::: مـنتدى قبيلـة الـدواسـر الـرسمي ::: - بني عمي اهل الحميا والفراسه

بسم الله الرحمن الرحيم

منقول

والصلاة والسلام على نبي الرحمه عليه افضل صلاة وسلام

يقول الشاعر الكبير دخيل الله بن محمد الشكره رحمه الله قصيده في العم

سعد بن مبخوت الشكره ( ابو سالم ) اللي هو موضوعنا اليوم وحبيت اذكر الابيات فيه قبل انزل قصيدته وقصتها

يامن يوصل لي سلامي ونجزاه = ولا وصل ابو سالم عداه الملامي
سعدا سعد دل اللذي يوم سماه = واختار من سماه خيره الاسامي
وسعد اللذي في ساعة الضيق ينصاه= عند الشدايد يوم مس الحزامي
له موقفا لايمكن القلب ينساه = ولايمتكن ننساه دايم دوامي
اربع صفات فيه توجد وشرواه= ماتوجد الا بالرجال العظامي
فيه الكرم والطيب والحلم تلقاه= وموهبه ربي دليل الكلامي
وصلاة ربي باول القول واتلاه=وعلى النبي مني صلاة وسلامي

وردتني الليله قصيده للعم الشيخ سعد بن مبخوت الشكره الله يطول في عمره والحاظرين

وقصتها كما وردتني من ابنه هي

ان والده اخذ مده طويله في الكويت واشتاق للربعه وجماعته وديرته ومن اصدقائه
اللي كانو معه في الكويت ذعار بن عويضان المساعره رحمه الله وراح صوب الوادي وترك الكويت من مده وتذكره الشاعر سعد بن مبخوت وتهيض وقال القصيده وهي اكثر من اربعين بيت لكن هذا ما تم حفظه وهي قبل اكثر من ثلاثين عام

القصيده

راكب اللي لامشى يطوي القار =ما يقدر السواق يلحق قياسة
جمس جديد ما نسع فية مسمار = من سرعتة يمكن تناقز طياسة
سواقة اللي في معانية بيطار =حذراً من الهسات يبعد نعاسة
من الكويت يسرح طلعة صبح الأمطار =والعصر في بلاد يسمى بناسة
وادي الدواسر جعل يسقية الأمطار = ويسقي نخيل مبطي في غراسة
ديرة بني عمي طويلين الأشبار = أهل الحميا و الصخا والفراسة
يا ما نحو من دونها كل عيار = سقم المعادي لين كمل عطاسة
فاتوا جميع الناس بحشمة الجار = غصب لمنهو ضد جارة جفاسة
وعيوا يبيعون اللحم بد الاسعار =لا عاد بعض الناس يجلب خياسة
وخويهم توسم عصاة لا من سار = وتكرم لحاهم ما تعرف البلاسة
ولا وصلت الدار وأكفيت الأشرار= قدام بيت ذعار صفة وواسة
عندة صحيب الضيف لا جاة خطار =في مجلسه (( الضيف)) مبعد عماسة
وقلة ترى يا ذعار ما نيب هذار = لا شك قلبي صاير بة حساسة
تلعبي الدنيا على غير مختار = لا سر قلبي بالزمان افتحاسة
ذعذع هوى الجيل في كل الأقطار = سكر هواي مخطراً بأنعكاسة
والله ما اجامل مع أهل الخزي والعار =ولا أجلس مجالس من رضا بالنجاسة
حيات رب البيت مبني لي جدار = في مجلساً ما تقبي علية الهياسة
وأن ما حصل مسكن بين الأخيار = بيت الشعر والذود عز وناسة

سلطان ابن دخيل الله ابن محمد الشكره