|
فزعة الهلقمي للقحطاني ورده لذلوله من ابن رشيد
كان فيه شخص من قبيلة قحطان وبالتحديد من ( آل عاطف) يقال له الدويّخ ، وهو في زمن بن رشيد ، وكان من عادة ابن رشيد انه ياخذ الذي لا يقوم بدفع الزكاه وياخذ الفرس او الذلول الطيبه المشهوره عنده . وكان عند الدويخ ذلول طيبه وكان يعيش حول الوادي ، واخذ جامع الزكاه ذلول الدويّخ لعلمه انها طيبه وارسلها لفورها لابن رشيد في حائل هديتاً له. والدويخ هذا سبق وان تخاوى مع أحد المخاريم قديماً ، وكان بينه وبين الشيخ( سمره الهلقمي ) معرفه .فأخذ يغني الدويخ وينسد قصيدة على سمره الهلقمي الملقب بـ( بجّاد) وقد عمدهم القصيدة لأن القحطاني يعرف ان المخاريم سوف يأتون بذلوله ويردونها له . فقال الدويّخ القحطاني :
ياليتني ما رحت للغرس مداد= ولا انثنت ذلولي في بلدها ويقصد القحطاني بكلمة ( دامها ذم بجاد ): ذم الرجل يعني في وجهه هو المسؤول عنها .يابكرتي ياللي تنقل الربع الاضماد = مر ٍ مع ربع ٍ ومر ٍ وحدها مير يا احمدالله يومها في ذم ( بجّاد)=شوق الطموح اللي تنثر جعدها نعمن (بلاد المنيعي) بالاكاد= ربعن تسرع بالبلا في هددها حلفتنا ما اقتفيهم بسواد= ما دامت الدنيا وهم في طردها فأمر الهلقمي بعض جماعته ان يردوا ذلول القحطاني مع ان المخاريم مالهم دخل في الذلول والخوه قديمه التي كانت بين صاحب القحطاني المخريمي وانتهت بمجرد دخول الرجل قبيلته . فركبوا ستة من المخاريم وذهبوا لحائل معقل ابن رشيد ، وجاؤا عند مكان حوش خاص بالمنقه الاصايل وعليها حراس ، فقاموا المخاريم الستة بقتل الحرس ، وأخذوا ذلول القحطاني ليلاً وعادوا بها الى ديارهم حتى وصلوا للأمير الهلقمي فقام الهلقمي بايصالها للقحطاني . وانشد احد المخاريم ردا على قصيدته ويبشره برجعة ذلوله:
ياراكبـاً مـن عندنـا فـوق مجـلاد= مامسها المرقـاع فـي خـف يدهـا هذا ما اعرفه منها واللي يعرف تكلمه له فلايبخل علينا.تنصى ((الدويّخ ))من ورى ظلع مغماد= ثـم بشـره بالفاطـر الـي فقـدهـا جتك الذلول وفوقهـا خـرج وشـداد= وتفقـد الـي باقيـاً مــن وهـدهـا حطيتهـا ذمٍ لنـا يـبـن الأجــواد =وانـا برييـنٍ مـن الـي جحـدهـا وقد قال الشاعر مسعود المقابله في قصيدة الملحمه مشيرا الى هذه القصة:
والهلقمي (بجّاد) ما انسى فعله= عند ( الدويّخ) موقفه محمود
كتبه : اصمعي الدواسر |
تسلم أخوي أصمعي غلى السالفة الطيبة
أختيار مميز من شخص متميز |
لا هنت اخوي اصمعي الدواسر على السالفه التي تبيض الوجهة و ننتظر جديدك يالغالي ....
. |
|
لاهنت اخوي اصمعي الدواسر على هذه القصة المشرفه
ونعم بالهلقمي وبلاد المنيعي ولاهوب غريب عليهم كل علم ٍ ينومس تقبل تحياتي،، |
أصمعي الدواسر .
الله لايهينك على ذا السالفة اللي تنومس ونفتخر بها جميع ونعم بالهلقمي وبلاد المنيعي . |
أصمعي الدواسر .
