سلام تسليمة(ن) فيها علامة خطر=تهدى لناس(ن) وناس تكف من دونها
في الساعة الواحد والنصف طاب السهر=وان شفتنا ام الكباير بافقع عيونها

يا مرحبا يا المسلَم عد وبل المطر = ترحيبةٍ و البشر يا خوك يوحونها
مع أهل الطيب يا محلا السهر و السمر = و أم الكباير علينا كسرة سنونها

ياطايع الله وعدكم في نهار الحشر=في النار.. ولا بجنة مالت غصونها
في نجد كثروا رعاة الضان واهل البقر=من عقب شدّت هل السرفات بضعونها

إن كان به ذنب يا غفار يا الله تغفر = يا صاحي الله يعرف الناس و ظنونها
الفرق واضح ما بين اهل الخمس و العشر = نعرف هل الدار و اللي ما يخصونها

المشاركة الأصلية كتبت بواسطة طايع ربه (المشاركة 181877) إن كان به ذنب يا غفار يا الله تغفر = يا صاحي الله يعرف الناس و ظنونها الفرق واضح ما بين اهل الخمس و العشر = نعرف هل الدار و اللي ما يخصونها

شفت الحرامي يتايق و(أ)هو ميت قهر=بلشان في حاجته لوكان ياهونها
وقبل أمس أشوفه يجي ويروح راكب همر=ليته عقب ماركب يدري بمضمونها

الله يسلمك يا الذيال ما هي تمر = اتطوفكم و أنتم أنتم ما تطوفونها
الطلح يا بو شنب ما هو سوات السمر = اميز اطبوعها و اميز(ن) لونها