|
هات قصيدة في الدواسر من غير شعراء الدواسر
|
رد: هات قصيدة في الدواسر من غير شعراء الدواسر
يازين فعل يا الدواسـر فعلتـوه=فعل سبقتـوا فيـه كـل القبايـل حتى لو النـاس بعديـن سـووه=انتم هله من قبل وانتـم لاوائـل قلتوا كلام للضيـوف وحميتـوه=وعاداتكم با لضيف فعل الجمايل يوم المزاين بينكم ما احتكرتـوه=ماعودوا ضيفانكـم بـا لفشايـل من كان معه مشاركه ما منعتـوه=ماقيل ذا واجـد وذولـي قلايـل بينتوا العلـم الجميـل ورفعتـوه=للي يحسـب ادقاقهـا والجلايـل تستاهلون الطيب يا اللي عملتـوه=ويفوز بالطالات من كـل طايـل ماهمكم مال العناء لـو جمعتـوه=ماباقي إلا الفعل والمـال زايـل هذا طريـق للنشامـى رسمتـوه=إلا الذي سلمه عن الطيب مايـل قررتوا الدرب الصحيح وفرضتوه=مثل القلايد في رقاب الأصايـل |
رد: هات قصيدة في الدواسر من غير شعراء الدواسر
ابيات للشاعر عبدالله العصيمي
يا طيبكم ياهل المجاهيم طيباه = في المرجلة وافين ما انتم مغشا لكن لا جاء للمحادير نوناه = ولاحت بروق الخير والمزن نشا ولاّ اسندوا للصيف عجلين لرعاه = يا قصر شدتكم وقرب المعشا وإن جاء التحدي واللزز والمضاهاه =وكلن على ذوده عروقه تحشا كم من خلا خالي ندوسه ونرعاه= نسوق وضحاً غير ماهيب بشا حتى كروف الضان تباعة الشاه = يمديه ياصل قبلكم ويتمشا |
رد: هات قصيدة في الدواسر من غير شعراء الدواسر
قصيدة عبد المحسن المطوع من بني زيد يقول فيها
بعض المجالس لاهجرتّـه تهنيـت=لاصار يجمع له وجيه(ن) قبيحـه اما حكو في غرتك كل مـا أقفيـت=ولا بلـوك ولفقـولـك فضيـحـه والمجلس الي مجمع(ن) للسرابيـت=يثر علـى نفسـك وسـدك يبيحـه ومن لامني لاشمت عنّه وصديـت=يطيح ما سمّـا ويشهـق بصيحـه في صفرت(ن) فيها ثمانين عفريت=تكسـر رقبتـه مايغـادر مطيحـه اليا ومرك الله وفي السوق طبيـت=جنب عـن المترديـه والنطيحـه واليا هـداك الله لخـوّه وخاويـت=دوك الدواسـر كاسبيـن المديحـه قوم(ن) لياجات الحرايب طواغيت=وكفوفهم تنـدا ولا هـي شحيحـه فقيرهـم لاجيـت بيتـه تعشيـت=تلقى الشحم والعود الازرق وريحه وكريمهم ترحيبته بـك ليـا جيـت=ترحيبتن تبري القلـوب الجريحـه ان قلت له تبقى قلط بك على البيت=وان قلت وشلونك ذبح لـك ذبيحـه وصبيهم لاصحت فيـه وتعزويـت=صدره من النخوه يـروّع فحيحـه قبيلة(ن) يفخربها الحـي والميـت=شريحة(ن) راحت وباقي شريحـه من عاش يبقى طيب الذكر والصيت=ومن راح منهم جعل ربـي يبيحـه الاد زايـد هيّضونـي وغنـيـت=ومن طيبهم هاضت علي القريحـه حاولت اعد فعولهم لاكن ازريـت=ولا قلت فيهم غير حاجه صحيحـه فهمت من بعض التجارب وعانيت=ويكفيك عن بعض التجارب نصيحه اليـا هـداك الله لخـوه وخاويـت=دوك الدواسـر كاسبيـن المديحـه |
رد: هات قصيدة في الدواسر من غير شعراء الدواسر
العقيد صالح آل هندي من يام .. يمدح الدواسر ، ويحذر قومه منهم صالح بن قهسان آل هندي اليامي .. يحذر قومه من جيش الدواسر قبل قرن من الزمان بعد وقعة ( عان شيبان) ويصف جيشهم وصفاً رائع بانه مثل الأهلة .. عندما قال في قصيدة منها :
فاطري فالرجع كم لك من محله=ياوجودي ذي عهودك خالياتي ياوجودي ماحضرت الا المذلة=ذاخرين ٍ بالعمار الغالياتي ليتنا عندك ولو كنّا مقله=كلٍ بياخذ نصيبه من الحياتي لاتجي المشراف وأحذر يامسله= لاتجي المشراف حولك نايفاتي أحذروا من ضمر (( كنهن الأهله)) = فوقـهـن ((ربعٍِ ينوسون العداتي)) الوضيحي ذيــرنه من محله= والغضيض اللي يديه مرصعاتي |
رد: هات قصيدة في الدواسر من غير شعراء الدواسر
قصيده لشاعر مسفر بن مبارك آل عاطف القحطاني في الامير مران بن متعب بن قويد خاصه وفي الدواسر عامه
اللةاكبرلااله الا اللة=خالق جميع الكاينات ورقيبها والحمد للة مبتدأخطبه النبي=أخير وأفضل كلمه ابتدي بها صلواعلى خير البرايا محمد=المصطفى الي سنته نقتديبها فااذاذكرتوا فالق الحب والنواء=تسمعوا لبيات شعر بجيبها ابيات من عذب المثايل نقيتها=ونزهتها من كل نقداًيعيبها اهديبها مني سلام وتحيتي=لمعرب الانساب لاصل عريبها اطيب من الريحان وأصل من العسل=والذمن درالخلايا حليبها تهدا إلى ابن قويد شيخ آل زايد=مران ياشيخ الدواسر حبيبها بعد السلام انخاك من شان حاجتي=صعبت علي لاعلك لنا تجيبها انا بن راجح وآل عاطف قبيلتي=ومن قحطان عز من يستمي بها وانا بدار قاصرات حقوقها=من كل الاشياء مالحقها نصيبها شرق الحصاتين وشمال من الركا=هجره برودان المسمى شعيبها من المدارس حقنا ماحصل لنا=وعيالنا ضلم الجهل بيغديبها والعلم نور والجهل ضلمة الدجاء=غدراًيضي حياتها من مشيبها ومريضنا نكويه بالنارطبنا=نزيدله من حر حامي لهيبها والماء هماج شربة الماء تضرنا=ياغلي مشراها وياصعب المجي بها والطرق تمهدها الحكومة لغيرنا=ودروبنا تصعب على من مشي بها هذي مطالبنا ونحتاج غيرها=حقوقنا صعبت علينا نجيبها وياما تقدمت وتعبت اطلب العطى=من بيت راس المال وخطي نصيبها اثنا عشر عام وانا اروح وانثني=ارجع برقم الطلب وانثني بها دون المعازيب وقفولي مراجعي=ماعاد خلوا حجة بدعيبها اشكي الى آل سعودواعود وانثني=للاطلاع والافاده واجيبها قالوا النظام يقول مايستحقها=وبعض القراء مثلي وجاها نصيبها بعض القراء مثلي ونالت مرامها=والواسطه سيف لمن يعتزيبها وحنا فقدنا شيخنا وأي شيخنا=ناصر إذا كادت علينا يجيبها وقت الرخاء يقضي نوايب قبايله =ون جا البلاءفالكايده مايهيبها خيال مايسند إذاصادم العداء=لاماتشعثرعزمها مع سبيبها لاعل له في جنة الخلد منزله=آمين يارب العباد ورقيبها وياخذ بقاه اللي نهج مثل منهجه=ويصبرعلى عسر الامور وتعيبها وزرنا عيال الشيخ نبغي مواقفه=لاعل منهم خيراًيستميبها ونخيت فيهم نخوة تنثر الغضب=تكاضمت منها الرجال بغضيبها نخوة حماس ارعجت سامعينها=ورفعت صوتي لين كلاًدريبها وردو يمانيهم ولزمواسبالهم=كلاًيقول انا لها انا طليبها انكانهافي الارض ولافي السماء=فأبشر بها واللة العظيم ان نجيبها وعودت مسروراًوربعي تباشروا=كلاًيقول اخوان جازا تجيبها هاذي عوايد ناصر لا أنس الزهم=يشوش ويدوس الخطر مايهيبها وقعدت اطالع للبشايرتجي لنا=وابطت علينا مالفانا نسيبها ست اسنوات فات والسابع ابتداء=مافاض حجراًتلعة مع شعيبها وانا إذاجيت الموضف يقول لي=دعواك فشلت حلهاوش تبيبها خاب الامل فيهم ولاشٍ حصل لنا=ماتاخذ الطماعه الا نصيبها ماكل من يرمي الهدف يطرح الهدف=وماكل من يغزي المطامع يجيبها وماكل من يشكى له الحال يحتسب=للمرجله والا الى اجريصيبها وماكل من ركب الفلا ينطح البلا=وماكل عزوة معتزي وفيبها مانيب اقول النقص فيهم ولا الرداء=اقول ضاعت هقوةٍاهتقيبها وخوان جازا تلطم الشره في البلا=خزن الشجاعه والحميه وطيبها لكن مخذوا بالهم من مطالبي=سمعوا نمام اهل الحسد في قريبها ونسيومقالتهم ونسيو مقامهم=مامثلهم هرج النميمه رضيبها من يستمع في هرج الانذال يلحقه=اللوم لو الهينه مارضيبها وخليتهم ناصيك ياللي شوايعك=معروفةٍكل الرجال تحكي بها انخاك عجزاً كل الاسباب قصرت=ومثلي إذاكادت يجيك