مبروك (ياشافي) على نيل الاشراف = شاعر وناقد والمعاني جزيله
ياللي لكم في سلّم المجد ميقاف = نرفع لك البيضا براس الطويله
أعزكم من دون شاهد وحلاف = أعز (شافي) والمواقف فضيله
من روس ربع(ن) يوم للخيل محراف = فيصل يعشي الضيف ويحمي دخيله
فيصل ذراهم يوم فالوقت خفخاف=ترا (الجميلي) فايق(ن) كل جيله
ترا (النتيفي) بمدحه واختم القاف = لاضاع بعض الناس (شافي) دليله

المشاركة الأصلية كتبت بواسطة ابو زيد الغييثي (المشاركة 598073) صح اللسانك و اعتلا شانك و يستاهل الاخ / شافي النتيفات ما قيل فيه وهو أهل المدح و لا خلا و لا عدم يا ذيبآن

المشاركة الأصلية كتبت بواسطة ابومبخوت الشكري (المشاركة 598082) صح لسانك مليون ولا يكفون في البدايه ....... ارحّب بك اجمل ترحيب في محلك وهذي ابرك الساعات يالذيب شاعر جزل ووافي تسلم يمناك ويستاهلون المدح ويستاهل الشاعر القدير شافي النتيفات عز الله انه كفو ويستاهل ابوشالح ,,,, ثانياً سجل اعجابي بشاعريتك يالجزل ثالثاً اكرر الترحيب بك واقول الله يحييك وانتظر جديدك يامبدع . تقبل تحياااااتي

المشاركة الأصلية كتبت بواسطة شافي النتيفات (المشاركة 598083) خوي الليل ارحب مليون تنطح مليون وصح لسانك وبيض الله وجهك ولاعليك زود ياطويل العمر وهذا من طيب اصلك جعلك تحيا والله يقدرني على رد الجميل وعسى ان شاء الله اكون عند حسن ظنك وظن الجميع وكلنا هنا ياطويل العمر ما ندور الا رضاك انت والرجال الطيبين شرواك وخدمة قبيلة الدواسر عامة تقبل تحياتي وتقديري ويشهد الله انك شاعر نفتخر بك

المشاركة الأصلية كتبت بواسطة خميس الغييثي (المشاركة 598138) كفو كفو كفو والله بكم يا اثنين وعز الله ان القصيده كايفه وفي رجال يستاهل الشهاده لله صح لسانك واعتلى شانك وابوراشد من الرجال اللي الواحد يعتز به ويفتخر في معرفته