|
وقعة وهية العمَاج القحطاني على الغياثات في الخرج
هذه الوقعه جرت قبل حوالي مائة عام تقريباً على وقت المغازي والقوامات السالفه إن الغياثات كانوْ حول جبهة وجبهه الضلع اللي شمالي الخرج ولاحولهم أحدٍ من العربان ومغريين جداً . وجاك خالد العمَاج القحطاني غازيٍ على الغياثات جاذبٍ قحطان على جيوشٍ وخيولٍ كثيرة وحوَل العمَاج القحطاني على الجماعة وأخذو إبل جازع المفرع المظالمه وكان المفرع ماهوب عند الأبل بعيدٍ منها وملتهي يدوف له رصاص أما راعي الأبل اللي عندها إنفلت منهم وهج ناصيٍ جماعته يستصيح بهم.. المهم درى المفرَع وركب فرسه لاحقٍ الأبل ويوم لحقهم وإيلا والله قومٍ ماينشاف طرفهم من كثرهم ولاله فيهم لحام ونادى على العقيد ولاوالله إنه العمَاج وهم يعرفون بعضهم وقال المفرع للعمَاج: إعقل علي يالعمَاج ورد عليه العمَاج: هذي أباعر قحطان ماعاد هيب لك ورد المفرع ثانية: إعقل علي شيءٍ من الأبل ولو تعطيني الغشيَش(( والغشيَش بكرةٍ صغيرة وموجعة ولكن غاليةٍ عند المفرع)) ومن ثم رد عليه العمَاج قائلاً: والله إني شاحٍ بك يالمفرع أنت وفرسك قبل نذبحك ونعقر فرسك هذي أباعر قحطان ماهيب لك ويوم إلتفت المفرع وإيلا والله عج خيل الغييثات مقبلةٍ عليه ولاحقةٍ الأبل عقب مابلغهم راعي إبل المفرع بالقوم اللي خذو إبله .. المهم المفرع نطح جماعته المقابيل وقام يراوز فرس الأمير وقيان بن نصَار حتى مسكها بعنانها وقال له :ياوقيان إبلٍ غدوبها قحطان وتراهم قومٍ لظيا من كثرهم ماينتجاهدون وعوضها إن شاء الله الصبح أبغزي وأجيب عوضها من قحطان وأنا والله إن ودي بواحدٍ من الغياثات ولاذا الحراسيس . ثم رد عليه وقيان بغضبٍ شديد في ذيك اللحظة قائلاً : قحطان ماهيب قايلةٍ خذينا إبل الرخمة المفرع يالذليل،القوم بيقولون خذينا إبل الغياثات واليوم هذي إبلي ماعاد هي بإبلك .((والمفرع ماهوب رخمة مير كان الأمير زعلان في وقتها )) ثم رد عليه المفرع بقوله: خيَال الغشيَش وأنا إبن غياث ياسعد قومٍ أنا ذليلها . المهم عفج الفرس وقيان برجله وأغار ومعه الجماعه كلهم ومن ظمنهم المفرع ودارت معركةٍ بينهم حتى تمكنو الغياثات من رد إبلهم غصبٍ على الغزاة ولقد عقروْ فرس العمَاج ذاك اليوم وعقرت فرس المفرع والطيَب اللي من القحاطين سلم براسه وهج وبعد ماردَوْ الأبل زانت للمفرع وتمثل بهذه الأبيات اللتي لم نحصل إلأ على القليل منها ..
طـلبتك العقلان شـرع الـبـوادي=وعيَيت ياهيف المواحيل وأقفيت نعمٍ بربعي في نهـار الـطـرادي=يـوم أنت يالعماج مـنها تـزازيـت عند الغشيَش مأشحنتني جوادي=وعند أم لحيانٍ من الروح سجيت يوم نادا لنا من عند ربي منادي=ومن قبل هذا وانّا على بيت وكان حاضرها من الغييثات ممن تحضرني اساميهم: الأمير وقيان بن نصّار جازع المفرع محمد بن محمد بن مرزوق المظالمه مسند بن صلال آل نصّار وغيرهم لا تحضرني اساميهم تحياتي للجميع : دغش البطي |
بيض الله وجهك اخوي دغش على السالفة الطيبه ونعم بالغييثات من غير قصور بالقحاطين.
بس ماخبرتنا المفرع من أي الغييثات ؟ تقبل تحياتي،، |
العماني مرحبا مليار بالرجال الاخيار مرورك وتعقيبك شرف لي طال عمرك أما بالنسبة لسؤالك عن المفرع فالمفرع هو جازع المفرع من آل محمد المظالمه وهو جد الحمران من أمهم وولد عمهم من الصلب من فخذهم أتمنى التوضيح كما أردته أخوك دغش البطي |
لاهنت اخوي دغش وانا كنت شاك بس بغيت اتأكد
ولا تبخل علينا بمثل هذه السوالف تقبل تحياتي،، |
كفو والله يالغييثات
لاهنت يادغش على المشاركه الطيبه ,,, |
حاضرين طال عمرك
باللي حنا نقدر عليه تحياتي العطره لمقامك العالي أخوك دغش البطي |
نايف
لاهنت طال عمرك ولاعليكم زودٍ تقبل ودي وتقديري وشكري لمرورك العاطر أخوووووووووك دغش البطي |
دغش البطي لاهنت
والنعم في الغيثات انا اشهد ان حقهم مايضيع دون قصور في القبيلة الاخرى |
كفوووووووووووووووو
باالغياثات ولاهيب غريبه على على لاد الغييثي |
بسم الله الرحمن الرحيم
الاخ دغش البطي فعلٍ طيب وتستاهلونه هذي عادات هل الابل عند ابلهم الرمح |
لاخ دغش البطي لاهنت على الهيه
ونعم بالغييثات يحرونبها بدون اقصور بقحطان. |
السلام عليكم ورحمة الله وبركاته ونعم بالغيثات وفعولهم ترفع الراس وبيض الله وجهك يا لبطي الموضوع وهذا شطر من قصيده العجمي |
كفووووووووووووووووووو والله والف نعم بالغييثات ماتوفيهم حقهم
دغش بيض الله وجهك علي السالفه الطيبه |
الغياثات
علومهم تهول والله ونعم بمفرع وباقي الربع بيض الله وجهك على القصه والقصيده اللي تثبتها وتسلم ولا احد يجي ويشكك بعلوم ربعنا |
بيض الله وجهك يادغش على السالفة الطيبة وبارك الله فيك
يانعم والله ياصلايب جدي يوم الميازر صوتهن يروع |
الساعة الآن 05:29 PM
 |
Powered by vBulletin® Copyright ©2000 - 2024, Jelsoft Enterprises Ltd.
---