وتجيبها انت الذي عسرالمشاكل تحلها=وانت الذي ترمي هدفك وتصيبها كلمتك تفتحلك طريقٍ مع الوعر=وعزمك يقص لك في الصفاءمن صليبها ولك هيبةٍعظما وحشمتك مثلها=وجاه عزيزاًطيب ينبدي بها عسى بجاهك تكتمل لي مطالبي=قل تم يانمر السبايا وذيبها قل تم تمت لك من اللة مطالبك=وبخل الرجال بجاههاساس عيبها جينا نبي جاهك على مكسب الشرف=وتكرم عن ادروب الدنس ماتجيبها في امرمن آل سعوديجي بلادنا=تفتح مدارسها وينزل طبيبها وقومتك ياأبن قويد في ذي ومثلها=وفاصعب ولا كادت تقاس صعيبها بعض العرب بيقول دعوى هوينه=ومن لا تحمل همها مادريبها والهم حملاًيجرع المر صاحبه=وناراًكفا اللة شرهامن لهيبها ونا احتملت الهم والهم ضامني=في امور ماغيري احدٍ يشتقيبها الا إله الكون نرجي فضايله=ثم الرجال الطيبين التجي بها وعلمني الي ماضياتٍ تجاربه=وقد ذاق من مر الليالي وطيبها يقول لاكادت عليك وتصعبت=فأنص الرجال الطيبين وتجي بها وخترتكم من طيبكم قبل غيركم=يافز عة المضيوم لا اشتدريبها لاكلحت الانياب من شده الغضب=في موقفٍ عسر المواقف رهيبها لاطار ستر البيض تنخا رجالها=تنخا المزين كل عذراً خطيبها والخيل تحمس والقنا يقرع القنا=وهذا عليها اقفا والاخر يجيبها وانتم هل العليا وكسابة الثنا=وانتم مزبنة المجناغريبها كم لاجي جاكم شكى ظيم جانبه=يامن بهيبة من اعداها تهيبها وانتوحماةالجاروسامة العصا=مجروركم يرتع بداراًيجي بها وانتوهل صحونٍ على اللين والقسا=يعتادها ظيف الخلاويهقيبها كم عامر للظيف قدم فقارها=وكم حايلاًغطاظهرها عصيبها وانتوإذا ثقلت حملتوثقيلها=يوم ان ضعيفين العزوم تعتيبها ثقال الحمول الها جمال تشيلها=تصبر على ثقل الحمول وتعيبها عندك خبر ماينقل الحمل اليا ثقل=الا فحل حم المذاري وشيبها يعجز لساني في تفاصيل مدحكم=والكامل اللة عالم اسرار غيبها وانتو وانا يطبق بنا مضرب المثل=مثايل الي قبلنا نقتديبها الاجواد فيهم كا الجبال الشمخ=من خاف من شر الدهريلتوي بها تكفى يبو زابن ترى النقص لحقنا=كدر علي صفو الدهر مهتنيبها وخلاني اجزع من محلي وموطني=وانصا الرجال اللي تجافي حريبها وتكفى يبو زابن ترى اللوم لحقني=من المواطن والبعيد وقريبها وتكفى يبو زابن تعبت وزبنتكم=بحقوقنا اللي عجز فيها طليبها وتكفى يبو زابن نصيناك فحتسب=للمرجله وخذ من الاريا مصيبها والمرجلة عزم وراي وهمه= ترقا بصاحبها العلا يعتليبها والمرجله غندورة في شبابها=حسنا تدور في النشاما خطيبها ام الجمال ام الطرب غاية العجب=ولك انت ياعشاقها ياصحيبها نمدحك يوم المدح كسبك ومارثك=وحق الاباء لعيالها في مشيبها وننخاك يوم انك شجاع وترتكي=للكايدات وفي العرب من يهيبها ومن يبذل المجهود يظهر من الملا=بالعذر الاصبح والمراجل وفيبها اليوم جيت انخاك من شد حاجتي=والصبح بوضح خطا ء بتخطيبها بيقال هات العلم ياصاحب الخبر=وعلومي اللي جبتها باحكي بها بقول قام الشيخ ثم ارتكالها=والمعطي اللة والعرب من نصيبها وللة واكبرلاإله الا اللة=خالق جميع الكاينات ورقيبها تمت وصلا اللة على سيد الملا=ذكر الإله ابدي بها وانتهيبها |
رد: هات قصيدة في الدواسر من غير شعراء الدواسر
هذه قصيده الشاعر حسن بن محمد الحريشه القحطاني
ابدي بذكر اللي علينا عالي=وهو الاله الواحد القهار وهو الاله الواحد المتعلي=والبينات اوصى بها المختار ابو سعود قايل مثايل=ومن البيوت الكايدات اختار نقيتها من كل نقد يعيبها=مثل الذهب يشقى به البيطار امرقب يسقيك همال الحياء=واسقاك من غر المزون امطار لامن انتحا من حدنا ثم ادلهم=نوه عروض بارقه سمار ينحي على ديره حسن وابنا حسن=سعد الضيوف ومكرمين الجار قصيرهم يهمل وتوسم له العصاء=يرقا شذا من نايفات اقهار متيهت علط الرقاب المرق=علط الرقاب ونسع الفقار تبرالهم اللي بسمهم لامن انتخوا=ابنا حسن ثم اعتلوا الامهار تشبع طيور الجو في سبالهم=والضبعه العرجاء بنت الاجحار ياسامعين القيل مني تحيه=اعداد مايكس الورق الاشجار على ال تميم اللي افتخر في ذكرهم=مرث حرار من نسول احرار اهل الكرم واهل الوفا والشيمه=عيد الضيوف وتكرم الخطار ذيدانهم ماهي يزعزع رتعها=يو الجهل والحرب في الاقطار لمن لحقوها وسيق عطفت=ثم طار من شعوف البكار اغبار اقويد قايد عزهم ثم قادهم=لامن وطا دار غشاها انوار ارث منيف ثم شجاع بعده=وحنبان يذكر طيب الاذكار اهل الحمول الكايدات بشيلها=لامن عميل من عميله بار قلته ونا من ربعي آل محمد=تركي على كبد العليل امرار اهل سربه لامن انتخت لكنها=طابور هند سامع مزمار واختم كلامي بالصلاه على النبي=اعداد ماناح الحمام وطار |
رد: هات قصيدة في الدواسر من غير شعراء الدواسر
قصيده لشاعرعبدالله بن معجب الشهراني شارك بها في الزيارة الاخيره التي قام بها وفد من قبائل شهران للشيخ /فارس بن ظافر الحقباني الدوسري
قبل كل سلم وكل علم الله البادي=ما اقدم على تمجيد ربي ولا ابدّي يا خلاق يا رزاق يا حقّ يا هادي=مالك في ملكوتك شريك ولا ندّي ما هديت من حظ فلا عاد ينشادي= وما شيدت من حظ فلا عاد ينهدّي بعدها سلام الله لكم يا هل الوادي=يا عوق العدو لا قام باغي ومتعدّي رموز الوفا والطيب تيجان الامجادي=بحور السخا اللي بالعطا مالها حدي اقود المدايح من وفاكم وتنقادي= واشرّف بها في مرقب الشعر واعدّي يا جمع الدواسر يا شغاميم الاولادي=يا متوارثين الطيب جد باثر جدّي يا هل صحفةٍ تندى واهل هجن وجيادي=ملاذ الدخيل وستر مردوعة الخدّي لكم راية بيضا على روس الاشهادي= وهيبة شموخ نوخت كل متحدّي وانا وقفتي قدامكم ثالث اعيادي= لاوقفت قدام المطاليق من قدّي وقفت اخدم ربعي من اباي واجدادي=ومن اخواني اللي توفي الكيل والمدّي واخدم الشيوخ اهل الزعامه والاسيادي=واخدم الخوي من كل قيف ومن بدّي هذولا اشهران المجد خطلان الايادي= نجوم يقدي نورها كل متقدّي عدود الجميل مرّوية كل ورادي= سلامٍ على الصاحب ظلامٍ على الضدّي يكفّيهم انهم عرقلوا سير الاوغادي= وتصدوا لجيش اللي غزا البيت مرتدّي لفوا عند أميرٍ يرفع الصوت وينادي= يعشّي على درب الهشاشيل ويغدّي أميرٍ من الحقبان في الطيب متمادي= ما يجزي الوفا والوصل بالهجر والصدّي ابوظافر اللي يحفظ الملح والزادي= ولا ينكره لو ينكره كل متردّي راعي سمعةٍ من باب صنعا لبغدادي= تفوح بشذى اليشموم والعود والندّي ومادام الحديث يجر للمسك والكادي=ما ننسى فعول الشدّي ونعم بالشدّي جبل من جبال الجود للجود روادي=بحاله وماله للمواجيب متصدّي وعسى اللي تسبب في تجماع الاجوادي= وزاد المحبه بين الاجناب والودي يضّيف بدار الخلد في ظل وبرادي=لاجاوا العباد وعدّهم ربهم عدّي رحل تاركا ذكرا كما النور وقادي=وانا ودّي اطرّي فعوله ولاودّي ومسك الختام ازكى صلاتي على الهادي= عدد مايموج البحر بالجزر والمدي |
رد: هات قصيدة في الدواسر من غير شعراء الدواسر
بيض الله وجهك يابوزابن على التفاعل وارجو التفاعل من الجميع
|
رد: هات قصيدة في الدواسر من غير شعراء الدواسر
قال ثابت بن كعب العتكي الأسدي :
