|
الشيخ شلهوب بن ثويني العمور
هو الشيخ شلهوب بن ثويني بن محمد بن ثويني من العمور الدواسر ، ومن شيوخهم ، ولد عام 1252هـ بمنطقة الخرج وتوفي رحمه الله في حوالي 1343هـ . والشيخ شلهوب يعد من شعراء وفرسان قبيلة الدواسر البارزين . قال يرثي أخاه غالب بن ثويني ومدح قبيلته(الدواسر):
الله يعين اللي تكدر منامه=من كثر ونات تحش الزوافير يون ونة من شكى من عظامه=مع السهر زادت عليه السواعير يقطعك دنيا تاليتها الندامه=انبيابها تضحك ونوب مكاشير ياتجرة خليتها باليمامه=خليت خيال السلف والمظاهير خليت خيال السلف والجهامه=لاجا عجاج الخيل مثل المعاصير وان جاء نهار ٍ فيه جدع العمامه=ملجا لسيفه من هوايا المناعير يضرب بحد السيف لا اخلا احزامه=والخيل من ضربه تقفي مدابير من نسل ابوي معربين عمامه=هل ركضة يشبع بها السبع والطير ياليتني قبله بقبر ٍ هدامه=واني فديته يوم جته المقادير لو كان ((ربعي)) مبعدين الغمامه=فراس لامن طار ستر الغنادير ربعي لهم بالمجد مدح وكرامه=((دواسر ٍ )) هيف الغنم في المعاسير لاشك قلبي مايداوي هيامه=من بعد غالب يالوجيه المسافير قال الشيخ شلهوب هذه القصيدة يخطاب ابنه رسام:
رسام انا يابوك هالحين شايب=انت بتظم العود ولا تخليه ماني بغواصٍ ولا نيب بسايب=كم ذود مصلاح خذينا نواديه يا ما خذينا من طوال النجايب=واللي قعد لامن لفينا نحذيه لا من غدى عند العشاير حطايب=تطلع مواقفنا على اللي نعاديه نركب على قب تخوض الحرايب=من ركب منا شذرة السيف يرويه وسلومنا عند القبايل طوايب=قصيرنا ماحد يمسه ونغليه قصيرنا نغليه بين القرايب=نغليه ونعزه وكل يداريه بحدودنا يمشي ولاهوب هايب=لكن فرسان الدواسر تباريه قلتله وانا شلهوب عطب الضرايب=وقول بلافعل عيب لراعيه وله هذه الأبيات:
يا والله اللي فارقتني جوادي=كما يفارق طارد الصيد راميه انشهد ماكان جاني قوادي=خليتنا المرقب وانا كان راعيه وفي احدي المناسبات قام محمد ابن عواد احد امرء الصخابره الدواسر اهل البديع بالافلاج بغزوة فكسب فيها ابلا كثيره الا ان من ضمن الابل المسكوبه ناقة اليامي وكان اليامي جار شلهوب بن ثويني احد امراء العمور في الخرج وقد رحل اليامي عن شلهوب بفتره طويله وبمقتضي عادات الحرب والسلم القائمه فليس لشلهوب حق اي ادعاء في ناقة جاره لان اليامي وقت الاغاره ماكان جارا لشلهوب واذا فليس له <مثار > اي حق في الناقه وانما طلبها شلهوب مروءة من الشيخ محمد ابن عواد فاعطاه ابن عواد ناقة جاره واعطاه جوخه كسوة اكراما له لاجل وفائه مع جاره السابق ولم وصلت الناقه الي صالح بن عبدالهادي اليامي قال هذه القصيده ثناء علي شلهوب وجماعته وارسلها اليهم
