::: مـنتدى قبيلـة الـدواسـر الـرسمي ::: - الياتضايق خاطري يابن الاجواد

الـيا تضايـق خاطـري يابـن الاجــوادا......دعيتها تـعــط الـفـجــوج الـوسـيـعـه
واخـذت لـي مـع خالـي الـدو مـجـراد.......اضن مـامـثــل الــخــلا والـطـبـيـعـه
لامجامـلـة صـاحـب ولا ضـــد وعـنــاد.....ادوس خـــــد الـــقـــاع واذب ريـــعـــه
واخــذ بمقـعـد راعــي الـرجـم مقـعـاد.....واجيب فــي راســه ضــوار المجيـعـه
لـعــل عـقـبـه خـاطــر الـضـيـق يـنـقـاد......والنفس تسـلـى ذاكـرتـهـا الوجـيـعـه
اخشـا يفـوح الصـدر مـن غيـر ميعـاد......واخاف مــن قــاري الخـواطـر يذيـعـه
مانـي ضعيـف افـكـار وقلـيـل امـجـاد.....ولاذل نــفــســاً مـنـزلـتـهــا رفــيــعـــه
لو كـان مالـي مـع هـل العـرف ميـراد......ماسقتها ســـوق الــذلــول المـطـيـعـه
نرقا على وضـح النقـا روس الاشهـاد......مانشتري قــــدر الـبـطــون ونـبـيـعـه
قـدر البـطـون اتـسـد بــه لقـمـة الــزاد......وقدر النفوس الى استصابـت شنيعـه
وان كــان بــه لوجـيـه الاوبــاش عـبـاد......حنا بـنــا عـشــق الـكـرامـه طـبـيـعـه
ماتـرخـص الا عـنـد هافـيـن الاجـــداد.....والا ولـــى سـنــي مــواريــث شـيـعــه
لو عرف راس الجد في روس الاحفاد.....ماخالف الـتـالـي طــبــاع الطـلـيـعـه
ربعن بهـم راحـت علـى سـرج وشـداد.....مدة مـقـيـط الـلــي تـسـمـى قطـيـعـه
وابـن الـردي يطمـع بذكـر ابـن شـداد......العبسي الـلـي مــات قـبـل الشريـعـه
يــا الله ياجـايـد عـلـى كــل مــن جــاد.......عجل بـمـانــنــوي ولا نـسـتـطـيـعـه
يامسقـيـن عــرق المـحـل عـقـب مـابــاد.......وعاد الحـيـا لـلـعـود وازهـــر ربـيـعـه
انــت الـمـلاذ ولـلـرجـل وقـفــة اجـهــاد......زابنك عـــن عـضــت بـهــام الهـزيـعـه
قصيدة الشاعرسليمان الجبيل البلوي *