ألم تر دوسراً منعت أخاها=وقد حشدت لتقتله تميّم رأوا من دونه الزرق العوالي=وحياً ما يباح لهم حريم شنوءتها وعمران بن عمرو=هناك المجد والحسب الصميم فما حملو ولكن نهنهتم=رماح الازد والعز القديم رددنا مدركاً بمرد صدق=وليس بوجهه منكم كلوم وخيل كالقداح مسومات=لدى أرض مغانيها الجحيم عليها كل أصيد دوسري=عزيز لا يفر ولا يريم |
رد: هات قصيدة في الدواسر من غير شعراء الدواسر
هذه القصيدة قيلت لبني هلال وقيلت للضياغم يمدحون الدواسر وعلى رأسهم الشيخ عامر بن بدران امير الدواسر في عصره رحلنا ورحلنا مساس من القسا=رحلنا شمال والضعون اتذاد والله ماهو شفنا يوم زاعنا=لاهوب من بغض وضد اطراد شح المراعي والظما يوم ضدنا=والبل تبي المراعي وشربٍ براد فليل بضدا والظما مركي بنا=لولا خواويرٍ بهن اجلاد وليل باحما وحما شحيحٍ مشاربه=عليه ناسٍ بالشروب ازهاد تواقف المظهور والناس صنتوا=يبغون راي للنهاج سداد صوت عليهم محمي النار للعدا=سيروا لعدٍ يذكرونه جاد وردت عطاش قرية الجاهليه=مياحها مايسمعون له امناد وليلة وردنا العد عد ال زايد=عد الى نها جمامه زاد ضفنا وضيفنا ابن بدران عامر=حييت ياغمر فلاحه باد شيخ ذبح في الحال عشرين فاطر=والكباش مايعرف لهن اعداد وكمل مزاهبنا على كثر عدنا=وخلا الجمال تشيل كثر الزاد فلا ظل الا ظل غارٍ من الصفا=ولا شيخ الا عامر بن زياد ماهو يكف النشر من يمة العدا=ونشر العدا من لا اليه ايذاد خذينا مع ابوفقار في الضحا=عيراتٍ لفنا سيرهن اوناد وليل بدهو والحمل في نحورها=اجداد اثاريهن وهن ابعاد وليل بالحمل والحميل المسمى=الثر جديد والعيون احداد وليل بماسل والمويسل وردنا=سود المغارف غبهن اجداد وليل بالسرادح لا عله الحيا=الشجير خل والمراح شداد وليل بحد باسوفة المعروفة=اصبح على جوا المراح سواد وليل بشقراء فاهقين اوشيقر=باع الصبايا حليهن ابزاد وليل بطيء مشملين النيه=نبغي اديار بالمساس مراد لاشك "دهماء" مسها السير والسرى=قامت تردا قربها الحصاد لعلها عام مديم من الحيا=تجي لنا دوم الحياة ابلاد لكنها ياحسرة القلب نوخت=وانا عليها حسرتي تزداد وقفيت اهل الدمع من حب ناقتي=والحب يفطر مهجة الفؤاد من لامني في حب دهماء يشوف له=غال وراه بحسرةٍ وانكاد فحللتها والربع قفت ضعونهم=خوفي عليها من الجزم واجهاد حنيتها من حبها واختلاجها=طول العناء للطيبين ازهاد |
رد: هات قصيدة في الدواسر من غير شعراء الدواسر
وهذي قصيدة مانع بن شلحاط العجمي يمدح الدواسر
تعنا الشريف لدارهم معتليه اعرام=وردت عزاويه بعد جورهم ياامه تعدا القبايل ساكنه يبتحص قدام=وبعد ماوصلهم قصوا اشنابه وكمه فهم مزبن الساطي وهم ملتجا المنضام=وهم فزعة المضهود هم نقوة الامه وهم ملتقا الهاشل وهم نصرة الاسلام=وهم مدت المحتاج هم للخوي دمه وهم حكمة المجلس وهم عزوة الزهام=هم ضحكة الحجان هم للعدو غمه وصاة الرسول ابجارهم طبقت باحكام=وكنه يخص الدوسري خيرة الامه يسوقون جار البيت لو صابته الاسهام=ويدله غريب الدار معهم ولا همه ووسم العصا ما احدٍ سبقهم عليه اشمام 1=اهنا الفرق يااللي تحفظ العلم واتضمه هل البل حماة الغرس لو ركزت الاعلام=حما دارهم لوجّرت الضد ملتمه أبمدح الدواسر شرهتي تلحق الاقلام=وحبرك أبمدح الدوسري ياقلم شمه يفوح العطر بكتابتك مع صبا الانسام=هل المدح لهم المدح واللاش له ذّمه سلامي لديرتهم واهلها سلام اهيام=تحيات مشتاق اللقاء طاوي العّمه |
رد: هات قصيدة في الدواسر من غير شعراء الدواسر
هذه قصيده للشاعر المرحوم / عامر بننوطان المري ..
**** ****
قـبـيـلـةٍٍ كــــم فــرقــت مـــــن قـبـيـلــه=وطـقــت شـرايـدهـم وراحــــت نــزايــع ربـــــعٍ تـقــيــد بـالـسـلاســل ركــابــهــا=لا جـــا نـهــارٍ فــيــه ذبــــح وقــلايــع سـعـيـرةٍ خـطــلان الأيـــدي وقـودهــا=لا زعـزعـوا (زايــد) وجـــات الـفـزايـع يمشـي لهـم جـمـعٍ تنـومـس فعايـلـه=يـحـط فــي الـجـمـع الـمـوالـي هـزايــع يستـاهـلـون الـمــدح كـسـابــة الـثـنــا=مـن ماضـي التاريـخ مـاهـي بـدايـع جــلابـــةٍ لـــلـــروح لاجــــــات حـــزتـــه=يـوم العمـار بـسـوق شــاري وبـايـع أشـر واجهـل مـن جهـل كـل جـاهـل=لا ولــعــت نـــــار الـفــتــن بـالــولايــع يصعـد بـراس النايـفـه مــن وزابـهـم=يوم السنين اللـي تشيـب الرضايـع كــن الجنـايـز فــي نحـايـا جموعـهـم=أعــجــاز نــخــلٍ خــاويـــاتٍ صــرايـــع قـبـيـلـةٍ يـعـتــز مــــن ينـنـتـخـي بــهــا=دون الجـهـام ودون سـتـر الربـايـع ديـارهــم مـحــدٍ نـــزل فـــي حــدودهــا=ولا طمـعـهـا مــــن يــــدور الـطـمـايـع لاجــا نـذيـر الـحــرب بـنــوا بيـوتـهـم=والـمـال خـلـي فـــي المـفـالـي رتـايــع تـامــن بـهــم ســــودٍ طــــوالٍ رقـابـهــا=وسـود الغـروس اللـي ثمرهـا نوايـع قصيـرهـم يـرحـل وهــو فــي جـوارهــم=وينـزل لحـالـه فــي قـفـر كــل خـايـع اللي يصافيهم له احلى من الشهد=والـلــي يحـاربـهـم يــــذوق الـفـجـايـع هذا وصلـى الله علـى سيـد البشـر=شفيـع الامـه عنـد راعــي الشفـايـع |
رد: هات قصيدة في الدواسر من غير شعراء الدواسر
قصيدة بن مطرف العجمي جليت وجلاَني الشريف إبن هاشم=وسواة من جلاَه الشريف يخاف وزبنت على رجال عتيبة الهيلا=........................................... ... وزبنت على غلبا سبيع إبن عامر=............................................. وزبنت على البقوم والشلاوى=......................................... ... وزبنت على قحطان المسمى=.......................................... وزبنت على لمَا رجال آل زايد=طوال القنا للحاربين إعساف وعيَا علينا إبن بدرانٍ 1 بحيالته=وداووْ عمىً من لايشوف وشاف ترى عنزتي منهم رجال آل فادر2=غشاهم من البيضاء ذرى ولحاف وترى عنزتي منهم الفارس 3 محمد=عليه من جديد الجوخ لحاف والنعم ياولد الفدير4 مقينع=سيفه من راس الشريف إعساف والنعم يآإبن خطَاب 5 يوم حمي اللقاء=جواده منها السابقات تخاف ويانعم يا ولد المبيعيج ناصر 6=صفراه في عج الخيل تغتبى وتشاف وصفراء الفويضل7 كنها مهجورة=عليها من زين البتات لحاف إن أقبلت قدم الخيل ليهي الأولة=وإن دبرن ليهي تجر إخلاف ومناع 8 ورشيد 9 حديدينٍ بالثرى=رجالٍ تورَد شذرة الأسياف وعسى الله يحي لي ديار آل زايد=وعسى دارهم عقب الربيع إتصاف مازبَن اللي مثلنا كون مثلهم=يوم إكسروْ عساكر دولة الأشراف يوم مصافق القوم للقوم إرتكوْ=إرزان المواقف هم ذرى من خاف |
رد: هات قصيدة في الدواسر من غير شعراء الدواسر
