حنا بني دوسر لنا العز طلاب ..
هذي قصيدة لي أنا ..
أحب أشارك فيها في منتدى عيال عمي .. أتمنى تعجبكم .. ... قالــت ترى مثـلك علـى الحبّ ينعاب ابعــد ودوّر في الهـوى نــاس ثانيــن قلـت استحي يــا بنت ما ني بمعيــاب وأنــا ولــد ناس(ن) ما هــم ذليـليــن حنـــا بني دوسر لنا المجـــد طـــلاب حنـــا بني دوسر كرام(ن) ميـــاميـن أشمخ من جبال(ن) على متن الهضاب وأشجع من آساد(ن) بوسط المياديــن نعرض عن الجاهل ولا نحسب حساب ومن زعل يزعل .. فمــان الشيــاطيــن طبعــي كـــذا .. أجفـى قليلين الآداب وأرفــع بقـــدر اللّي على العزّه يعـيــن والكبــر عمــره مـا جمع قلب الأحبـاب والغـدر يطعن مثل طعن الســكاكيــن والنــمّ يا مــا قد قطع وصل الأصحــاب والهجــر نـــاره مثـــل نــار البــراكيـــن والصـــدّ يــا مــا جــرّح القـلب بأنيـــاب جرح(ن) يلوع النّفس من الحين للحين والـهـــمّ يـا مـا جـرّ على القلب أتعاب والكــذب عــاده للرخـــوم الضعيـفيــن ومـا كـلّ بسمه تظهر دلايــل للإعجاب بعض البشر ضـحكه سمــوم الثعابيـن والحـبّ يا مـا قـد عمى بعض الألباب والعشـق حكمه قد قلب القــوانيــن وأنـــا ذبحني حب مكحول الأهــداب اللّي جمــاله يتعب القلــب والعيــن مكحولة(ن) نجلا لهــا وصــف جذّاب محبوبتي (ديـمه) مـلاك المزايـيـــن مزيونة(ن) بيــضا لهـا شعر منسـاب أنفاسها عطر(ن) لأحلى الريــاحيـن محبوبتي (ديـمه) لهـا قـدر وحساب اسمهــا يسوى - لحالـه - ملايـيـن محبوبتي (ديـمه) اسمها يعني سحاب سحابة(ن) تسمـو عن العيــب والشيـن ديـمه .. قليبــك من تعرّضه لا طـاب لاطاب من شين(ن) ولاذاق من زين قلبي ترى لغيــرك من الخلق ماذاب أقسى القلوب إليا من شافك يليـن ديـمه .. صفاتــك كنّـها صفحة كتـاب أجمل معانيــها في السطور متخبّين ديـمه .. جمالك من يوصّـفه ما أصاب ديـمه .. دلالــك ينكتـب بــه دواويـــن يا الله يا اللّي من ترجّــاك مـا خــاب يا الله يا اللّي خالق النّاس من طين يـا الله يا منــزل هود(ن) والأحــزاب يا اللّي له العالم بحكمــه ذليـليـن اسعد قليب اللّي لها السـعد ينجاب وارفــع قــدرها فــوق كـلّ الموازيــن واشـرح صدرهــا شرح مـــا بعده إيــاب واجمع شملها .. مليكة الوجه الحسين . . . ثامر البدراني |
صح الله لسانك اخوي ثامر على هذه القصيدة الطيبه وان شاء الله نشوف المزيد من القصايد
تقبل تحياتي،، |
صح بدنك يا العماني ..
وان شاء الله الجايات أكثر .. ومشكور على مرورك وردك لك مني احلى تحيه ثامر البدراني |
صح الله لسانك وبيض الله وجهك
|
ووجهك يا الشامخ ..
وصح بدنك .. وشكرا لك على مرورك وذوقك لك مني احلى تحيه ثامر البدراني ... |
اقتباس:
صح لسانك أخوي ولا هنت |
النادره ..
هلا بك .. صح بدنك .. وشكرا لذوقك .. لكم مني احلى تحيه على مروركم ثامر البدراني |
صح لسانك اخوي ثامر وحياك الله بين اخوانك واخواتك في منتديات الدواسر
اخو عزيز وتسلم على القصيدة المبدعه |
الودعاني
هلا بك يا ولد العم تسلم والله على ذوقك وصح بدنك .. لك مني احلى تحيه على مرورك شرفت الموضوع بردك ثامر البدارني |
http://www.7oob.net/gallery/data/media/19/good.gif أشمخ من جبال(ن) على متن الهضاب/// وأشجع من آساد(ن) بوسط المياديــن أخوي / ثامر البدراني الله عليك قصيدتك روووعه وكلمااااتها اوووع وصح السانك ولاهنت ونتمنى انشوف ،،، تقبل مني أجمل وأعذب التحايا ،،، أختــكــ : هنوف البحرين http://www.7oob.net/gallery/data/media/19/good.gif |
صحححح لساااااااااااانك ياولد الشااايب كفو والله كفو بالاد زاايد
وتسلم يمنااك يالقرم على هالنقل وجعل من ارثك بالجنه اخوك فهد |
السلام عليكم ورحمة الله وبركاته
حنـــا بني دوسر لنا المجـــد طـــلاب ,,,,,,,,,,,,,,,,,,,,,,,,,,,,,,,,,,,,,,,حنـــا بني دوسر كرام(ن) ميـــاميـن أشمخ من جبال(ن) على متن الهضاب ,,,,,,,,,,,,,,,,,,,,,,,,,,,,,,,,,,,,,وأشجع من آساد(ن) بوسط المياديــن صح لسانك ولاهنت اخوي ( ثامر البدراني ) على هذه القصيده الرائعه ,,,,,,,,,,,,,,,,, |
صح لسانك وبيض الله وجهك على القصيده الطيبه,,
وفي انتظار المزيد من ابداعاتك تقبل تحياتي ,,, |
نعرض عن الجاهل ولا نحسب حساب
ومن زعل يزعل .. فمــان الشيــاطيــن طبعــي كـــذا .. أجفـى قليلين الآداب وأرفــع بقـــدر اللّي على العزّه يعـيــن صح السانك وبيض الله وجهك ... |
الهنوف صح بدنك ومشكوره على ذوقك ..
القحطاني تسلم والله يا السنافي على ذوقك وعلى طيب كلامك .. محمد هلا بك نورت الموضوع بردك .. نايف شكرا لك على ردك .. واتمنى توضح لي أكثر وأكثر وأكثر !!! .. .. .. الغريري .. ووجهك .. صح بدنك .. ونورتو القصيده بجميل ردكم يا السنافيه .. ولكم مني احلى تحيه ثامر البدارني |
الساعة الآن 12:40 AM
|
Powered by vBulletin® Copyright ©2000 - 2024, Jelsoft Enterprises Ltd.
---