الله على اللي مقصاته على جمبه = مرسومةٍ رسم فن وصنع ياباني
اشقح وحمرة مقصاته يلوحمبه = كنها شفايف عروس وبنت سلطاني
وليا أشتغل قسم انغام ٍ تقسمبه=كنها تقاسيم ريشة عود فناني
وليا مشا سباح موج ٍ تلاطمبه =واحيان كنّه من البنزين سكراني
في حشمة اللي جبينه كنّه اللمبه =لو كان حكمه علينا حكم نصراني
حتى التلفون يصعب ماتكلمبه =خوفٍ يعرض مناقيد ٍ على شاني
اصحى بذكراه وارقد واتحلمبه=وأعيش في حلم لاجيته ولاجاني