قصيدة رميزان بن غشام التميمي في مدح الدواسر قال شاعر بني تميم الكبير رميزان بن غشام التميمي رحمه الله في الدواسر يمتدحهم بعد أن ناصروه على البو هلال وهو يسند على خاله الشاعر النبطي جبر بن سيار . جزا الله بالحسنى رجال شدت لنا=روات المساعي بتنا في نشيدها بدارين اللوى من روس لابة=خميسية1 فيعامر2 في زايد3 عن يزيدها جزال العطايا لمن يستحقها=جرد السبايا ونص من زهيدها قبيلة يا جبر4 أوي والله قبيلة=بمصادم الأفات لمن يريدها حنا لهم درع وهم درعنا على العدا=أولاد الخميسي5 مع ضياغم سعيدها وحنا إلا عدوا العرب أصل العرب=نرسي كما ترسي مشاذيب حيدها سعيدية6 يا جبر على الصدق والوفا=يعيشون ما غيض جارهم مع حفيدها ال زايد من لامني فيهم يبلا بشرهم=يردون كما ترد الضوامي عديدها يعطون المجورة يا جبر إلا جار بالوفا=يزيدون فوق الهقاوي مزيدها نعم بهم يا جبر على الطيب والنقا=اسود عند الملاحم والمعارك تجيدها ونبارز وللحرب يتعب قبيلهم=كم نزلتن خلوا عمدها بديدها ربع إلا جار العدو زاد جورهم=بمذلقاتن الأحد صافي حديدها لهم هدة كما قال ابا زيد7 هدها=كم فارس تقصر هقوته عن ما يريدها عاداتهم يا جبر من تناول حدودهم=خوض المنايا والمعارك عيدها صبح سبيع عام8ر بالخيل والنضا=إلى حضرها مالك الله يعودها أقول على ما قالت وسيم العامرية9=سبيع جضت من مصادم ضديدها تقول مزنة تزبر فوق برك10 وأمطرت=دسة اخذى الخيل فهو يريدها غشاهم عجاج الخيل وضيم وضما=تنوح سمر الجدايل على عضيدها تبكي هل الغلبا11 لا واسفابهم=جضع المنايا والأفاعي تبيدها يا لوف قلبي لوف من لافة الحزن=حزن تجدد ما عاد يبري عطيبها على سبعة عيال مع تسعة أخوة=مخالب الأفات والمنايا تصيبها جونا كما سيل غشا جوره القشع=اغناه الجماجم وسبايا يبيدها ال زايد لا أبعد الله دارهم=عامر12 يقود الخيل وهو عقيدها يا حر قلبي حر من لاحه الضما=على ضدنا اخذ النار نزيدها فاجاتنا النكبات وفاجنا الغبن=كم عندل تنوح مما صيبها تقول يا خضران لا واسفابكم=راحوا شتات والأجانب تسيدها وختامها مني صلاة على النبي=اعداد ما غنت الورقا بعالي جريدها |
رد: هات قصيدة في الدواسر من غير شعراء الدواسر
وسيم العامريه من سبيع عندما فقدت ابناءها وأخوتها في معركة الدواسر وسبيع أنشدت هذه القصيدة: قالت وسيم العامرية واشرفت=عند الضحى والدمع غادي بدايد على تسعة أولاد مع سبعة اخوة=في ورد سمحين الوجيه آل زايد ياطول مابيتي مرب لهجمة=واليوم تومي به هبوب الشدايد اهل سبق مع حرب خيل وهجمة=وهلها مضرينها بلفح الجرايد والله لولا ذلتي تشمت العدا=وتستر بالفرقا اكبود غدايد لأعوي عوا السرحان في جرهدية=واعوي عواه بنايفات الفرايد بشر غدا عند المبيعيج ناصر=غدا بينهم يوم اختلاف الوعايد فنا أصبر من صما صموك على الصفا=صبور الى شبوا عليها الوقايد |
رد: هات قصيدة في الدواسر من غير شعراء الدواسر
قصيدة لرجل من اهل حايل وقيل اسمه ابراهيم بن عجلان او سويلم الشعلاني عندما قدم من الجنوب مسافرا ً الى الشمال مروراً بالدواسر فأكرموه وحمّلوه بالزاد والعتاد واعطوه كل ما يحتاج ..
فقال هذه القصيده :
كـمّــل سـنــا الـلـبـس وابلـيـنـا الـجـدايـد=والـمـحــازم نــاحــلات ٍ مــــن بـطــاهــا والمـجـرب كــل مــا اصـبـح لـيــه زايـــد=والــردي يصـبـح عـلـى عيـنـه غـثـاهـا روّحــــــت وارقــابــهــا مـــثـــل الــجــرايـــد=وان وطت حزم ٍ غشي راسه دماها روّحـــت بـــي بــيــن حـفـيــات الـفـرايــد=وفــهــقــت تـثـلــيــث وجــبــالــه وراهــــــا روّحـــــت صــــــوب ديــــــران آل زايــــــد=ديـــــرة ٍ مـــــن قـــــل مــالـــه نــصــاهــا لا لــفــيــنــاهــا درعـــــنــــــا فــالـــجـــدايـــد=والــعـــمـــس قــــفّــــا وعــيّـــنـــا مـــنـــاهـــا . |
رد: هات قصيدة في الدواسر من غير شعراء الدواسر
أوي ديرة ٍ من بين حمر النفايد=قـبـلـيّـهـا الــجـــزلا وخـــــرب ٍ وراهـــــا ديــــــرة صــنــاديــد الـــرجـــال آل زايــــــد=اهل ديرة ٍ من قل مالـه نصاهـا اهــــــــل بــــيــــوت ٍ كـــنـــهـــن الـــفـــرايـــد=يامن بها الخايـف الـى مـن وزاهـا اعـتـضـتـنـا فــيــهــا الــوجــيــه الــزهــايــد=اهـــل الـقـرايــا الــلــي يـبـيـعـون مــاهــا فيـا يــا راكــب الـلـي يقـربـن البعـايـد=حـــرايــــر ٍقـــطــــع الـفــيــافــي مــنـــاهـــا خــلـــهـــا تــــعـــــود دام ثــــرهـــــا جــــدايـــــد=تنـصـا آل زايــد مكـرمـة مــن لـفـاهـا عـنـد الصـعـوب مـهـونـة كـــل كـايــد=لامــــن وردهــــم حــجــة ٍ نـجـحـاهــا نـصـيـتـهــم وانــــــا مــــــن الـــمــــال بـــايــــد=جــلـــوا الـهــمــوم وطـلـبــتــي كــمــلاهــا تكـمـلـت مـــن تـمــر هـــدب الـجـرايــد=وشــريــت مـنـهــا الــبــل بــمـــا ثـمـنـاهــا ابــوصـــي الـبـيـضــا مـــــع كـــــل رايـــــد=لاهـــــــل الـحــمــيــه مــمــنــيــن حــمـــاهـــا |
رد: هات قصيدة في الدواسر من غير شعراء الدواسر
عيال الشهم ابن بدران حمال الشرف والتاج=زعيم القوم راعي افعال وخيول يسرجها(1) وسيوف مرهفة ترمي علفها من علي الاسراج=تشوق العين ذي حدين صانعها ومعوجها نخي في الزايدية ثم جمعهم من ورا الافلاج=وتقدم في جموع مثل ضلعان يدرجها بليل بارد يفوح راسه كنه الهداج=ويقول ابنا اتسع يابرك قد ضاقت مناهجها (2) وقام يصول عرض وطول لين الصبح انباج=وهجم هجمة ذياب اللي علي العدوان ناسجها هزم الا عدا وشتتها ولا ذت الفرار ازواج=بعد تنسيقه بتخطيط والبعاج باعجها (3) |
رد: هات قصيدة في الدواسر من غير شعراء الدواسر
على الله سقناها وهي بالرسن تنقاد=هدية وفاء ماني على السوق جالبها قصيده يجي بين القصايد لها ميراد=على الحوض وقلوب العواريف تشربها عن الخيب أبعد من حزاين ثمود وعاد=وعلى الطيب اللي يفعل الطيب ما أقربها من النعم والبيضا عليها ثياب جداد=ومضمونها قول على الفعل يجذبها تخيرتها وأشهرتها في عريب أجداد=بنى سمعه الفصام وأكمل مطالبها وهي شهرةٍ للقرم والقرم فوق شداد=من قروم قوم عاليات مناسبها فوارس مساعرة لهم تشهد الاشهاد=لهم غزوة مشهورة يعتزون بها خياله صخاف الشول كسابه الامجاد=لاطار ستر الغانيه عن ذواييها (بني زااايد اللي تنطح الضد في الميعاد=دواااسر تمكن في عداها مضاربها) هل العرف وأهل السيف والمنسف المعتاد=وأهل جيرة ياسم عطا الجارصاحبها لهم هيبةٍ أثقل من العارض المنقاد=تحامت على أبن مطرف يوم لاذبها بغاه الشريف ولاحصل للشريف مراد=برزله طحاطيح تفتل شواربها تعلوا ظهور الخيل دون الدخيل عماد=ولهم دولة الاشراف طاحت مناصبها هذا والقصيده في عريب الجدود تعاد=من أقصى حقيقه كلمه الحق نكتبها أبيها الى مرت على واحد حساد=يقنع بها نفس الردي لو يغضبها وابيها الى مرت على واحد جحاد=يعرف الثنا ويرد للناس واجبها وأبيها الى مرت على مجلس النقاد=يقولون مافيها كلام يعذربها تخص الكريم اللي بيمناه فاد وجاد=جزيل العطايا والرزايا يقوم بها عبدالله اليا عدوا زحول الرجال عداد=ملاذ الرجال اللي ثقال نوايبها أقوله وكم ينصاك يالقرم من قصاد=لعل المجالس بالأمانه لغايبها تمت وصلى الله على خاتم الأسياد=عدد ماتهل العقربيه سحايبها |
رد: هات قصيدة في الدواسر من غير شعراء الدواسر
هذه قصيدة لشاعر يام : علي بن بلال اليامي ، في مدح ابن قرموط الدوسري وفي مدح الدواسر .
