|
اضحك مع ابن جدلان
اضحك مع الشاعر سعد بن جدلان الاكلبي السلام عليكم ورحمة الله وبركاته . جبت لكم بعض طرائف بن جدلان . الشاعر سعد ابن جدلان الاكلـبي من اكبر الشعراء في العصر الحالي وهو شاعر لجميع انواع الشعر (العرضة - المحاورة - النضم - الشلة - الموال ) وقليل من الشعراء من يستطيع ذلك وهو من رموز الشعر في المنطقة الجنوبية وقد دخل قلوب الناس عن طريق الشعر الفكاهي والشعر الاجتماعي وهذه بعض قصائد الشاعر لا شـان حظـك والليـالـي تحـدتـك,,,أصبر عليها والصبر زين لو طال لا تنحنـي للوقـت وتـروح هيبتـك,,,تصفق بك الايام من جال في جال وان كان همك بالزمن بس لقمتك,,,الـفـول بريالـيـن والخـبـز بـريـال قصيدة اخرى عندما اصيب الشاعر بفقر دم يافقر قلي وش تبي مـن ورانـا,,,زودِ علـى فقـر الدراهـم فقـر دم ما حاشـت يدينـا غدابـه عطانـا,,,نبذل ولا تحسب يدينا عطت كم ولابـه رصيـدٍ عندنـا مـن يدانـا,,,الا الفعول الطيبه وخشيـة الـذم لو نستلف حق الغدا من عشانا,,,نصبـر ولـو احوالنـا كلهـا هــم قصيدة اخرى ودنـا بالطيـب بـس الدهـر جحـاد طيـب,,,كل ما تخلـص مـع النـاس كنـك تغشهـا يـدك لامـدت وفـا لا تـحـرا وش تجـيـب,,,كـان جاتـك سالمـه حـب يـدك وخشـهـا كلمـا شبيـت نــار المحـبـه مــع حبـيـب,,,قـام يسـحـب فــي مشاهيبـهـا ويرشـهـا كل ما واجهت لك في زمانا وجه غريب,,,مثـل مـا قـال المثـل دام تمـشـي مشـهـا ذمــة ماهـيـب تنـقـال للـحـق المصـيـب,,,جعل قشـاش الحطـب لا سـرح يقتشهـا ... وهذه من طرائف ابن جدلان جاء يوم من الأيام وصله رجل لمشوار وسيارته ددسن قديمه يوم وصله وجاء بن جدلان يبي ينزل قال له الرجل : يابن جدلان أنا سويت فيك معروف وو صلتك مشوارك أبيك تمدح سيارتي فأضطر الشاعر / بن جدلان أن يوافق لأنه يبي يرد الجميل فقال : يا راكب اللي دركسونـه دركسـون,,,ومكينتـه تحـت كبوتـه مكيـنـه وسويكه سويك والطبلـون طبلـون,,,ويسـاره يسـاره ويمينـه يميـنـه وان كان كفراته برجستونٍ برجستون,,,واللي ماهي زينـةٍ ماهيـب زينـة يمشي على الهون لا مشوه بالهـون,,,وإن كنهـم شاحطينـه شاحطينـه ــــــــــــــــــــ.....ــــــــــــــــــــ..... ــــــــــــــــــــ......ـــــــــــــــــــــ ويقولون كان معه مرسيدس من الأولات وقابله في الخط سيارات مرسيدس من التاليات اللي مقصوص خشمها من قدام (الفنس) و يوم شافها تعدته هو وموتره قال: وخري يالفنس عن سمح الاقبالي,,,,,,لعنبوا ذاالوجه وجـه الفلبينـي ماضهرتي غير في جيلنا التالـي,,,,,,في غلا المعزا ورخص البعاريني ــــــــــــــــــــ.....ــــــــــــــــــــ..... ــــــــــــــــــــ......ـــــــــــــــــــــ كان أبن ( جدلان ) معزوم عند تاجر معروف في البر . وكان هذا الرجال يحب (السلق) عنده في بيته أكثر من 6 سلق. يوم حضروا كل الضيوف قال أبن جدلان للمعزب : انا عندي قصيده فيك ودي أقولها. قال المعزب: تفضل يأبن جدلان: يوم خلصت القصيده!! حب المعزب يمزح مع أبن جدلان قال له: ماودك تقول قصيده في السلقه!! قال له أبن جدلان: القصيده كانت في السلقه. بس يوم شفتك قلت أنت ولا السلقه!!! ــــــــــــــــــــ.....ــــــــــــــــــــ..... ــــــــــــــــــــ......ـــــــــــــــــــــ سألوا بن جدلان عن الحداثه في الشعر الشعبي وهل يستطيع أن ينظم بيت على الاقل من الشعر الحداثي : قال بن جدلان : على جناح الباميه وقّع الفـول,,,,,,,,,والكوسة الخضرا تحب البطاطه. |
رد: اضحك مع ابن جدلان
الله يعطيك العافيه يا ردعان
وصح لسان الشاعر الكبير ابن جدلان |
رد: اضحك مع ابن جدلان
يعطيك الف عافيه ..
