابها
0=0
0=0
عام الاول ونت تاجر..لكن صفر الحساب=كل ما خليتها جيت ثم شليتها
والسنه ذي ما تكمل مع غيرك نصاب=من زكاةٍ قبل عامين لك زكيتها

رحت مع سكه جديده وخليت القديمه = لاتطولها زياده وشد خطام ريمه
انت طرقي والعرب في منازلها مقيمه = ولعوها نار والتار من شبابها

السؤال اللي يجي منك له عندي جواب = اشتري وابيع وادباشكم حصيتها
عينك اليسرى عليها من العجه ضباب = وعينك اليمنا إلى شفتني غضيتها

مبدعين جداً مبدعين والله يوفقكم جميعاً

والحقيقة انكم كفيتو ووفيتوا

ولاهنتو ,,,,,,