الامـل بالله ومـادام للشعـر انـدفـاع= ودي ألعب وأدب القـاف أليـن أطوعـه انسجم محراف بيته مع اسمك يا شجـاع=واتجهلك يابن قرموط اهجرس وابدعـه السلام عداد ماسار في الطـرس اليـراع=لـك وللـي ينتبـه للقصيـد ويسمعـه وواجبك ياذايع الصيت يوم الصيـت ذاع=قفر قاف قـام صقـل المواهـب يدفعـه لك ولمثالك لجيـت ابـي اقديـه طـاع=وصار ذوقه مثل ذوق العسل من منبعـه وان بغيت ابلابه الاش ضيعنـي وضـاع=أتـردد فـي معانيـه لـيـن أضيـعـة ما يليق الا لمن فيه مـن حاتـم طبـاع=وأنت مثل الغيـث والغيـث كـلٍ يتبعـه مع مدار أربع هبايب ملاعبـة الشـراع=فيك طبع مـن طبـع الحلـوم الأربعـة كلمة تهداء علي من زهاهـا مـا تبـاع=وصحبة الطيـب تعـز المقـام وترفعـه ما خلقت امـدح ولا أذم راس ولا كـراع=الهدف نفخر براعـي الوفـاء ونشجعـه والوطاء مذموم والمدح تـاج الارتفـاع=والرجـال أنـواع كـلا يعـود لمرجعـه وأنت من قوم تعشي جويعـات السبـاع=يعرفون اللي غـدا للعـزاوي زعزعـه أهل مثلوثه وأهل خيل يوم الحرب شـاع=جارها يركض وراها الشريـف وتمنعـه ودون هيبتهم انطلوا هيبتـه طليـة وداع=(الدواسر) من على سرج حجلا تجدعـه ساومت سلطان الأشراف في سوق المباع=والحرايـب نارهـا وارثــه ومولـعـة والفعايل بيـن شتـي القبايـل والبقـاع=مـن قديـم بيـن هـذا وذاك موزعـه اختصرت وصوب هالداجل الشعر انصياع=القصيدة روحهـا بيـت صعـبٍ مطلعـه ينعسف للـي يعسـف الثنيـة والربـاع=يوم صار السيل مـا كـل سـدٍ يردعـه يم شيخٍ يجعـل المـال للواجـب متـاع=رايته بيضاء لهـا فـي جبينـه شعشـعَه ماخشر دينـه ودنيـاه بخـل ولا خـداع=وافي ما نـاش مجنـاه عـرقٍ يهزعـه يا شجاع وكـد الفعـل بالهـرج الوقـاع=وكل مدحٍ فيك يارد من أقصـي مرتعـه ما مدحنا بعض ناسٍ من الدنيـا شبـاع=كل من دنيـاه عـن طاعـة الله تقلعـه يضحكون بعوية الذيب يوم الذيـب جـاع=وكل مانخيوا يضيعـون وقـت المنفعـة حالـفٍ مامـدح الاش مدحـي للشجـاع=دام سيلي مـن مناشيـه يصـل منقعـه والوفـاء مـادام لـه جـرةٍ ولا شعـاع=لو بقطـع أرزاقنـا مـا قدرنـا نقطعـه خلفوه أهـل المنـازل طويليـن الربـاع=والدهـر شمـلٍ يشتـه وشمـلٍ يجمعـه ومن صبر صبرٍ يعدي على روس التلاع=ربنا في محكـم القـول قـال انـه معـه والثقـال لهـا جمـالٍ مناكبهـا وسـاع=شمخ النيبان عوص مـا هـي بمقرقعـه تندرج من سوق حمدون إلى ساحة رداع=وكل ما امتد أدرج البيد قامـت تذرعـه اصطحبت من التماثيل قـدر المستطـاع=وخابر منصاي مـا كـل شعـرٍ يقنعـه وسامحوني يا هل العرف عند الاستمـاع=تمـت أخرهـا بذكـر الرسـول أودعـه |
رد: هات قصيدة في الدواسر من غير شعراء الدواسر
الا ياسعد دنـوا معاويـد ضمـرعيرات =من حدب الظهور النجايب سود المدانع مـن عمـان منتبه=ما وقفت في كل سـوق جلايـب كنها مع الفرجه ليا روحت بكـم=سفن مـع الغبـه قفتهـا هبايـب والا كما ريم مـع الجـو هـرب= قد حققت شوف العرب بالحبايب من فوقها اللي مايهابـون فرجـه=فهود الزراج بايحيـن الزرايـب مصاقيل جـم ومعاويـد غربـه=ومناعير لاشبت ضوي الاهايـب ((نـص الركايـب* غلمـة زايديـه*=يانعم من تلفي عليهـم الركايـب هشين بشين على العسر والقسـا=وفرسان لاشبت ضوي الحرايـب ومن كان مضيوم فيزبـن جالهـم=حتى تقطع منـه كـل الطلايـب)) |
رد: هات قصيدة في الدواسر من غير شعراء الدواسر
ذبيت لي رجم على الارض عالي = من واهج في الصدر يا عادل الميل شوفة ضمار بين ذيك الجبالي = ياما رقى به من رجال حلاحيل يبغون حذرات الوعول الثقالي = عكف القرون اللي ترب المقاييل الدمع من عيني درج لين سالي = عزيل عين كن فيها سماليل شفنا مداهيل المها والرجالي = راحوا طروش فوق عجل المحاحيل غدت بهم بقعا وسود الليالي = ذا شرعها بالحي يا عادل الميل دوجت في دار من النزل خالي = يا دار وين متعبين المعاميل سعد المسير في غبيط الضلالي = وافعالهم تتعب كثير الرجاجيل لاد الحميدي مرخصة كل غالي = لاما اعتلى مكيال راعي المكاييل ضفران لامن رددوا للسلالي = وكرمان في عسر الليالي المقابيل قفوا شمال في شفوف الحلالي = يتلون براقٍ سرا له مخاييل يا شين شوفك عقب فرقا خوالي = جعله يجيك من المناشي مخاييل نوه على الطراد جال له خيالي = و انشا على عرفان وبله مكاييل برقه على فحثان جاء له شعالي = وسيل الحضاير جت حفوره مغاييل أسقى أم دقة من حقوق الخيالي = مدهال حذرات العنوز المغازيل من حظكم ياهل الفطير المتالي = حول على وبران جا له هماليل حده جنوب لين جاو الجلالي = وحده شمال من حشوم الغراميل حول على الشجعان دار الرجالي = الاد زايد متعبين المراميل قصيرهم يمسي من الهم خالي = وخويهم يامن ولو كان به ميل توسم عصاه إليا نوى بالرحالي = لا ما نوى الفرقا ودنا المراحيل دار ابن هذال منجي التوالي = اللي لهشال الخلى يذبح الحيل سلم عليهم عد وبل الخيالي = وثنه على الرجبان واثنوه بالحيل ربع تعوج أرقابها للتوالي = لا قفوا الذلان مثل المخاييل كم واحد في دقلهم طاح مالي = لا جاء نهار فيه ميل وتعديل وطروشهم لو كان تبطي ليالي = على الشحم و مزعفرات الفناجيل يوم على العدوان جاء له ظلالي = خذوا الفواد بضربهم يا رجاجيل مقيدة بلهان لا جا اصوالي = ما جمعهم بيزول لا جاء مراسيل والمعذرة لا صار فيها ميالي = ميزان بقعا ما يهون من الميل أتلى كلامي يا عزيز الجلالي = وذكر الله المعبود من غير تفصيل -------------------------------------------------------------------------------- |
رد: هات قصيدة في الدواسر من غير شعراء الدواسر
متعب بن غازي العتيبي في الشرافا عند مدح آل جحيش:
على درب أبو سالم نبا ندفع المقهور= يباري لوضح هايم القفر يرعنه يباري لوضح وسمهم فوقهن مجرور= تشوف الشمطري واللطيمة عليهنه مرابيعهن ما كف عرعر ليا بالقور= وحد العراقي كم مرة تعدنه على درب شيخ بالقدايم مضى له دور= يقود السرايا والمضاعين يتلنه أبو سالم اللي بالوفاء والسخاء مذكور = ثلاث الخصال الطيبة محتويهنه و لا نسى عزيز القوم أبو مسفر المشهور= اخو هادي اللي جعل مثواه للجنة و لد صامل القالات والمعرفة والشور = بماضي الليالي يتبعونه بلا منه ذوي مسفر اللي ينثنى الورك فوق الكور = يسج الركيب لين ينزل شحمهنه ليا جر نمرا بيرقه فوقها منشور = وهج الهجيج الشيخ يثني وراهنه ليا جا نهار فيه صوت الرصاص يثور =بوارديهم ما يسلم اللي يصيبنه زحول الشرافا فعلهم يا ثقل مخبور = نهار الصبايا غالي اللبس يرمنه تحت رأس اخو وضحا ليا زرفل المظهور = تغروا بوضحا والعمائم رموهنه وابا العذر منكم كان جاء بالكلام اقصور = مفاعيلكم واجد ولا حصى عددهنه |
رد: هات قصيدة في الدواسر من غير شعراء الدواسر
كريم يا برق حضر يمة الشـرق=اخايله لين أصبح الصبح بانـي يادار هـذال لهـا لايـح البـرق=عساه يسقيها حقـوق الغشانـي عطيته لامن عطا يعطي الفرق**=ماهو مـن يرتـد فيهـا مثانـي حر على حر ومجناه من غـرق=ماهو من اللي ماكره مشبهانـي يا بانياً بيته على مفرق الطـرق=ياماخذٍ ضيف الحمر بالضمانـي |
رد: هات قصيدة في الدواسر من غير شعراء الدواسر
