::: مـنتدى قبيلـة الـدواسـر الـرسمي :::

::: مـنتدى قبيلـة الـدواسـر الـرسمي ::: (http://alduwaser.org/vb/index.php)
-   :: قسم قصــه و قـصيــده :: (http://alduwaser.org/vb/forumdisplay.php?f=19)
-   -   قصه وقصيده من أشهر أمجاد الدواسر (http://alduwaser.org/vb/showthread.php?t=50555)

الـــشــرافي 11-05-2010 11:58 PM

قصه وقصيده من أشهر أمجاد الدواسر
 
قصة وقصيده تروي مجد من امجاد قبيلة الدواسر 000وذلك عندما غضب شريف مكة على أحد رجاله والذي يدعى (ابن أمطرف) فهرب ابن مطرف خوفاً من بطش الحاكم الشريف الذي توعد بالحرب والهلاك لمن قام بإوائه من القبائل وتعذرت بعض القبائل عن ايواء ابن مطرف وحمايته خوف من بطش الشريف الذي كان في ذلك الوقت صاحب قوة وجيوش جرارة لا تقاوم وعندما وصل ابن أمطرف الى الدواسر رحبوا به وزبنوه وعندما علم الشريف بذلك جهز جيش كبيراً لسحق هذه القبيلة التي لم تمتثل لما قال ضمن من سبقها من القبائل وقد استعدوا الدواسر أيضاً لحرب الشريف وهم يعلمون ان هذه الحرب غير متكافئه ولاكن دفعهم الدفاع عن عاداتهم التي عرفوا بها امام القبائل وهي حماية الدخيل وقد اللتقوا بالشريف في مكان غرب محافظة وادي الدواسر يقال له من بعدها (قوز الشريف) ودارت بينهم معركة كبيره أنتهت بفضل الله لصالح قبيلة الدواسر وقتل فيها الشريف وكثير من رجاله وبعد أن شعر ابن أمطرف بالأمان قال هذه الابيات يمدح فيها الدواسر على فعلهم معه يقول فيها0




جلينا وجلانا الشريف بـن هاشـم
وذا طبع من جلا الشريـف يخـاف



ونصينا صناديد الرجـال ال زايـد
أطوال القنـا للحاربيـن إعسـاف



ومن قبل ذا كم زبنـوا مـن قبلنا
وداووا عمى من لايشوف وشاف



فيا نعم ياولد ابن خطـاب شيخهـم
سيفه على راس الشريف أنصـاف


ويانعم بالشيـخ المبيعيـج ناصـر
جواده فـي العـج إتغبـا وتشـاف


وعمري سطا بالسيف والسيف باتر
جـواده منهـا السابقـات إتخـاف


وترى عزوتي منهم إرجال ال فـادر
غشاهم مـن البيضـا ذرا ولحـاف


عسـى الله يحيهـا بـلاد ال زايـد
وعساها من عقب الربيـع إتصـاف


ما زبن اللي مثلنـا كـون مثلهـم
وكسروا عساكـر دولـة الأشـراف


يوم إصفقوا بالقوم في القوم فأرتكو
اثقال المواقف هم ذرى مـن خـاف





وكما قال الشاعر : مانع بن شلحاط العجمي إعجاب بفعل الدواسر وهزيمتهم للأشراف


تعنا الشريف لدارهم معتليه إعـرام
وردت عزاويَه بعـد جورهـم يمـه


تعدى القبايل ساكنه يبتحـص قدام
وبعد ما وصولهم قصوا اشنابه وكمه




وقال ايضاً الشاعر علي بن بلال اليامي في هذه القصه:




أهل مثلوثة وأهل خيل يوم الحرب شاع
جارهم يركض وراه الشريـف وتمنعـه


ساموا سلطان الأشراف في سوق المباع
والحرايـب وارثـه نـــــارهـا ومــولـــعـه


ودون هيبتهم طلوا هيبتـه طليـة رداع
الــــــدواسر من على سرج حجـلا تقلعـه



وقال شاعر الدواسر المعروف شلعان بن ظافررحمه الله بهذا الفعل المديح في عطف قصيدة له تسطر افعال الدواسر:




وأذكر أبن مطرف راعا الونيـه
يوم عدته القبايل مـن احماهـا


جا وحطينـاه بحصـون ذريـه
يستريح إبها الزبين إيلا نصاهـا


خايف من جور ضربات ادوميـه
الشريف وظربته مأحد(ن) قواها


بيرقها يطرخ وساقتـه المنيـه
ورايته صبيان زايـد كسروهـا


كن طرق الخيل حالوب أبرديـه
لا أقبلت هذي وهاذيـك إتحداهـا


لين ضاقت بالشريـف الجندليـه
وحولوا به من ظهرها وقلعوهـا


والفخر قوز الشريف أصبح سميه
تربته صبيـان زايـد رسموهـا

الـــشــرافي 12-05-2010 12:00 AM

رد: قصه وقصيده من أشهر أمجاد الدواسر
 
وأعذرونا على الترتيب ما عرفتنها أرتبها زين.

