::: مـنتدى قبيلـة الـدواسـر الـرسمي ::: - ((قصص حقيقيه مع الجن و قصائدها))

- :: قسم قصــه و قـصيــده :: (http://alduwaser.org/vb/forumdisplay.php?f=19)

- - ((قصص حقيقيه مع الجن و قصائدها)) (http://alduwaser.org/vb/showthread.php?t=9254)

((قصص حقيقيه مع الجن و قصائدها))

بسم اللة الرحمن الرحيم

السلام عليكم ورحمة اللة وبركاته

دائماً يحدثوننا كبار السن عن الجن والمواقف التي حصلت معهم

فاليوم نأتي بالمقدور عليه ونحاول فيما بعد ان نأتي بجديد...,,,

هذه السالفه التي اسمعها من كبار السن

يقو لون كان هناك رجل وصديق له ممسين عند ابلهم

في البراعيم(البراعيم تقع جنوب الوادي بحوالي40كم)

وعند ما اتا آخر الليل سمعوا هذه القصيده من جني يقول فيها

يارجلي اللي غدت دمـره=من البراعيـم واحذاهـا
واللـة لـولاك ياسمـره=للخور ماعـاد نرعاهـا
ون سرت انا برفع الشمره=واعس واطـوف مفلاهـا

يلاحض هنا ان الجن لهم حلال يرعونها ويحبونها ويهتمون بها.........

والسالفه الثانيه كان فيه رجال عند ابله في ضداء

(ضداء يقع جنوب الوادي بحوالي 100كم وهو حدود الدواسر مع قبيلة يام)

وكانت الارض مدهره

فمر عليه رجل على ناقته فناداه ليسئله عن الاخبار

فلما اتاه صاحب النا قه راءاه رجل غريب فقال له من اين جاي

قال

امس فكوك الريق من تمر يبرين=واليوم شفني بالعيون الحبايـب

ويلاحض هنا انه قطع المسافه من يبرين الى ضداء في يوم واحد

بالرغم من طول المسافه

فقال له صاحب الأبل معك احد

قال

علمي بربعي من ورى هضبه الطين=قعودهم جاله من اللـة سبايـب

نفهم هنا انه معه أخويا ولكن حصلت لهم مصيبه ربما انكسر قعودهم

فقال ويش تبحث عنه

فقال

ادور اللي كن عرفه رياحين=اللي سبا قلبي غرير وشايب

الجني يحب ويعشق والضاهر ان معشوقته هنا آدميه

فقال عينت اعلوم الحيا... من عادت البدو اهل الحلال يحبون اخبار الحياء

قال

اقول حولـوا للحيـا يامساكيـن= من قبـل تاكلكـم وقـوت اللهايـب

فقال اين مكانه

قال

عينت انا الاجواد في نجد مطخين=واد الرشاء جايٍ لعشبه عجايـب

هذا الجني اتى بالعلم الأكيد عن الحياء فبقي على صاحب الأبل ان يحول إلى الحيا

وتقبلوا تحيات اخوكم المحب

ابوزابن

مشاركة: ((قصص حقيقيه مع الجن و قصائدها))


	أيها الغالي الحبيب أسأل الله أن ينير قلبك وأن يشرح صدرك وأشكرك على هذه المشاركةالرائعه والجميله وأتمنى منك الإستمرار الدائم في أتحافنا بهذه المواضيع القيمه.