الله لا يسقـي نهـار ورا تـيـن= يوم غدينا يا شجيـع بـه اقطـاع جينا الدواسر مع فريق القحاطيـن= كلنا لهم بالمد وافوا لنـا الصـاع يا شيب عيني يوم قالـوا عقاليـن= ود الذليل انه تـراب مـع القـاع جونا الدواسر مثل ورد ٍ محيمين= جونا وجيناهم على كـل مطـواع حطيت بالرجلين زيـن التواميـن= ووسطتها ما بينهـم تقـل مـزاع والخيل مثل مغلشـات الشياهيـن= والقلب من كثر المثارات يرتـاع نبي نرد ولا اودعونا الوداعين = ياما وطوا منا على صحصح القاع يا شوفة الله ليلة الغـزو ملفيـن= لو تجمع الستين عشاهم الصـاع يا فضحنا من لابسات السباهيـن= اللي يديرن الشويـرع بالاصبـاع الاشراف لانوا عقب ماهم قاسين = والشق ما يرفيه خمسة عشر باع |
رد: هات قصيدة في الدواسر من غير شعراء الدواسر
شاقني فعل الدواسر متيهة الغريب=لابةٍ تاصل الكايدة بعزومها صاح ابن عواد فيهم وعيّن له مجيب=غاليٍ ذكره والارقاب غالٍ سومها يوم جا ينقل صوابه من الدنيا صويب=والليال السود ترخي عليه كمومها قايمٍ في الدم والدم موضوعٍ صعيب=ناشفٍ ريقه ونفسه تزيد همومها ماوراه إلا أملحٍ يبتر العظم الصليب=والخصوم النايبة ما تحن خصومها انتخى: يالابتي يا منزحة الحريب=وادركوا عشرين مليون ثاني يومها موقفٍ غصاب يخلص طليبٍ من طليب=صدق ياطيب الدواسر وطيب سلومها يكتب التاريخ وتجف محبرة الاديب=ولو تجف المحبرة والقلم مالومها والله لاني ولـْد عمه ولاني له قريب=مير وقفات النشاما تجيك علومها دون نقصٍ فالقبايل بلاشكٍ وريب=القبايل ماحدن يقدر يغط سهومها كل قومٍ لهم فالمرجلة قسم ونصيب=وانا من قومٍ خيار القسوم قسومها |
رد: هات قصيدة في الدواسر من غير شعراء الدواسر
يا مرحبا في مرحبـا بالدواسـر=حياكم الله في ضيافـة هـوازن أهل المكارم في ليـال المعاسـر=يومن ما يوجـد مـوارد اوازن واليوم يوم الخير راهي وياسـر=نفحة مكارمهم تفـض المخـازن ويوم الجزيرة بين رابح وخاسر=من المشاكل واختـلال التـوازن حفنا مثاني نجد مثـل الكواسـر=على ظهور اللي بهلهن تنـازن وحدن تيامن عنه واحداً تياسـر=خضناه يوم اجموع الابطال حازن وشيوخنا في الحرب تعتق وتاسر=تاريخنا في نجد مالـه مـوازن وانتم بعد ما تحبـون المخاسـر=مداتكم في الوقت تجلا المحـازن اهل المحامر طيبيـن المكاسـر=المنفقين إليا خزن كـل خـازن ويومنها من بين هايب وجاسـر=وقفاتكم مثل الجبـال الـروازن وطريحكم من عينه الطير تاسـر=وفيه الظواري ربعن لين جـازن تاريخكم عملاق ماهـوب كاسـر=وامجادكم في كل الأحوال فـازن |
رد: هات قصيدة في الدواسر من غير شعراء الدواسر
خيار المبادي طلبة الواحد القيّوم=كريمٍ يجازي راع الإحسان بإحسانه أساله بحظٍّ مع كبار الحظوظ يقوم=ولطفه وتوفيقه وعفوه وغفرانه ومن بعد ذا بالعود الازرق وباليشموم=تفوح المشاعر بالتراحيب طربانه واعبّربنظمٍ كنّه اللولو المنظوم=يقدّم ويسفط في مواجيب سفطانه هلا مرحبا ترحيبةٍ تسعد المهموم=عدد من يزور البيت ويطوف باركانه هلا بالدواسر مزبن الخايف المضيوم=كنوز الوفا كسّابة الطيب ميدانه أهل صرح مجدٍ راسيٍ شامخٍ مزموم=أشمٍّ رست في سبّع الارض سيسانه تليدٍ شمخ من زايد ليا اليوم=وهو كلّ بادي شمس يزداد بنيانه رجالٍ ليا شطّت وجا فالعلوم علوم=سعد عين من هم فالملمّات مزبانه تناخو وفكّو كربة الجاني المحكوم=رهينٍ بحكم الشرع قد قطعت اكفانه وصل خمسه وعشرين مليون فيه السوم=ولاحسّبو للمال زوده ونقصانه وجوبه على وضح النقا مكرمٍ محشوم=بعد مااقنعوا بالجاه والمال ديّانه هذا الماقف اللي ينتورّخ فخر ويدوم=للأجيال بالنوماس والمجد عنوانه كبار المواقف مالها الاّ ظفر وعزوم=وفعلٍ يبين بحزّة الضيق برهانه هذا اللي يبين الفرق به بين قوم وقوم=ويبقى بتاريخ العرب طيلة ازمانه مثل ماحصل يوم الروابع غدنّ قسوم=وعيّا الشريف يكبّ زومه وطغيانه بلاهم بجمعٍ كبر جمع العجم والروم=وحنّث على شيخانهم باغلظ أيمانه يبا اللايذ اللي عقب جاهم هناه النوم=دخيل الوجيه اللي بلغ مبلغ امانه بغو فيه وليا مار معميه زود الزوم=مغوّيه شيطانه ومطغيه سلطانه وعيّا على الهيبات كلّ ابلجٍ شغموم=شنار الحميّا بيّنٍ بين حجّانه رسوله بيومٍ هوله يشيّب المفطوم=عبوسٍ يغطّي الشمس عجّه ودخّانه بدهم الفرنج وطعن كلّ اسمرٍ ملحوم=وحدبٍ شباها ينقح الراس بامتانه وراسه تناهشته سباع الخلا والحوم=وجمعه مع فجوج الخلا طشّّ طيشانه والاخرى بعد مالجار جاه اجله المحتوم=من جدار بيته ساقوا ديتْه جيرانه خذوا نعم يوم النعم كايد وله مرسوم=وتتعب مدوّرة النواميس من شانه أقوله وانا من لابةٍ مجدها معلوم=عتيبه هل العادات للمجد ترسانه يوم انّ الحروب شعارها بالفتن مشعوم=ونجد اتّلاطم باحمر الموت جيلانه أخذناه بطشٍ لابحيله ولابسلوم=ولاورث جدّانٍ مثبّت بحدّانه هذا والفخر والطيب بين العرب مقسوم=وكلٍّ بطيبه حافظٍ ورث جدّانه وصلاتي وتسليمي على المصطفى المعصوم=عدد ماهمل من رايح المزن ودّانه |
رد: هات قصيدة في الدواسر من غير شعراء الدواسر
سألت القلب من تهـواه خـلاً=فقال الصحب في وادي الدواسر ابوكـم زايـد زدتـم كـمـالاً=فسابقكم الى الخيـرات قاصـر
يبرق البـارق لمقدمـك والراعد رعـدْ=وأرضنـا ترقص لمقـدمك والشاخص يميلْ الله مـن قلب على نغمتـك قام وقعـدْ=كـن قولك منهـل بـارد مـن سلسبيلْ أو كما ألعاب خود على المبسـم بـردْ=ضـاع فيه المسك والطعم طعم الزنجبيـلْ جعـل عين تنضـلك نونها فيـه الرمـدْ=وجعـل قلب ما يحبـك يقطع بالصقيـلْ يا نشيـد السحر لعلع ويسلم من نشدْ= عزوتـه بـأولاد زايـد مزبنـة الدخيـلْ يطـرب القمـري ويمسي يغنيها الصردْ=والحمــام إذا سمعهـا يرتلهـا هـديـلْ يا حمير اسلـم وجاك الوفـا متن وسنـدْ=مثـل غيـث الحشر نوّه يخيل ويستخيـلْ من رجـال الأزد نعمين والعـالم شهـدْ=مـا نبي مـن خائب الجد والمفلس دليـلْ ربعنـا الأنصار في الحرب واردهـم وردْ=وحنظلـه منـا شهيد وفي الجنة غسيـلْ جيشنـا في بدر بدّع وجـوّد في أحـدْ=قطـع روس الشرك بايماننا يشفي الغليـلْ ما نهاب الموت لو كان في شدق الأسـدْ=باعـة الأرواح في سوق يسلم من يشيـلْ لو رصاص الحرب يهمي كما وبل البـردْ=فوقنـا يـابو علي فالجماجـم ما تميـلْ نشرب الـدم مثـل شرب الموله للفنـدْ=وننشـق البـارود كنّـه رياحين النثيـلْ والدخان إذا حضرنـا الوغـى كنه ثمـدْ =نكتحـل به والقنـا عندنا مكحل وميـلْ طعننـا صـوب الكلى والحشايا والكِبَدْ=وضربنا بالسيف الاجرب على راس القتيلْ نلبـس الاكفـان مـن عزمنا يوم الوعدْ=صـدِّق الأخبار يا شيخ والكاذب ذليـلْ كـم روينا الطيب يا ناس عن خال وجدْ=يطرب الجيـد ويشرق بها النذل الرزيـلْ وش بعـد تبغى نحدّثـك عنّا وش بعـدْ=اقصر الهقوات تكفى ترى المسرى طويـلْ شيخنـا لو حـاك شـور تقل يوزن بلدْ=وطفلنـا من جودة الراي جا شيخ ثقيـلْ والنميمـة والخـنى سوقهـا فينا كسدْ=مـا تسمعنـا لهرجـة حقير قـال قيـلْ مـا تغنينـا بسلمى ولا نـوف ورغـدْ=ولا تغزلنا من الوجـد بالطـرف الكحيلْ المساجـد عزنا عـاش والله من سجـدْ=والمصاحـف ذخرنا روحنا الذكـر الجليلْ والذي مـا يعبد الله يمـوت من الكمـدْ=وش يبي بـالعيش عير على المذود وبيـلْ عـن صـلاة الفجر ويل الذي عنها رقدْ=تايهٍ مخـذول يا مشبهـه بأصحاب فيـلْ مـن يريـد المجد