احمدت رب رد ذروة عليه = ومن بعد ماراحت مع نسل عواد من عقبها ماكن عندي مطيه=عفت المنام ولذة الشرب والزاد نخيت فيها اهل العزوم القويه =عمور يسقون العدو سم الاكباد اخصهم مني سلام وتحيه= وابني لهم بيضا علي روس الاشهاد اخص ابو خالد زبون الونيه= لاجا نهار فيه مقفي وطراد ياما حمي من عودة كل هيه=خيالها ماعاد يقدر للاسناد (منقول من اشعار الدواسر ) (( حققه وعلق عليه ابوعبدالرحمن ابن عقيل الظاهري )) واللي عنده اي اضافة او تصحيح يتفضل بها وحنا له شاكرين |
رحم الله الشيخ شلهوب بن ثويني الغني عن التعريف بيض الله وجهك كثر ماهو أبيض يالقرم على إيراد هذه السيرة العطرة عساك على القوة طال عمرك لاتبطي بجديدك ،،،، |
لاهنت يابومبارك
واظن ان شلهوب هذا هو اللي انتخى به عبدالهادي بن صالح اليامي ,,عندما اخذت ذلوله وقام ابن ثويني وردها له لذلك قال اليامي مادحا شلهوب ابن ثويني::
ان احمد الله رد ذروة علية=من عقب ماراحت مع نسل عواد من عقبها ما عاد لي مطية=وعفت المنام ولذت الشرب والزاد ونخيت فيها هل العزوم القوية=عمور يسقون العدو سم الاكباد تحياتي’’ |
كفوو قول وفعل لاد العميري لاهنت ياذيبااان على الاضافه اللي تنومس واسمح لنا على التنسيق طال عمرك تحياتي لك ،،، |
خذ راااااحتك
تحياتي يالذيب |
السلام عليكم ورحمة الله وبركاته الأخ العزيز ( العماني ) الله لا يهينك وجعلني ما أعدمك على هالموضوع الطيب ، وبالفعل لقد أستفدت عن أحد أبناء الدواسر الأبطال ونرجوا لو أن هناك من يتحفنا بقصص أكثر عن هذا البطل لقلة معرفتنا به . تقبلوا تحياتي ،،، أخوكم :- الهيلاني . |
بيض الله وجهك يابومبارك علي النبذه الطيبه والف شكرررررررررررررر
|
لاهنت يا كحيلان وبيض الله وجهك
|
لاهنت ياالعماني وبيض الله وجهك
ورحم الله الشيخ ابن ثويني الفارس المشهور ومن قوم معروفين لاد العميري يستاهلون المدح |
يعطيك العافيه أخوي العماني وبيض الله وجهك...
النادره |
لاهنت يابومبارك على ذالمعلومات الطيبه من رجل طيب واظن له سالفه مع قحطاني خويه يوم طاح في البير وماعنده حبال وذبح مطيته وسوا من جلدها حبل وطلع خويه مدري هي له ولاّ لواحد مصروري
تحياتي لك-- |
حياكم الله جميع ولاهنتوا على المرور
تقبلوا تحياتي،، |
السلام عليكم ولاهنت اخوي العماني على الموضوع ... هذي اهي قصيدة صالح اليامي كامله يوم انتخى الامير ورد له ناقته واكرمه....
حــــــــمدت ربٍ رد ذروة عليه من عقــــب ما راحت مع نسل عواد من عقبها ما كـان عندي مطيه عفت المــــــــنام ولذة الشرب والزاد نخيت فـيها أهل العزوم القويه عمور يسقــــــــون العدو سم الأكباد أرفع لهـــــم مـني سلام وتحيه وأبني لهم بيضا على روس الأشهاد وأخص أبو خـالد زبون الونيه لا دبروا ما بين مقــــــــــــفي وطرّاد |
الله لايهينك ياذيبان ولا تخلينا من جديدك ياكحيلان وكفوووووووووووووووو بلعمور
|
اخوي العماني جعل يمناك تسلم على هذه السيره العطره لفارس من فرسان الدواسر البارزين واسأل الله ان يرحمه ويبارك في ذريته اخوك / فهد الغريري,,, |
الساعة الآن 07:56 PM
 |
Powered by vBulletin® Copyright ©2000 - 2024, Jelsoft Enterprises Ltd.
---