::: مـنتدى قبيلـة الـدواسـر الـرسمي ::: - ماهمني مدح الردي لو مدحني

- :: قسم الـشعر العــام :: (http://alduwaser.org/vb/forumdisplay.php?f=16)

- - ماهمني مدح الردي لو مدحني (http://alduwaser.org/vb/showthread.php?t=75873)

ماهمني مدح الردي لو مدحني

مـــاهمني مــدح الــردي .............

حسبي على اللي في كلامه جـرحـني = كـدّر صفـاي وعالـج الجـرح بجروح
لـيتــه قـبـل مـا قــال شـــيً ذبـحنـــي = واقفـا بصمت وراح عني وانا اروح
ولا جتني الضيـقه وصمتي فضحنـي = صمتي تـمرد في محيطه على البوح
الحـظ الاقـشـر بـالمهـافي طـرحنـي = واصبحت انا من غـدرالاصحاب مذبوح
ليتي حظيـت بصدق شخصً نـصحني = ما كان طحـت بغـيّ الاوهام والنوح
لـيـتـه بــوده ,,والـجـمـايـل ربـحنــي = واصيـر له ممنون وافـديــه بـالـروح
ولا انخدعـت بعرف بشخص ذبحــني = اللي بغــدره دمـــر القـلــب والـروح
اليوم اشـــوفـه من وجــوده مســـحني = وعنـده تسـاوى المنع مع كل مسموح
ولاهـمني مـدح الردي لـــو مـــدحـني = وانا قبـل يُخلــق مـع النـاس ممـدوح

بـقلمـي محمد بن سوعان الربيّع .

رد: ماهمني مدح الردي لو مدحني

أخي الفاضل ابن الجراح يحفظه الله
تحيه عطره بعبقكم الفواح
دائما تعطر منتدانا بابداعتكم المعهوده
أنشهد ماهمني مدح الردي لو مدحني
تقبل فائق التقدير لمقامكم العالى والغالي
أخوك أبو صقر

رد: ماهمني مدح الردي لو مدحني

ساقان الدواســــر

هلا والله ومسهلا اخوي الكريم
يسعدني ويسرني متابعتك الرائعه واهتمامك الاجمل واطرائك الراقي
شكراً لك على الاهتمام ,
ما عليك زود لاهنت ,,,