يتعب ومن يزرع حصدْ=والنجـاة بطاعـة الله ويـا نعم السبيـلْ والله اللي صاحـب الجود ما للجود حدْ=مدتـه تغني إذا قطَّـب الـلاش البخيـلْ يقبـل التائب ومن ردّ ما كنّـه شـردْ=أمـره النافـذ ولو قلـت هذا مستحيـلْ لـه نزول بآخـر الليل والعـالم هجـدْ= مـن دعـا يبشر ويكـرم وهذا كل ليـلْ ما نظمـت الشعر لأجل العطايا والرفـدْ = ومـا طلبت من الخلايـق ولو وزنة فتيـلْ الله مـن علـم وشعر بصدري له زبـدْ=هايـج مـايج ينيّف على دجلـة ونيــلْ اتمهمـل واطلـب الشعـر بالله هدَّهـدْ=غير يغلبنـي بغـزره وانا جسمـي نحيـلْ كـم تفجّر مثل سيـل العرمرم واحتشدْ=حطّـم الجـدران من سطوته شال النخيـلْ مقصـده وادي الدواسر يكّرم من قصدْ=جودهـم في الناس لو سال ينسي كل سيـلْ يا مخايـل وبل ليـل على القبـلة ركدْ=زعزعتـه الريـح واقبل وله زمر وصهيـلْ لـه مناشٍ في محايـل وزمجـر في ضمـدْ=راعـده زلـزل بفيفـا ودوى في بجيــلْ احتكـم في ديـرةِ الجود واهمل واجتهدْ=كـن شبيـه للدواسر ترى الغالي قليــلْ قالهـا عبـد لمـولاه ما يعـزى بأحـدْ=غير رب النـاس حسبي وهو نعم الوكيـلْ والصـلاة على محمـد تسير بلا عـددْ=وآل بيتـه والصحابـة خلاصة كل جيـلْ |
رد: هات قصيدة في الدواسر من غير شعراء الدواسر
من يريد المجد يرثله فعـــــــايل = مثل ما قال القريفه فـي لحـــونـه بالحلايل وعند قوت الــــــدبايل= كــل مـا جالـه مجـال يمدحــــونـه ندري أن المال والعمـــــر زايـل= والفعايـل بالتوالـي يذكـــــــرونـه غير هذا واجـد فعل الحمــــــايل = يدركـــــون الطيـب نـاس يفعلونـه للدواســــر قصة ماله فعــــــايل = الخـوي وموتــــــره جـاو ينقلونـه ذا وهم في خوف من شر القنابل= وطايرات في سماهــــم يطــردونه ذي عوايد عند زينيين الحمـــايل = كـــل حزة ضيق ( زايد ) يندبــونه
يا حمود هات الفرت وكمـل زهابـه =كمـل زهابـه يازبون المشافيـق أسـرح عليـه ولا تحـن الوطابـه =أجنب عسى دربك ودربـه توافيـق صلهم ترى الممشى يبي من هقابـه =خص إلي زانـت دروب الطواريـق أنص السد يري زابن منهـو لجابـه =سعد الركاب وسعد أهلها من الضيق سلم عليه اعداد منشـى السحابـه =وما ورقت لشجار من الويل توريـق قله ترى فعله فخر مـن حكـا بـه =فعل على عـزم الردييـن ماطيـق ثم ثنها يـا حمـود فهـل الحزابـه =( دواسرآ) قامـت بفعـل المطاليـق سلم عليهم كـل مـن هـم بنابـه =سلام أحلى من غبـوق المفاهيـق ياويش اقول بمدح سرب (إذيابـه ) =يوم استناخ الفرت ثم نشف الريـق تعصبـوا والكـل يضحـك بنـابـه =وقالوا لي أبشر بالفرج ساعة الضيق الفـرت حطـوه الذيابـه أنهـابـه =كـل يعلـق نبلتـه فـوق تعليـق شالـوه ربـع للخطـر مـا تهابـه =حتى الكرد شالوه ما واحـدا عيـق كل يقـول الفـرت عنـدي وانابـه =خوينـا مـا يلحقـه يـوم تعويـق يا لبيض يا للي تنقشـن الخضابـه =بالله عليكن للنشا ما عشـا شيـق يا كيـف ممدحهـم وازيـد الثنابـه =من حد حايـل ليـن حـد العواليـق مدح على فعل ينـو مـس جوابـه =ماهوب حكي مـا يعـزز بتصديـق يستاهلـونـه بالثـنـا والوفـابـه =مدح إلي جا الصدق ماهوب تلفيـق |
رد: هات قصيدة في الدواسر من غير شعراء الدواسر
شهر كانون موعد الاحتفال=جمعني مع مداغيش الرجال هل الطّولات والراي السديد=هل الوقّفات ذربين الفَعَال سلام الله سلامٍ مايبور=يراضيكم غلا وِدْ و وِصَالْ وأنا شاعر ليا حَلْ القصيد=ثقيل الروز وبيوتي ثقال أقَلَّطْهَا على الخَرْمَانْ كَيّْفْ=وتَقْعِدْ راس كَيَّيْفْ الدّْلَالْ وأنا مِعكم وأنا جدي إعجيم=أكَابِرْ فَخْرْ حيثِ أنِكم (خوال) أفاخر (بالدواسر) وأسْتَطيْشْ=وأقول الحق وأشرع فالمقال ظنا دَوْسَرْ هل الجمع الرزين= كذا التاريخ ما فيها جدال (ابن بدران) يثرينا صداه=ولو هو زال ذِكْرَه لا يزال وقف( سالم) يوصى به ظناه=(وداعينٍ )ذخرهم للقتال و(مخاريمٍ ورجبانٍ) عُصاه=خوانٍ ما تفرقها الجبال وعيال (صهَيب) لَحَلْ اللزوم=حمول الخيل وكفوف السّْلال ظنا (مَسْعر) ومَنْ سمي( بريك)=ونَسْلْ (غياث) في يوم الهوال وآلاد ا(لحريجي) لأعتزيت=وصولات (الشرافاء) فالنزال وطغا (الفرجان) يخشاه الحريب=كذا جَمْع (الهواملهَ)لا منه صال وظنا( صخبور والخضران) قوم=وهومات( الهواشله) صعبة منال و(دَبَالينٍ) تَرَدْ المَعْتدين=وغارات (الشّْيَنَهْ) سِمْ حَال أقوله و(آل عمار) الدُهَات=أيوالله (والشّْكَرَهْ) صَوّْكْ جال يجوز أني نسيت أو ما نسيت=أنا ألتمس العذر في كل حال فعذراً يا حما ذاك الدَرَيْك=يوم أن الاشراف ردوها شمال بيومٍ تعتذر عَنْهْ الجموع=وزبنتوا ولد عمي وطال كذا وأنتم حما ذيك الغروس=وفي هيباتكم يرعا الحلال فرقتوا يا دواسر بأثنتين=ولا معكم شَبَيهْ ولا مثال (الأولى وسمكم عصا القصير)=وَمَنْ وأَمنْ بعدِ ما كان ذال و(الأخرى جاركم من بعد صْيْب=على ذاك الجدار أيْسَاق مال) ومن شيخانكم( أبن أقويد)=(وأبن حفيظ )يومه طال قال ومن فريسكم ناس ودُهَات=إلا ياكثرهم من آل وآل (خجيم وراعي الهَدْلَا وزيد)=(وسحمي والمبيعيج) المثال و(أبن وقيان وماجد والقضيع)=و(سند) من صهوة الصفرا ما مال و(أبن نادر) وسبر القوم (ذيب)=(وأطليفيح) شَرَّابْ الزهال ومنكم (أبن هذّال) الكريم=فَرَقْ وأنتم كريمين السبال ومَقْطَعْ حقكم فالعرف عرف=(أبن إوثيله) وللقصيا جمال ومن شعاركم (ظافر) وغير=و(أبن عمهوج) لصر المحال وأبارك جمعكم هذا وأقول=سلام الله عليكم يا رجال -------------------------------------------------------------------------------- |
رد: هات قصيدة في الدواسر من غير شعراء الدواسر
واهني من نسل بدران ربع له = مايظام الجار والجار بدراني لا بة تمشي علي الحق والمله = جارهم من بينهم تقل سلطاني لابة في الكون ماتطري الذالة = كل واحد في اللقا يسبق الثاني لاتناخوا واعتزوا واجملوا سلة = من وقف في دربهم راح همياني ال زايــــد ذخرهم في اللقا كله = ولاتفرق بين عامر و ودعاني بيرق واحد يسرون في ظله= من ربي نجد الي ظلع نجراني انشد التاريخ عن دقه وجله = للدواسر فعل في كل ميداني شيخنا صقر الجزيره عضود له= مخلصين له علي طول الازماني مايعرفون الخيانات والذله=يرخصون الروح من دون الاوطاني كل ماقلته فالاخيار كفو له= ومن سمعني قال ماهوب غلطاني جودهم للظيف جود علي حله= يرخصون الزاد والبن والظاني والختم صلوا علي صاحب الملة= سيد كل الناس عرب وعجماني |
رد: هات قصيدة في الدواسر من غير شعراء الدواسر