وتقبلوا هذا القصه والقصيده ولكم خالص تحياتي

شافي بن راشد النتيفات 12-05-2010 12:19 AM

رد: قصه وقصيده من أشهر أمجاد الدواسر
 
الشرافي معذور ولا انت بمعثور وبيض الله وجهك على نقلها لاهنت

الـــشــرافي 12-05-2010 12:25 AM

رد: قصه وقصيده من أشهر أمجاد الدواسر
 
وجهك ولا أنت فديت خشمك

عبدالله الحافر الغييثي 12-05-2010 01:12 AM

رد: قصه وقصيده من أشهر أمجاد الدواسر
 
ابوفايز
ارحب تراحيب الحياّ يالقرم وافي جعل عمرك طويل القرم..واشكرك على الاستشهاد ببعض قصائد الشعراء
وعندي بعض الاضافات او التعديل البسيط على حسب معلوماتي( وقد اكون مصيب وقد اكون مخطئ)


جليت وجلاَني الشريف إبـن هاشـم=وسواة من جـلاَه الشريـف يخـاف
وزبنت علـى رجـال عتيبـة الهيـلا=وقلوبهم من يـم الشريـف إصخـاف
وزبنت على غلبا سبيع إبـن عامـر=يدوسون الأرياء والعـزوم إضعـاف
وزبنـت علـى البقـوم والشـلاوى=كنهـم إقــرودٍ تتـقـي بإطـفـاف
وزبنـت علـى قحطـان المسـمـى=كبـار العمايـم والقلـوب إخـفـاف
وزبنت علـى لمَـا رجـال آل زايـد=طـوال القنـا للحاربيـن إعـسـاف
وعيَا علينا إبـن بـدرانٍ 1 بحيالتـه=وداووْ عمـىً مايـشـوف وشــاف
ترى عنزتي منهم رجـال آل فـادر2=غشاهم من البيضـاء ذرى ولحـاف
وترى عنزتي منهم الفارس 3 محمـد=عليـه مـن جديـد الجـوخ لحـاف
والنعـم ياولـد الفـديـر4 مقيـنـع=سيفه مـن راس الشريـف إعسـاف
والنعم يآإبن خطَاب 5 يوم حمي اللقاء=جـواده منهـا السابقـات تـخـاف
ويانعم يا ولـد المبيعيـج ناصـر 6=صفراه في عج الخيل تغبى وتشـاف
وصفراء الفويضل7 كنهـا مهجـورة=عليهـا مـن زيـن البتـات لحـاف
إن أقبلت قدم الخيـل ليهـي الأولـة=وإن دبـرن ليهـي تجـر إخــلاف
ومناع 8 ورشيد 9 حديديـنٍ بالثـرى=رجـالٍ تـورَد شــذرة الأسـيـاف
وعسى الله يحي لـي ديـار آل زايـد=وعسى دارهم عقب الربيـع إتصـاف
مازبَـن اللـي مثلنـا كـون مثلهـم=يوم إكسروْ عساكر دولـة الأشـراف
يوم مصافـق القـوم للقـوم إرتكـوْ=إرزان المواقف هم ذرى مـن خـاف

وهنا توضيحات للأرقام المذكوره في القصيده


1
- هو عامر بن بدران أمير الدواسر في ذلك الوقت
2 - آل فادر فخذٍ كبيرة من الغياثات
3 - محمد بن فادر أمير الغياثات في ذاك الوقت
4 - مقينع بن فادر فارسٍ مدلل الغياثات
5 - بن خطاب من الذلوق الرجبان
6 - ناصر المبيعيج الوداعين
7 - الفويضل هو من أجداد فيصل بن قبلان بن خليفه الغياثات أمير هجرة الدهو
8- مناع المنداع الغياثات
9 - رشيد المنداعي الغياثات

الـــشــرافي 12-05-2010 01:21 AM

رد: قصه وقصيده من أشهر أمجاد الدواسر
 
تبقى وعدد لهل المطر اذاتتخلت يا أبومطر اكيد انت المعلم وأنا الطالب وعلى العمود صح لسان فديت خشمك على هذه القصيده والله يمسيدك بالخيرات.
وتقبل خالص تحياتي ...

