::: مـنتدى قبيلـة الـدواسـر الـرسمي :::

::: مـنتدى قبيلـة الـدواسـر الـرسمي ::: (http://www.alduwaser.org/vb/index.php)
-   :: قسم أمـراء وفـرسان وأعـلام الـدواسـر:: (http://www.alduwaser.org/vb/forumdisplay.php?f=12)
-   -   الشاعر الفارس / دخيل الرديني غفر الله له (http://www.alduwaser.org/vb/showthread.php?t=51)

تركي ال فنيس 12-04-2005 01:28 AM

الشاعر الفارس / دخيل الرديني غفر الله له
 
الشاعر الفارس / دخيل الرديني غفر الله له
كان بين ابن قويد شيخ المساعرة من الدواسر وابن حميد شيخ برقا من عتيبه حلف في جفرة الصاقب ( وهي أرض بين الدواسر وعتيبة وقحطان وسبيع ) ولقد أعد ابن حميد وليمة كبيرة حضرها جميع الأطراف وكانت كل قبيلة تأتي للوليمة تمر بخيولها تحدو عليها .

فقال دخيل يحدو :

جيناك من وادي الغضا


جيناك من وادي الغضا نقدع شباها= فـــــي شــــــــف حـــمـــاي البلــــيد
مـن فــوق زلبــات تــصاغ حـــذاها =يـــاويـــل مـــنــا لــه ضــــديــــــد
معا بني عـم تعــــرف عـــزاهـــــا= يـــــروون مـــفــتــوق الــحــديــد










وقــد تجاوردخيل بن قويد وابن مجحود أمير ال العرجاء من يام في فيضة العضرسية شرق قرية الفاو تبعدعنها بحوالي عشرين كيلو متر اذ كان بينهم هدنة .
وفي احد الأيام كان في ظل سرحة العضرسية وقد استوت القهوة ،

فقال دخيل :







اوي والله دلة يا أبن مجحود=في سرحة داحا وظل برادي
وحنا ثلاثة مانبي غيرنا زود=واللي مسويها نظيف ستادي
تهيا لمن يومي لاهل ضمتر قود=يلقى لهن قدام بيته مرادي
وتهيا لمن هو كل ماجاه مظهود=على ابن عمه متا رضى بالزهادي
وتهيا لمن يروي شبا حربة العود=لامن اقبلت صم الرمك بالعوادي






وقال دخيل بن قويد هذه الأحـدية :




يامن يبشر ربعنا الادنين=الدحي خلي زايف مرعاه
نبته تجدد توما جا زين=من فعل خيال تعرف عزاه
لا من ركبنا لينات القين=ياويل من بنحورها تاطاه
لا جا نهار فيه شوف العين=الطيب اللي تظهره يمناه
كم شيخ قوم عندنا له دين=يبكون قومه من بعد فرقاه






وهذي من قصائده


يازين بني البيت من عقب مرواح=فى خايع ماأحسن تميل فنوده
بين القويد وبين برقا وصحاح=يازين نبته فى عوالي نفوده
وأنا على اللي يلحق الخيل نفاح=طرد السبايا دايم ما يكود
ناخذ على خيل القحاطين مشواح=لعيون من تزهى العشارق خدوده
كم واحد منهم على صابره طاح=من ضربنا سحم الضواري تروده
مع لابة نكسب بهم عز وافراح=أولاد زايد سعد منهم عضوده
عثمان تبغي المناهيج مرواح=وأنا اللي أوصلك الحسا هو وجوده
أما كلاك الطير خفاق الاجناح=والا رزقك اللي علينا مدوده
عادات ربعي باللقاء كسب الامداح=ويا سعد منهم بالحرايب اجنوده
ربعي نهار الهوش يهدون الارواح=وقول بلا فعل يفشل اردوده
محشمين الجار يدله وينساح=مع نزلها ينسى خلايف جدوده
حتى الجدار اللي على جارهم طاح=قاموا بسوقهوالقبائل شهوده
وحريبهم يجزي من الفعل ينزاح=من ذاق ضرب أيمانهم ما يعوده

الشكري 12-04-2005 01:35 AM

تركي الودعاني

لاهنت

اخترت وابدعت

وتسلم

المبيعيج 12-04-2005 02:29 AM

لاهنت ياتركي على هذه المشاركة والله لايهينكم على المنتدى الطيب واتمنى ان نقدم وان تقدموا الجميل والجديد

أبوفهيد الودعاني 12-04-2005 04:17 AM

مشكوور اخوي تركي على القصه والقصيدة


ولا عدمناك يالقرم

العماني 12-04-2005 04:50 AM

لاهنت يا تركي الودعاني على الموضوع ونتمنى من الاخوان اعطائنا معلومات اكثر ومفصله عن هذا الفارس الشهير

تقبلوا تحياتي،،

تركي ال فنيس 12-04-2005 10:23 PM

الشكري لاهنت يالقرم علي مرورك الكريم

تركي ال فنيس 02-05-2005 10:33 AM

المبيعيج ولا انت يالقرم وابشر انشالله

تركي ال فنيس 06-06-2005 01:39 AM

العفو اخوي البراق ولا هنت علي مرورك

بن مشخص المسعري 06-06-2005 06:00 AM

ناخذ على خيل القحاطين مشـواح
لعيون من تزهى العشارق خـدوده



لاهنت يالودعاني على ذكرك مجموعة من القصائد
للفارس المعروف دخيل ابن الرديني ابن قويد

اللله لايهينك وبيض الله وجهك

تركي ال فنيس 19-07-2005 01:16 AM

ابومبارك ولاشنت ويسعدني مرورك

مترك المسعري 19-07-2005 01:37 AM

لا هنت اخوي تركي الودعاني




على ذكر قصائد الأمير : دخيل بن الرديني بن قويد



و عز الله إنك وفقت في إختيار القصائد لهذا الفارس المشهور .


عندي تصحيح لأحد القصائد :


عثمان تبغـي المناهيـج مـرواح
وأنا اللي أوصلك الحسا هو وجوده


عثمان ودك بالمناهيج فاراح ( ) أدنى مناهيك الحسا هي وجوده

محمدالتركي 25-07-2005 11:18 AM

يعطيك العافية ياتركي الودعاني ومشكور

ابوعبدالرحمن الودعاني 26-07-2005 11:14 AM

لا هنت يا وجه ودعااااان

وعلومك كلها طيبه

ورحمة الله على الشيخ الفارس الأمير : دخيل بن الرديني بن قويد


الساعة الآن 02:40 PM

Powered by vBulletin® Copyright ©2000 - 2021, Jelsoft Enterprises Ltd.
---