بسم الله الرحمن عـلام مـا خفـى=موجـد خلايقهـا وبيـده دمارهـا الواحـد المعبـود الفـرد الصمـد=سبحان عازل ليلهـا مـن نهارهـا مشت سفينة نوح بامـره وقدرتـه=بين الجبل والموج قـدى مسارهـا هذي ومن بعده هلا بـك ومرحبـا=ما شرقت شمس الضحى وانحدارها وما لاح براق وما سـار بالوطـى=وعداد ما شاف المشاعـر وزارهـا وفي دار ابو فيصل وجود ك يسرنا=دارا تكـرم بالـوفـا خطـارهـا وبمشاهدك ياشيخ نعتـز ونفتخـر=يابن السدارا اللـي رفيـع وقارهـا زودن على مـا خلفـوه اجدودكـم=كسابـة العليـا مواكـر احرارهـا انتم خوال ملوك جزيـرة ا لعـرب=اللي نصر الاسلام من انتصارهـا ودوركم عظيما(( يالسـدارى)) وفعلكـم=بهيبة جوانبهـا ورفعـة اسوارهـا بمواقـف دون الوطـن تقفونـهـا=مرا يميـن الـدار ومـرا يسارهـا قومـا تعـز نجـد ونجـد تعزهـا=ومن دون نجد مرخصين اعمارهـا انتم حماة الدين واعـلام نصرهـا=في ظـل حكامـا تفـرج لجارهـا ومن لابة في حزة الضيـق واللقـا=لا ثار من تحت الحوافـر غبارهـا يردون غبـات الياهيـب وردهـا=لا فاض من حوض المنايا حمارها فرسان سيـرات ومقاديـم سربـه=>>زايدية<< سـو البـلا فـي مغارهـا رقو سنام المجد فـي قمـة العـلا=ومـن السمينـه ماخذيـن فقارهـا ومن قبلنا الشعـار غنـوا بمدحكـم=قال الشويعر في جزيـل اشعارهـا يمـدح (سليمـان) المسمـى جدكـم=افعـال طيبـه شايعـات اذكارهـا اللـي حمـى ،،،،مــن مقيمـهـا=وفك الذلول وجاب غالـي قشارهـا ذلول وحيـد وفـي ديـار غربـه=ومن عقب شوف العين محيت اثارها ولجا على (سليمان) من طيب ذكـره=ومن طيب حظه قام له في مثارهـا وهـذي مآثـر لابــة (( زايـديـه))=قوماً تأدي جارهـا مـن اجدارهـا اسيوف حكـام الشريعـه ودينهـا=ومبدأ الرسالـه رافعيـن اشعارهـا (تركي) حكم بالشرق و(محمـد) الحسـا=و(احمد) وصل حكمه نوازح ديارهـا اهل الكرم والجود كواكـب النـدى=وزبن المخيف اللي نزل في جوارها من عهد(( ابن بـدران)) لليـوم فعلكـم=صفحات مجد ساطعـات انوارهـا تم الكلام وما نقـص فـي جوابـي=تقبـلـوا تحيـتـي واعتـذارهـا انكرر الترحيـب ونقـول مرحبـا=واللي حضر له قدرها واعتبارهـا وختامها مني صـلاة علـى النبـي=شفيع الامه يوم تشخص ابصارهـا رسولنا المعصوم عن كـل الخطـا=اللي حفظه الله وهو وسـط غارهـا |
رد: هات قصيدة في الدواسر من غير شعراء الدواسر
يا هل الركاب اللي تقافت شمالي = بيض المحاقب يقطعن اشهب اللال ردوا سلامي لا لفيتوا خوالي = أولاد رجب يا عزيزين الافعال بنيت مجالسهم بروس العلالي = وفنجالهم يقعد خوي الراس لا مال ثنوه لابن عويس راعي الدلالي = عيد الطروش مقدم الكيف في الحال وعبدالله اللي يوم لحق المتالي = ما عاد جرت حربته كون با حبال و ابو ظريس الذرب ريف الهزالي = مقدم مداغيش لهم وقع و افعال أن جيت حول اديارهم طاب حالي = و أن انتزحنا يسر الرب الاحوال |
رد: هات قصيدة في الدواسر من غير شعراء الدواسر
يأهل النضا اللي عليكم شانت المله=ائتونـي ادلكـم دار المعازيـبـي جعل السليل رزين المـزن تندلـه=يجيه سيل يضيق بـة المحانيبـي جينا الوداعين وحطوا كل شى فله=الحيل تعبا لنا فـوق المعاصيبـي والقت عند الركايب ماحـد شلـه=انا اشهد ان ال زايد ترث الطيبـي ليت الذهب ينخزن فى دارهم كلـه=حيثة يعيـن الاجـات المواجيبـي والمدح كلـه لفرحـان وشروالـه=ترثت كليب حيثة منقـع الطيبـي |
رد: هات قصيدة في الدواسر من غير شعراء الدواسر
الله من قلـبٍ تخالـف إشطونـه = وبقعـا تصفـق بـه يميـن ويـسـار يوم الزعيم لبـس علينـا زبونـه = وأحمل علينـا كـن لـه عندنـا ثـار يـوم القبايـل والـدول يتبعونـه = نـوى يجلينـا وراء حـد الأمـصـار لعيون من بالميل يجلـي عيونـه = إنفرق الطابور لـو صـار مـا صـار ذكرت أنا اللي جارهـم يهملونـه =لاد زايـد سلمهـم همـلـة الـجـار نصيت اللي ما رضوا لي بالمهونه = نصيـت أهـل السـيـح لاد عـمـار لجاهـم المطـرود يستقبلـونـه = ومن الخوف يامن عند وافين الأشبـار والضيف لامن زارهم يكرمونـه=صيانـي تنقـل وعزايمـهـم اكـبـار كم كبش مـن الضـان يدفعونـه = والا مـن الحشـوان قعـدان وبـكـار السيـح ديرتـهـم ويستاهلـونـه = لا من استوى بالحمل زينـات الأثمـار وريـة عليـه البحـر يفجرونـه =بين القبايـل مـا بنـي دونـه جـدار كم واحـدٍ مـن دونـه يعدلونـه = حماية الأمـدار فـي الموقـف الحـار حريبهـم منهـم تشـده اجنونـه = لاسمع عزوتهـم مـن المعركـة نـار والجوخ في يوم اللقـا يلبسونـه =وسلة سيوف الهند مـن صنـع بيطـار والجار ما يرضون عليه بمهونـه = مـن بينهـم ينـزل ولاكنـه بـجـار كـم خايـعٍ مطـرف ينزلـونـه = ويرعـون قطـعـان الأزاف نــوار وكـم عقيـدٍ عندهـا يصفقونـه = مستجنبين الخيـل مـن قـب ومهـار وجميلهم ما انسـاه لاجـو يبونـه = ولانيـب بـرد المـجـازات بــوار |
رد: هات قصيدة في الدواسر من غير شعراء الدواسر
اشهد ان بعض العرب ماينعنيله = ياحسافه انه من قوم وحمايل يالدواسر والله انكم اطيب قبيله = فالعرب واطيب قبيله فالقبايل يوم قدح الزند في راس الفتيله =يشهد التاريخ لكم اروع فعايل لابتن شجعان ترقون الطويله = بالكرم والطيب وبكل المسايل للخوي والجار والعاني دخيله =يومها بالسيف والخيل الأصايل كاسبين الطيب هو وي الجميله = ستر دعجات العيون ام الجدايل دوسري والنعم ماشي(ن) يحيله = وان تنخوابه خوي بفعل فعايل مرويت حد السيوف اللي صقيله= يوم بعض الخلق مدري كيف قايل يوم بعض الناس مافيها عقيله =وان بغت لطيب ضوت للفشايل لن كف اهل البخل دايم بخيله =مابعد ضريت على كسب الجمايل والليالي بين عدل وبين مايله = ذوقتنا المر وصنوف الهوايل ذوقتنا الحنضله والزنجبيله = لننا مانتقن افنون التحايل وش نسوي دام مافاليد حيله = واليالي بين حط وبين شايل والسلام اختام والقصه طويله = والبروق اتلوح في غر المخايل -------------------------------------------------------------------------------- |
رد: هات قصيدة في الدواسر من غير شعراء الدواسر
لقيت بالوادي رجال المواجيب = عيال زايد كاسبين الطويلة يالله عسى من لامني فيهم يخيب = مايهتني بالنوم في كل ليله مجالس دايم حفاوة وترحيب = قولة (هلا) ماهي عليهم ثقيلة قدوعهم يشديك حلو المراطيب = ودلالهم بالهيل غص بسبيله مذبحين الحيل شبابة الطيب = أهل المراجل والعلوم الجزيلة لاجا الفجر لقيتهم بالمحاريب = يدعون رب مايخيب عميله دين وخلق وسمت مابه عذاريب = وسوالف تحيي القلوب المحيلة عسى الوسم لديارهم له مراكيب = مزن من القبلة تتابع مخيله مدحي لهم مابه مذمة وتثريب = الحق حق وبالأمانه نشيله وختامها صلوا على منقع الطيب = على النبي واللي سلك مع سبيله |
رد: هات قصيدة في الدواسر من غير شعراء الدواسر
سلام يا أبو حزام يا منبع الطيب=تحيةٍ من شاعر جاك عاني يا اللي دلالك فوق ضوك محاديب=وقنادها من الهيل والزعفراني وجيتك مسير يا زبون المواجيب=ويمك هوى قلبي وشوقي حداني يا بن الكرام اللي تهد الأصاعيب=وبيوتهم تبنى بعالي البياني والطيب ما فيه شك ولا ريب=يا مكرم الضيفان هم والعواني ربعك دواسر هم هل العز والطيب=وانته يا أبو حزامٍ زبون الحصاني ابازهمك يا شوق بيض الرعابيب=ستر العذارى مرودعات الوشامي وانتم بعيد من الردى والعذاريب=وأهل الكرم أهل العلوم السماني دواسر عند الملاقى معاطيب=أولاد زايد طيبين المجاني وجالك بدرب الخير فعل وتجاريب=وفيكم يلوذ اللي شكا من الزماني يا عيد حفيّات النضا شمخ النيب=عما يكن القلب ينطق لساني الراس شيب والعوارض غدت شيب=واللي جرالي من زماني كفاني قلته وأنا من لابةٍ لا عوى الذيب=يا مية ٍ في الضيق تروي السناني تم الجواب بذكر من يعلم الغيب=ويا لله على زين الجواب تهداني واصلي واسلم عد جرد المهاديب=على النبي الهاشمي أبن عدناني |
الساعة الآن 07:49 PM
 |
Powered by vBulletin® Copyright ©2000 - 2024, Jelsoft Enterprises Ltd.
---