لاواهنيـك يالحـويـر هنـيـاه = يوم انت في شوقك لقيت البدابل
وانا وليفـي ماحصلـي حلايـاه = لو دوجوا بي في قفـارٍ وحايـل
وليفي اللي كل ماجيـت ابنسـاه = دعوا سميه ذاهبيـن الحمايـل
يفز قلبي كل ماوحيـت طريـاه = فز المحبّب من خشـوم الفتايـل
قلت اظهره يالقبر ليـن آتحّـلاه = حال اللحد من دون سمر الجدايل
ياطول ماني في ذرا البيت ويـاه = من بيننا ينثـر جثيـل الجدايـل
قال.انت شالح قلت له ايه انا اياه = قال..انقلع لاعاد عنـدي تخايـل
مادام فـي شقـرا دلالٍ مراكـاه = ومادام فالحوطه غروسٍ ظلايـل
ومادامت الحضران للبر تـذراه = ومادامت البدوان تقنى الرحايـل
كن الزباد الخلص داخل شفايـاه = من مبسمٍ مايدهله كـل سايـل