::: مـنتدى قبيلـة الـدواسـر الـرسمي :::

::: مـنتدى قبيلـة الـدواسـر الـرسمي ::: (http://alduwaser.org/vb/index.php)
-   :: قسم قصايد مدح وفخـر في الــدواسـر :: (http://alduwaser.org/vb/forumdisplay.php?f=37)
-   -   قصيدة/عبد الله بن بتال بن زامان (http://alduwaser.org/vb/showthread.php?t=75105)

الصاررم 08-03-2017 05:45 PM

قصيدة/عبد الله بن بتال بن زامان
 
حنا على كسب المعالي حريصين
لاد البريكي سعد منا حزامه

بالسيف أخذنا المدن خل البعارين
طرقن على اكبر لابسين* العمامه

في قلعة الوادي رصخنا من اسنين
وبركن خذينا فيه ذروة سنامه

انرد للمخطي له الصاع صاعين
لامن عمدنا بالخطا انا الجامه

عدونا نسقيه سم الثعابين
وحليفنا يامن بنا في منامه

حنا هل البل والنخل والدوواوين
لامن زماالعايل* مسكنا خطامه

قومن عزاوينا تهز الثقلين
لاجا نهارن فيه مثل الغمامه

جولاتنا عند البل ايسار و يمين
ترعابنا بالخوف شرقه وشامه

من دونها نحذف بروس المعادين
كم راس شيخن ننطله في العدامه*

الدحي يشهد يوم جونا امغيرين
على الجفر يبغون مشرب و قامه

قال ابن زامان ازهلو شيخهم وين
ونزف براسه وصط صافي اجمامه

وراحو مع الخبه شمال ن مقفين
عافو قراح الما و عافو اثمامه

وحسن ذبح عبد الشريف احمر العين
للعرض رأسه حذف وصط القمامه

فزعاتنا تبهج وتجلى عمى العين
وفينا حميا لرفيق اوشهامه

فرساننا لالحقو البل صلاطين
لانطحو الخيال يرمي اسهامه

يوم ابل مصري ردها منهم اثنين
يوم أخذت ابله حققو له مرامه

وفي قيعة الجزلا وقفنا اسبوعين
لين احتمينا ها بعزم اوصرامه

هاذي فعايلنا عليها براهين
لاخير في الي مايثبت كلامه

وكل الدواسر بالفعايل وفيين
وامجادهم تبقى ليوم القيامة

دواسرن تعرف من اول وباقين
وسم العصا للجار تعني لقامه


عبدالله بن بتال بن زامان ال بريك

ساقان الدواسر 09-03-2017 05:31 PM

رد: قصيدة/عبد الله بن بتال بن زامان
 
أخي الصاروم يحفظه الله
أبداع بنقلكم للامام
قصيدة جزله وفيها من المعاني الكثير
وقبيلة آل بريك يستهلون الطيب
أنشهد
الاد البريكي سعد منا حزامه
تقبل فائق التقدير لشخصكم الكريم

الصاررم 12-03-2017 11:22 PM

Re: رد: قصيدة/عبد الله بن بتال بن زامان
 
اقتباس:

المشاركة الأصلية كتبت بواسطة ساقان الدواسر (المشاركة 773721)
أخي الصاروم يحفظه الله
أبداع بنقلكم للامام
قصيدة جزله وفيها من المعاني الكثير
وقبيلة آل بريك يستهلون الطيب
أنشهد
الاد البريكي سعد منا حزامه
تقبل فائق التقدير لشخصكم الكريم


ماعليك زود وشرفتني بمرورك


الساعة الآن 03:27 PM

Powered by vBulletin® Copyright ©2000 - 2024, Jelsoft Enterprises Ltd.
---