يامرحبا والفٍ هلا حي ذالعين = باللي بيوته تعطي الشعر طاقه
يصرف ذهبه أعيار واحد وعشرين = باسمه وعنوانه ورقم البطاقه
غرّ البيوت اللي ثمرها رياحين = يطرح لها قلب المعنّا ارواقه
وافرح الى جت من رجال عزيزين = لو انها تفتح على القلب طاقه
تدخل الـ قلبي من عروق الشرايين = وتجيه من صوب الجهات الرقاقه
تجيه من يم الوطن والمحبين = وكل ابلجٍ كسب الثناء من عماقه
يابو سعد حنّا على الطيب باقين = مادام عزّامٍ على عظم ساقه
ان لانة الرفقه من اشهور وسنين = اقطعك يارجلٍ احباله دقاقه
وحنّا نغرّب في لزوم السلاطين = ومثلك يعذر اللي مدى البعد عاقه
وسلم سلمت اول وبعدين ولحين = سلامٍ اتذوق العسل في مذاقه