::: مـنتدى قبيلـة الـدواسـر الـرسمي :::

السلام عليكم ورحمة الله وبركاته
إخواني الأعضاء عدت لكم من جديد
بهذه القصيدة المتواضعة مبنى الشامخة معنى
قصيدة في إنسان بلغ من عمره ثمانون عاماً ولا يزال في ريعان شبابه
يسكن بنا قبل أن نسكن به ليعذرني على التأخير في القصيدة
فقد كنت في منطقة نجران كقائد مرافق للفرقة الكشفية بوادي الدواسر والتي ولله الحمد
حصلنا على درع التميز والمركز الأول في مخيم أنا الوطن بمناسبة اليوم والوظني للمملكة العربية السعودية
لن أطيل عليكم لكم القصيدة بصوتي ونبضي

بسم الله الرحمن والشعر ميدان = خيّاله الشاعر وخيله قصيدة
واليوم عيدك يا وطن غير الأوطان = حتى الشعر يلبس ثيابٍ جديدة
لعيون داري صدت لولو ومرجان = ومن عادتي ماصيد غير الفريدة
شعرٍ يجملني على مر الأزمان = لاصار كلن يفتخر في رصيده
خليت من شعري لهالعالم لسان = كلّن يغني في وطنا نشيدة
هذا وطنا كلنا حضر بدوان = كلّن رضع حبه مع رضع ديده
هذا الوطن إنسان ما أعظم هالإنسان = كلّن شهد له بالصفات الحميدة
مرت (ثمانين) بحياته إلى الآن = يالله عسى ايام عمره مديدة
هذا الوطن دمٍ جرى وسط شريان= ضخه خفوقي وأنتشر في وريده
هذا الوطن أمٍ دفاها بالأحضان = هذا الوطن أبٍ يراعي وليده
هذا الوطن بيتٍ جمع كل الأخوان = لو تختلف فيهم صفاتٍ عديدة
هذا الوطن مهبط حضارات وأديان = مولد رسول الله ونبع العقيدة
هذا الوطن قصة وسيرة لها شان = عنوانها عبد العزيز الوليدة
خلا الكويت وجاك خطاب هيمان =عروسته نجد الطموح العنيدة
مهره عمر ماهو يقدر بالاثمان = لعيونها باعه بنفسٍ زهيدة
طوّع له الكايد وكل قاسيٍ لان = بحزمٍ وعزم تذوب منه الحديدة
وحّد شتات قلوب من قبل بلدان =وفرق قلوب أهل الفتن والمكيدة
شجرة تظل وفرعت خمسة أغصان = عشنا بذارها في حياةٍ سعيدة
سعود وجه السعد قاهر للأحزان = خذا من معزي العلوم السديدة
وفيصل نصاب الحق والعدل شامان = معقدٍ أهل العقول الرشيدة
وخالد ميسرها على الشعب بإحسان = عاشوا تحت حكمه سنينٍ رغيدة
وفهد فهد قايد محنك ورجحان = خادم بيوت الله مضيّف عبيده
وعبد الله اللي صرت بالحيل حيران = عجزت لأكتب فيه جملة مفيدة
يكفيه حب الشعب شيبٍ وشبان = تواضعه في عين شعبه يزيده
يامر وحناله جنودٍ وفرسان = ولو ما حكى يكفي يأشر بإيده
وأكبر مثال اللي حصل بأرض جازان = والناس والإعلام صارت شهيدة
يوم أعتدى الخاين على جبال دخان = ما يدري إن خلفه رجالٍ شديدة
لبى له الوادي وجدة ونجران = والحفر وبقيق وضباء والحديدة
ومكة وطيبة وقبلهم دار سلمان = وتبوك مع حايل وحتى بريدة
تحت أمر أبو متعب وتخطيط سلطان = جيشٍ مع القائد على ما يريدة
في برها وحوشٍ وفي الجو عقبان = وفي البحر لا طبوا تزايد زبيده
قلوبهم ملْيا عقيدة وإيمان =والروس من زود الحميّا وقيدة
ضدٍ لمن حارب بلاده وجيران =حتى يتوب ويمشي الدرب سيدة
هذا وطن ماهو مثل كل الأوطان = وحنّا تجمعنا نشارك بعيدة
خليت من شعري لهالعالم لسان =باصدق مشاعرهم نظمت

القصيدة

للأستماع للقصيدة بالصوت

هذا الوطن.mp3