::: مـنتدى قبيلـة الـدواسـر الـرسمي :::

::: مـنتدى قبيلـة الـدواسـر الـرسمي ::: (http://alduwaser.org/vb/index.php)
-   :: قسم قصايد مدح وفخـر في الــدواسـر :: (http://alduwaser.org/vb/forumdisplay.php?f=37)
-   -   قصيدة ابن مدعث في قبيلة المصارير (http://alduwaser.org/vb/showthread.php?t=67744)

ابن مدعث 24-03-2014 10:21 AM

قصيدة ابن مدعث في قبيلة المصارير
 
قصيدة الشاعر/ناصربن ناجي بن مدعث في (حفل تكريم آل مدعث آل عمار لقبيلة المصارير) مرحبابهم ومهنئا الشيخ/ظافر بن مناحي المصاريرعلى فوزه بمزاين ام رقيبه
بديت ذكر الله وهو مبتدى خير
ابدى بذكر اللي له العبد صامي
يامرحبا باللي لفونا مسايير
ترحيبة فيها النفل والخزامي
يامرحبا بروس الرجال المناعير
روس الرجال اللي عليها الكلامي
روس الرجال اللي تبوج الطوابير
لاجا نهار الكون يوم الزحامي
لاد الحبيبي لاحتمى لاهب الكير
يردون حوض الموت ورد الضوامي
ولاد الحبيبي ويل من جاهم مغير
عدوهم يلقا العنا والعدامي
ولادالحبيبي محتمين المعاشير
وقت الجهل يوم الحروب القدامي
ولاد الحبيبي عزوة للمصارير
ولاحد جهلها في جنوب وشامي
ولاد الحبيبي مكرمين الخطاطير
لاصد من الماجوب خطوى الخمامي
بيوتهم تبنى على الدرب والسير
وبيبانهم ماقفلت باللحامي
مشرعات(ن)دايما(ن)للمسايير
وتلقى مع الترحيب حلو الكلامي
اهل العشر بايام وقت المغاوير
دخيلهم يامن ولاهو يضامي
وبرجع على ظافر طويل الاشابير
شيخ منومس لابته كل عامي
شيخ ولد شيخ سلالة مشاهير
معرب من صوب خال وعمامي
نومستنا والعز في قمة النير
بسود سواد اوبارها كالظلامي
ابلك نميزها عن ابل مشاهير
بكبر الجروم اللي سواة الغمامي
لاطبت الميدان للعرض وتسير
نالت رضا جمهورها والوسامي
الله يكافيها عيون المعاثير
ناس ترى بقلوبها الغل حامي
ذا قول ابن مدعث حفيد الشواعير
وابوي حلال الامور العضامي
من لابة يوم الوغى فعلهم غير
لباسة الجوخ الحمر هم حزامي
آلاد عمار سيوف بواتير
لاجا نهار فيه للحرب دامي
واختامها بعداد ماغرد الطير
يامرحبا فالمبتدى والختامي

نآصر البدراني 24-03-2014 01:39 PM

رد: قصيدة ابن مدعث في قبيلة المصارير
 
صح لسانك وبيض الله وجهك على القصيده الجززززله



وبيض الله وجييه ربعك آل مدعث آل عمار على فعهلم الطيب


ولاهو غريبٍ عليهم فعل الطيب


وربعنا لاد الحبيبي في ذمتي يستاهلون التكريم والمدح ,,,



وباسمي وباسم كل دوسري على وجه الأرض


نبارك الشيخ/ظافر بن مناحي المصارير الفوز وهو فوز للدواسر عامه .

ابن مدعث 24-03-2014 10:25 PM

رد: قصيدة ابن مدعث في قبيلة المصارير
 
صح بدنك ووجهك ابيض
واشكرك على الاطلاع والمرور
والمصارير يستاهلون

ساقان الدواسر 01-11-2017 05:19 PM

رد: قصيدة ابن مدعث في قبيلة المصارير
 
صح لسانك وبيض الله وجهك على القصيده الجززززله
وربعنا قبيلة المصارير يستاهلون الطيب
كفوء يابن مدعث عساك على القوة يالمحزم


الساعة الآن 09:46 PM

Powered by vBulletin® Copyright ©2000 - 2024, Jelsoft Enterprises Ltd.
---