ابومبخوت الدوسري 25-05-2010 03:18 PM

رد: قصه وقصيده من أشهر أمجاد الدواسر
 
تسلم يمناك يابوفايز على القصة والقصائد الطيبه

ووالله كفو بربوعنا وبني عمنا على هذا الفعل الغانم ..


يعطيك العافيه ولاهنت يالذيب

موضوع يستحق التقييم


تقبل تحياتي

ناصر بن فهد 25-05-2010 03:48 PM

رد: قصه وقصيده من أشهر أمجاد الدواسر
 
بيض الله وجهك يا الشرافي
وكفوو والله بربعنا واشكر ابو مطر على الاضافه الطيبه ولا هان
وتقبل تحياتي

محمد.الودعاني 25-05-2010 09:43 PM

رد: قصه وقصيده من أشهر أمجاد الدواسر
 

تسلم يمناك يابوفايز على القصة والقصائد الطيبه

ووالله كفو بربوعنا وبني عمنا على هذا الفعل الغانم ..


يعطيك العافيه ولاهنت يالذيب

موضوع يستحق التقييم


تقبل تحياتي

ابو فهد الغييثي 25-05-2010 10:04 PM

رد: قصه وقصيده من أشهر أمجاد الدواسر
 
بيض الله وجهك يا الشرافي
وكفوو والله بربعنا واشكر ابو مطر على الاضافه الطيبه ولا هان
وتقبل تحياتي

عبدالرحمن بن فلاح آل بريك 28-05-2010 10:42 PM

رد: قصه وقصيده من أشهر أمجاد الدواسر
 
الله يعطيكم العافيه على إجتهادكم .

والقصه هذي مشهوره عند اغلب الدواسر .

وعز الله انها ترفع الراس ..

الدوسري العربي 06-02-2014 07:53 AM

رد: قصه وقصيده من أشهر أمجاد الدواسر
 
اقتباس:

المشاركة الأصلية كتبت بواسطة خميس الغييثي (المشاركة 584506)
ابوفايز
ارحب تراحيب الحياّ يالقرم وافي جعل عمرك طويل القرم..واشكرك على الاستشهاد ببعض قصائد الشعراء
وعندي بعض الاضافات او التعديل البسيط على حسب معلوماتي( وقد اكون مصيب وقد اكون مخطئ)


[poem=font="simplified arabic,5,blue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
جليت وجلاَني الشريف إبـن هاشـم=وسواة من جـلاَه الشريـف يخـاف
وزبنت علـى رجـال عتيبـة الهيـلا=وقلوبهم من يـم الشريـف إصخـاف
وزبنت على غلبا سبيع إبـن عامـر=يدوسون الأرياء والعـزوم إضعـاف
وزبنـت علـى البقـوم والشـلاوى=كنهـم إقــرودٍ تتـقـي بإطـفـاف


وزبنـت علـى قحطـان المسـمـى=كبـار العمايـم والقلـوب إخـفـاف




البيت الملون باللون الاحمر
ورد بعدة روايات منها

الرواية الاولى

وزبنت على قحطان وخلطهم
أهل السوالف والعقول خفاف

الرواية الثانية

وزبنا على قـحطان وخلطهم
الهرج واجد والـعقول خـفـاف


سيف2013 07-02-2014 10:52 PM

رد: قصه وقصيده من أشهر أمجاد الدواسر
 
مشكور شرافي علئ

الموضوع المميز

لاهنت خميس علئ الاضافه

صحيحه

ونحمد الله علئ نعمة الامن

ساقان الدواسر 30-03-2017 01:16 AM

رد: قصه وقصيده من أشهر أمجاد الدواسر
 
بيض الله وجهك أخي الفاضل الشرافي
وتاريخ الدواسر فخر وعز من سيسان السيسان
نعم نفخرانا دواسر
الله يرحمهم جميع اللى سطروا هالتاريخ الشامخ


الساعة الآن 12:20 PM

Powered by vBulletin® Copyright ©2000 - 2024, Jelsoft Enterprises Ltd.
---