مصاريرٍ إلى دارت عـلـيـنـا=رحى قـومٍ على الشـده رسينا
مصاريرٍ لـنـا عـشـرٍ سـوابـق=مع وجيه المـغـيـره سابقـيـنـا
مصارير لـنـا فـنـجـال صـينٍ=شـربنا هيبـتـه ثـم احـتـمـينـا
مصاريرٍ لـنـا ظـربـةْ عـقـيـدٍ=تـبـيـد الخـيـل واللي راكبينا
مصاريرٍ لـنـا وقـفـة خـويٍ =لها يـشـهـد إيلاه مـعـتـلـيـنـا
مصارير لـنـا قــدرٍ يــدسـم =يـدسـم من رؤس الحـاقـدينا
مصارير شهـرنا بالخـفـيـسه=وردنـا صـفـوة المـا ورتـويـنـا
مصاريرٍ على الخفسه شهرنا=شهرنا عـنـد زيـنـات الحـنينا
مصاريـر لـنـا وقـــراً نـعــده=نعـده من صـحـون الاكرمينـا
مصاريـر تحـدينـا الـسـباعي =وصـارت كـنهـا مـنـا وفـيـنـا

ياهاجسي حظّرمن الشعرماطاب =عطني جزيل القول وأترك هزيله
بارد لك أبحـورٍ نقيات وعـذاب=وابوج لك عـوج الدروب المهيله
حتى اتبين لك على راس مرقاب=والعب لك الطاروق وأطرب ألشيله
أبغاك توفي لي مع أعز الأصحاب=اللي غلاه إيفـوق كل القـبـيله
اللي إليا أحتجته من الوقت ماهاب=كن اللزوم إليا نصيت إيعنيله
وإن شفت مزلاج الزمن سكرالباب=يطري علي في لازمي واعني له
ماهو إيدورله على الصده أسباب=والا حظـوره مايزبن دخـيـله
لاغابت أوجيه الرجاجيل ماغاب=يقدم على الموقف بيمناً طويله
هذا هو محمد إلا عـدو اشناب=محمـد محـيا زبـون الـثـقـيله
حطيت حبه شارةٍ بين الأحباب=هو خامس اللي حبهم مانزيله
هوخامس أخواني عريبين الانساب=أخٍ عـطانا اياه رب الـفـظـيـله
غنيت فيه القاف من حب وإعجاب=قافٍ على المظمار يسمع صهيله
واليوم ياشعري ترا الظن ماخاب=لازاد حملي عارف إنك تشيله