::: مـنتدى قبيلـة الـدواسـر الـرسمي ::: - الفارس اللي طعن أمير قبيلة عتيبه

- :: قسم أمـراء وفـرسان وأعـلام الـدواسـر:: (http://alduwaser.org/vb/forumdisplay.php?f=12)

- - الفارس اللي طعن أمير قبيلة عتيبه (http://alduwaser.org/vb/showthread.php?t=15329)

الفارس اللي طعن أمير قبيلة عتيبه

قبيلة الرجبان من آل سالم قبيلة ٌاشتهرت بالشجاعة والأقدام والحميّة فنالت باقتدار كل عز وسؤدد
ولها الكثير من الالقاب ومن القابه مقيدة الجمل هم الرجبان الدواسر :
وذلك انهم يركبون المزين البنات الجميلات على الجمال مع تقييدها بالحديد ويسوقونها أمام الجموع نهار القتال وذلك لشحذ هممهم للصبر في القتال كما هي العادة منذ العصر الجاهلي وحتى منتصف القرن الثالث عشر
قال الخفيف العجمي مادحا الدواسر بعد مناصرة الدواسر لهم في وقعة الرضيمة

وجينا بخطلان اليدين آل زايد= ربع تراثع في الأحدة ركابها

ولها الكثير من الفرسان والمعارك واليوم نسلط الضو علي فارس من فرسان الرجبان الدواســــــــــر

هو الفارس الجهيمي الدوسري لم علم ان قبيلة عتيبه قادمه لغزوا قبيلته

أتى الجهيمي على فرسه وهو ويحدو
/ويقول /

الروح له عند الولي حروس= مابه حدن قدام يومه مات
من كان يبغي المدح والناموس= ينطح وجيه الخيل لامن جات

وحط الأمير الفنجال الأول وقال هذا فنجال محمد بن هندي فشربه الجهيمي الرجبان ولما أصبحوا غاروا عليهم عتيبه وطَعَن الجهيمي محمد بن هندي أمير قبيلة عتيبه

وصارت معركه كبير تسمي معركة هضيبة الملعب وانتصروا قبيلة الرجبان الدواســـر

فقال الجهيمي قصيدة طويلة لم يحفظ منها سوا هذه الابيات

كلــه لعيـنا نـازل المشقـوق=يوم استوى فينا الرجا والياس
الخيل راحت كنها في سوق= راحت( بضيف الله) مــع (عبـاس

وضيف الله المذكور هنا هو ضيف الله العفار وعباس هو عباس بن حميد

كما قال الخنفري القحطاني قصيده طويله لم حمو الرجبان ابله من ابن حميد وكان الخنفري قصير للرجبان

جاك بن هندي غاير بدوالي =وأقفوا عليه ودبرو ينحونه
لحقه رجال يطربون البالي= بأيمانهم عند القنا يروونه
عط الجهيمي(1) صفوة الفنجالي =وأبوضريس(2) سالم يثنونه
وعده لابو منديل (3)حامي التالي = راعي جواد في اللقا يطرونه
(صلال) خلي في البايل مالي=و(بجاد)ن اللي طاح ماينسونه
هذا جزيبه يوم جاهم عالي=من راس شلفا راح

والمذكورين في القصيدة هم
1- الجهيمي الطوال الرجباني الدوسري
2-وسالم بن صلال ال ثويمر المعروف بأبوضريس الدوسري
3- عبدالرحمن بن منصور بن وثيله الدوسري

(صلال) : صلال بن حميد العتيبي
(بجاد) : بجاد بن حميد العتيبي

وقال أحد شعراء الرجبان هذه الأبيات

غزانا (بن هندي) طامــع يتبعـه قيـــمان=وصار الطمع به عقب ماكان طمعاني
يبي ذود جار البيت ماخاف من الرحمن=ونعيا على ذوده سلاطين رجباني
غـزا طامـع فينا وعـود وهـو خســران=((((صوابه غميق ساطي بين الامتاني))))
عـود ذليـل هـارب منـكتـف زعــــــلان=وصار الطمع في خيلهم هي والابداني
خلــو(( بجـاد)) طـايـح ياكلـه سـرحـــــان=((وصلال)) في الميدان بالدم غرقاني
وهذي عوايد لابتي من على الجــدان=الى من غزاهم طامع عاد خسراني
وقت اللقا نروي شبا مرهـف العــدوان=وهـداتنـا يشـبـع بهـا كـل جيعـــــانـي

(صلال) : صلال بن حميد العتيبي
(بجاد) : بجاد بن حميد العتيبي

هذه قصيدة قالها الشاعر/مبارك بن عيد ال سويدان القحطاني.

ابن عيد(ن) باد(ن) في حجا مابان=يالله لاتسقي مذب المراقيبي
ياراكب اللي كنها شامس العودان=عليها عيال(ن) يتعبون المطاليبي
تنحر رجال فعلهم في اللقا بان=يحدد جملهم دون حرش العراقيبي
ترى المرجلة كود(ن) وفازو بها الرجبان=تنشر لهم بيضا بروس المهاضيبي
تمالوا بفعل الطيب مامنهم اللي خان=فعلن صحيح سولفت به الاجانيبي
((حمو جارهم الخنفري)) ذاك بن خلفان=حموه وحمو شقحن زهن الدباديبي
في وسط نجد بالمشاقيق يوم شان= على ((محمد بن حميد ))عاف المكاسيبي
غدو كنهم العارض مع مقدم الذيدان=حمو فطر(ن)سود(ن) عثانيها شيبي
يقوله فهيم(ن) يصرع القاف بالعنوان=يلعب بزين القاف ويرد ويجيبي
مدح(ن) على عز(ن) وطيب(ن) على برهان=هل المجد والناموس غصب بلا طيبي
والشاهد الله ثم تشهد به العربان=يسجل به التاريخ بيض المكاتيبي