عيضه الثبيتي و محمد بن فالح (بتار)
 

عيضه
سلام من خال الرسول الهاشمي صلّوا عليه
ياللي حضرتم كلكم صلّوا علـى وجـه النبي
والشعر جود هجوس والشاعر يجود بما لديه
والذوق والابــــداع مطــلبنا وغـاية ما نبي

محمد
يأمرحبا ترحيب وافي نرسله للي يبيه
يقولها خال الملك عبدالعزيز اليعربي
تالي الزمن بعض الأوادم فيه ياعيضه وفيه
جمل ويلا شاف الجمال العرب يبرك ويحبي



عيضه
والله وسبع انعام فالحــكام بيضان الوجيــه
وانته عن علوم الخطا في سد وجهي وشنبي
من لا يعرف الحر الأشقر يابن زايد يشتويه
ولو ما حلال العود ماتاجر مع الناس الصـبي


محمد
وأنتم كفو والي مضرى بالكرم تندا يديه
أدري عريب منسبك وأنا عريب ن منسبي
نزل نجم لامع وكثرت في العرب مدري وليه
والصيد قفا شرّقي به ياهبوب وغرّبي


عيضه
انته نزلت الوادي اللّي كان جدّك مايجــيه
عديك مثل عدي البعير وطمرتك طمرة طبي
احدً دموعه فوق بشت العود لا جاء في يديه
واحدً دموعه صبّ صافيها على بــرق العبي

محمد
جدي حماله موقف ن باقي العرب ماتحتميه
وانا مكمل في اللزوم وسيرتي. ماتغتبي
طافت عليك الأوله والثانيه وانته نبيه
جنسيتك شاعر سعودي والوجه وجه أجنبي

عيضه
لن كان طامع فالسحاب اللي عيونك ترتجيه
اتعب ركابك وانت مقصودي وغاية مطلبي
وجهي عتيبي والعتيبي راعي العرض النزيه
وهرجتك هذي مشّها على ماقال الأكلبي

محمد
مايفقه العلم الحقيقي غير رجال ن فقيه
ولد الذيابه ياوسع المعرفه ماينربي
هذا الثبيتي ياعتيبه في عيونه كحليه
حتى يفرق في الجدي وسهيل وابليس يهبي