الله لايهينك على ذا السالفة اللي تنومس ونفتخر بها جميع |
كفو لاد المنيعي افعالهم تنومس ربعهم ولاهنت يا اصمعي الدواسر على ذكر ذا السالفه ونبي منك الله لايهينك ذكر جميع اللي تعرفه من السوالف المثبوته للدواسر عامه وللمخاريم خاصه ولاهنت يالذيب على مجهودك الواضح اخوك الحر |
مشكووووووووووووووووووووووووووور وماقصرت يابن العم
وتقبل تحياتي وتشكراتي وفي امان الله |
مرحباااا بكم جميييييع ولاهنتوااا على الررردود المشررررفة
|
رد: فزعة الهلقمي للقحطاني ورده لذلوله من ابن رشيد
للرفع للاستفاده
|
رد: فزعة الهلقمي للقحطاني ورده لذلوله من ابن رشيد
الله لا يهينك يا أصمعي الدواسر على جهودك ولا يهين أهل المنتدى كلهم . لكن فيه نقص عدد أبيات القصيدتين . أما بالنسبة لقصيدة الدويخ فيقول فيها:
يا ليتني ما رحت للغرس مدّاد=و لاتثنّت فاطري في بلدها خاويتنا ...... سوٍ فلا عاد=سرّاقت الخاطر قليلٍ جهدها يا فاطري يا اللي تشيلين الأضماد= مرٍ معا ركبٍ ومرٍ وحدها أنا أحمد الله يوم هي ذم بجّاد= شوق الطموح اللي تنثّر جعدها إنّه من آلاد المنيعي بلا كاد= ربعن تسرّع بالبلى في هددها حلفتنا انّي ما اقتفيه بسوّاد=ما دامت الدنيا وهم في طردها أما بالنسبة لقصيدة الرد فهي للشاعر المرحوم مترك بن عبدالله بن فلحان المخاريم. جد الشاعر بخيتان بن ضافي بن مترك المخاريم. ويقول فيها:
يا راكب اللي كنّها الهيق لا حاد=ماوقّع المرقاع في خف يدها تلفي الدويّخ من ورى ظلع مغماد=ثم بشّره بالفاطر اللي فقدها لا هو خوي ولا قصيرٍ على الزاد=مير ان بلانا أبياته اللي قصدها حطيتها ذمٍ لنا يا ابن الأجواد=وانّا بريينٍ من اللي عمدها وعقب القصيده راحوا قروم الأولاد=وجينابها غصبٍ من اللي جحدها جتك الذلول وفوقها الخرج وشداد=وتفقد اللي باقيٍ من وهدها هذي عوايدنا على عصر الأجداد=لاطالت الحجّه نجي في نصدها وتقبّلوا خالص تحيّاتي أخوكم متحري الصدق |
رد: فزعة الهلقمي للقحطاني ورده لذلوله من ابن رشيد
الاخ العزيز اصمعي الدواسر
دائما تتحفنا باالعلوم الطيبه والقصص المشرفه لاهنت وبيض الله وجهك وجعلك تدوم ويفدونك الرخوم ونعم وسبعين نعم بألاد المنيعي لك جزيل الشكر اخووووك ابو زابن |
رد: فزعة الهلقمي للقحطاني ورده لذلوله من ابن رشيد
بيض الله وجهك على ذكرك هالقصه والقيده الطيبه
وماهي بعيده من المخاريم رجالهم عن عشرة رجاجيل تقبل فائق احترامي اخوك ولد ودعان |
رد: فزعة الهلقمي للقحطاني ورده لذلوله من ابن رشيد
ونعمممممممممممممممممممممممممم بكل من من الله عليه بلقب الكل يتمناه ويحلم به الا وهو الدوسري اي نعم والله اننا محسودين على قولة فلان دوسري احفاذ ملوك والوحيدين الي مادفعنا الجزية
والوحيدين الي عمر ماجلانا احد من اراضينا وتقولون منا بمحسودين؟ وكفوووووووووووووووووووووووووو والله بالمخاريم وبيض الله وجه الاصمعي |
الساعة الآن 10:04 PM
 |
Powered by vBulletin® Copyright ©2000 - 2024, Jelsoft Enterprises Ltd.
---