في ليلة(ن) من ليال العمر مذكوره=ليله سطع بدرها وأنور محياها
وقفت محتار والابيات منثورة=قصيدة(ن) في غلاكم كيف بابداها؟
لو كنتنا فالمحافل ماخذن دوره=مقامكم يعجز الشعار واملاها
سقت القدم منتشي من (دار أخو نوره)=مع ربعي اللي يشرفني مخاواها
لحفلة رجال(ن) بفعل الطيب مشهوره=(آلا شكرن) عسى أهل الدون تفداها
سلام ياعزوة(ن) بالعز مذكوره=من يوم وقت الجهل مايقرب إحماها
لاجا نهارن به الابطال مذعوره=يتلون شيخ(ن) على الجزلات ضـرّاها
من ماضي الوقت (وابن حفيظ) له دوره=شيخ(ن) يقود الجموع ويتعب اخطاها
ياما تعشت طيور الجو من سوره=مع لابة(ن) ترهب الفرّيس لقياها
وحنا لهم في نهارن تكثر شروره=لامن عوى ذيب حوله يكثر عواها
دواسر(ن) دوّن التاريخ بسطوره=أمجادنا اللي على وجهه كتبناها
وقول(ن) بليا دليل تبين به عوره=واهل الحكايا مهيب تطول بحكاها
(وسم العصا) صفحة(ن) بالمجد منشوره=و إلها الفخر دام حنا اللي نشرناها
لامن زبنـّا دخيل(ن) يشتكي جوره=عصاه تمـّن إلى منـّا وسمناها
تشوفه عداه لـوّ تموت مقهوره=من دونه (الوسم) و (أهل الوسم) عـدّاها
ومادام (بعض السوالف) ذكرها عوره=(حنا هل الوسم) بأولها وباتلاها

في ليلة(ن) من ليـال العمـر مذكـوره ليلـه سطـع بدرهـا وأنـور محياهـا وقفـت محتـار والابيـات منـثـورة قصيدة(ن) في غلاكـم كيـف بابداهـا؟ لـو كنتنـا فالمحافـل مـاخـذن دوره مقامكـم يعجـز الشـعـار وامـلاهـا سقت القدم منتشي من (دار أخو نوره) مع ربعـي اللـي يشرفنـي مخاواهـا لحفلة رجال(ن) بفعل الطيب مشهـوره (آلا شكرن) عسى أهل الـدون تفداهـا سـلام ياعـزوة(ن) بالعـز مذكـوره من يوم وقت الجهل مايقـرب إحماهـا لاجا نهـارن بـه الابطـال مذعـوره يتلون شيخ(ن) على الجزلات ضرّاهـا من ماضي الوقت (وابن حفيظ) له دوره شيخ(ن) يقود الجموع ويتعب اخطاهـا ياما تعشت طيور الجـو مـن سـوره مع لابة(ن) ترهـب الفرّيـس لقياهـا وحنا لهم في نهـارن تكثـر شـروره لامن عوى ذيب حولـه يكثـر عواهـا دواسـر(ن) دوّن التاريـخ بسـطـوره أمجادنا اللـي علـى وجهـه كتبناهـا وقول(ن) بليا دليل تبيـن بـه عـوره واهل الحكايا مهيـب تطـول بحكاهـا (وسم العصا) صفحة(ن) بالمجد منشوره و إلها الفخر دام حنـا اللـي نشرناهـا لامن زبنّا دخيـل(ن) يشتكـي جـوره عصـاه تمّـن إلـى منّـا وسمنـاهـا تشوفـه عـداه لـوّ تمـوت مقهـوره من دونه (الوسم) و (أهل الوسم) عدّاها ومادام (بعض السوالف) ذكرها عـوره (حنا هـل الوسـم) بأولهـا وباتلاهـا

المشاركة الأصلية كتبت بواسطة الحميدي الغريري (المشاركة 276150) الأخ : نايف بن مسرع الله لا يهينك على أدراج هذه القصيدة الرائعة ، والتي شاركت بها مشكوراً في حفل الذي أقامه فخذ الشكره للدواسر قبيل حفل الدواسر الثالث ،،، وعاداتك يا ابومحسن الجزل وهذا بغير مستغرب عليك وتقبل فائق التقدير والإحترام أخوك : أبومحمــد،،

المشاركة الأصلية كتبت بواسطة سالم بن صمهود (المشاركة 276151) نايف ابن مسرع صح الله لسانك وبيض الله وجهك والاد شكر يستاهلون وزود

المشاركة الأصلية كتبت بواسطة عبدالله الدوسري (المشاركة 276192) نايف صح لسانك و يستاهلون آلاد شكر كل الود،،،

المشاركة الأصلية كتبت بواسطة هايف العماني (المشاركة 276289) صح الله لسانك يابومسرع على القصيدة الرائعه التي تشرفنا بسماعها منك في ذلك الحفل الرائع وبيض الله وجه ابناء المرحوم عبدالله بن محسن الشكره عزالله ماقصروا وكفو ووفوا ويستاهلون لاد شكر جعلهم المعزه ، والله يطول بعمر الأمير المحبوب محمد بن مناحي تقبلوا تحياتي،،

المشاركة الأصلية كتبت بواسطة راشد المسعري (المشاركة 276541) لاجا نهـارن بـه الابطـال مذعـوره=يتلون شيخ(ن) على الجزلات ضرّاهـا = من ماضي الوقت (وابن حفيظ) له دوره=شيخ(ن) يقود الجموع ويتعب اخطاهـا ياما تعشت طيور الجـو مـن سـوره=مع لابة(ن) ترهـب الفرّيـس لقيا الله الله ، صح لسانك يانايف و الله يبيض وجهك دائما مبدع ولك حضور مع أبناء العمومة أعزهم الله يستاهلون الشكرة ماقيل فيهم من المدح فهم اهل له يستاهلون ( أهل الست ) ويستاهلون آل حفيظ الكرام كل علم غانم وتستاهل ياالشامخ هذا اللقب فعلاً ، ولك مني أجمل الود والتقدير ،،،