|
رد: اضحك مع ابن جدلان
صح لسانك وأعتلى شانك أتحفتنا بطرائف الاكلبي
وابن جدلان شاعر علم لايشق له غبار ولكن عندي تعليق على البيوت هذي .... يافقر قلي وش تبي مـن ورانـا,,,زودِ علـى فقـر الدراهـم فقـر دم ما حاشـت يدينـا غدابـه عطانـا,,,نبذل ولا تحسب يدينا عطت كم كاني قد قراتها في ديوان الشا عر سعد هتيل الرواعيه ياليت تعيدون النظر فيها تقبلوا مروري |
رد: اضحك مع ابن جدلان
اقتباس:
الله يعافيك اخوي ناصر وتشرفت بمرورك يا غالي |
رد: اضحك مع ابن جدلان
اقتباس:
الله يعافيك ومشكور على المرور والتعليق |
رد: اضحك مع ابن جدلان
اقتباس:
صح بدنك اخوي النداوي وشرفت الموضوع بمرورك وتعليقك وراجع معلوماتك اخوي النداوي هذي القصيده هي فعلا لابن جدلان واسف اذا صححت معلوماتك |
رد: اضحك مع ابن جدلان
مبدع ابن جدلان في كل شعره .
لاهنت ردعان على نقلها لنا . |
رد: اضحك مع ابن جدلان
مقتطفات جميله للشاعر ابن جدلان
يعطيك العافيه على طرحها ولاهنت تقبل تحياتي |
رد: اضحك مع ابن جدلان
soory أخوي ردعان اللي قرأتها هذي هي
شكرا على سعة الصدرطال عمرك يا اللي تقول إن فقرنا من يدينا لا تحسبنا ما نعـرف التدابيـر يا ما غدا منا ويا مـا عطينـا وياكثر ما حاشت يدينا من الخير نجود من جودات ربـك علينـا ونصبر ليا كثرة علينا المخاسير وان جات من ربك على ما بغينا والا صبرنا في رجا الله بتيسير ولو الصخر ياطا على ما وطينا خطرٍيذوب من التجمد على الكير |
رد: اضحك مع ابن جدلان
اقتباس:
ولا تهون اخوي عبد الرحمن وعطرت الصفحه بمرورك وتعليقك |
رد: اضحك مع ابن جدلان
اقتباس:
الله يعافيك اخوي ابو مبخوت وشرفت الموضوع بطلتك يا غالي |
رد: اضحك مع ابن جدلان
اقتباس:
لا عادي اخوي النداوي بس لاتعودها ابتفاهم معك ههههههههههههههههههههه ولاهنت على المشاركه ياغالي |
رد: اضحك مع ابن جدلان
الله يعطيك العافيه يا ردعان
وصح لسان الشاعر الكبير ابن جدلان |
رد: اضحك مع ابن جدلان
الله يعطيك العافيه يا ردعان وصح لسان الشاعر الكبير ابن جدلان |
الساعة الآن 05:41 PM
 |
Powered by vBulletin® Copyright ©2000 - 2024, Jelsoft Enterprises Ltd.
---