|
قصيدة في زواج نايف بن مسرع !!!!!
أعزائي منسوبي منتديات قبيلة الدواسر الرسمي السلام عليكم ورحمة الله وبركاته وبعد أهدي لكم هذه القصيدة التي تشرفت بإلقائها ليلة البارحة بمناسبة زواج الأخ والشاعر العزيز الغالي : نايف بن عبدالمحسن آل مسرع المساعرة في منطقة الخرج والحقيقة لقد كانت ليلةٍ من ليال العز والبهجة والسرور وذلك عندما إلتقينا بالأخوة الأعزاء أعضاء وإدارة المنتدى وبني عمنا الغالين كما لايفوتني أن أتقدم بالشكر الجزيل لنايف وأخوانه على ماوجدناه من حسن الضيافة والكرم والتقدير وإن لم يكن عليهم غريباً لاأطيل عليكم القصيدة بين أيديكم .
سلام الله عليكم عد ماذعـذع هبـوب النـود=سلام الدين والأسـلام قبـل الشعـر نبدابـه سلامٍ كالعسل في مطعمه وأصفى من القرهود=سـلامٍ صافـيٍ مـن خاطـرٍ قـام وتغنابـه يعم أهل الوفاء وأهل المراجل كاسبين الفـود=عزيزين النفوس اللي لهم قدر ولهـم جابـه يقوله شاعرٍ مايجهل المنطـوق والمقصـود=على سلم العوارف والمعرفـه رتََـب إكتابـه على دعوة حليف الجود نايف بأبذل المجهود=عسانا عند إبن مسرع نُجود ونكسب إعجابـه من الدمام حثيت الركايب والزمن محدود=شفوقٍ خاطري في طرقتي لمواجه أحبابـه بغيت مشاركتكم في الفرح ياكاسبيـن الجـود=عسى ربـي يُوفـق مـن تـزوج ويتهنابـه وعساكم ياأهل الفعل المشَرََف والفخر في زود=وعسى درب السعادة صوبكم ماينقفـل بابـه وعساك العز ياحفلٍ على سآس الشرف مـشدود=يُحاضونه رجـالٍ للوفـاء والجود كسَابـه رجالٍ تكسب المجد العـلا وأفعالهـا سنـود=مداغيشٍ تحوش الطايلـة والطيـب تشقابـه رجالٍ في المواقف سِلْمها ماتقـرب المنقـود=شغاميـمٍ الرجال اللي لغالـي الـروح جـلاَبـه فعايلهم تنومـس ربعهـم وتُزعـل الحسـود=من الوقت القديم اللي مضى والطيب تحضابـه بني عمي سند رآسي ليا من صك عود بعود=وإليا منََه كشـر وجـه الزمـان ودار دولابـه سلايل لابةٍ تنشـاف لامـن قـوَس البـارود=مواقفهم نهار الحرب بين النـاس يدرابـه مساعرةٍ تُضد الضـد لامـن قادهـا المقـرود=عزاويهم تروََع خصمهـم ويضَيـع إحسابـه هل الوقفات والفزعات لامـن دبَـر الشـرود=هل الصولات والجولات يـوم النـار شبَابـه مُتيهة العشاير للطرف يوم البـرى مـردود=دبشهم كل ماطاح الحياء في القفـر يرعَابـه عيال صهيب إبن زايد أُسودٍ في اللقاء وفهود=عطيبين الضرايب قاضبين المـدح بنصابـه وحنا اليوم ننعم في بلدنـا والرخـاء ماجـود=تحت حُكم الزعيم اللي حكمنـا وإرتضينابـه زعيم العدل والأحسان والكف الصخى الممدود=زعيم الدار وأهل الدار والأسـلام وأعرابـه أبو متعب زعيم الطايلات اللي عليها شهـود=توشَح بالعلوم اللي تنومس وأتعـب إركَابـه عذاب المعتدين ومزبن المحتـاج والمظهـود=حكيم الرآي والمنطوق نجـمٍ فـوق حرََابـه عسى أيامه طويله بالمعزه والفـرح وسعـود=وعساه بخيـر والصحـة ترفَـل دوم بثيَابـه ولاننسى ولي العهد لاجـارت علينـا السـود=لنـا سـدٍ منيـعٍ مـن الأعـادي ونتذرابـه أبو خالد صديق المجد كسََاب الثناء المعهـود=مواقيفـه تشرفنـا ودرب الخيـر يسعـابـه وعسى ربي يحفظ الديرة اللي بالوفاء تُجـود=ديارٍ تحت حكم الشـرع والتوحيـد وكتابـه وشعبٍ لأجل حب الدار والأسلام صار جنـود=تحت رهن الأشـارة لادعتنـا الـدار ثلاَبـه وأبختم مابديته يالنشامـى كاسبيـن الجـود=عسى ربـي يُوفـق مـن تـزوج ويتهنابـه وسلامتكم جميعاً محب الجميع : دغش البطي |
رد: قصيدة في زواج نايف بن مسرع !!!!!
صح الله لسااااانك يادغش وانت كفو وابو عبدالمحسن كفوو ويستاهل وجعله يرفل بثوب السعاده
واللي يعذرني من نايف اني مداوم ولاقدرت والله اجي والله يوفقه ويسعده وصح لسانك مليوون يامحب الجميع |
رد: قصيدة في زواج نايف بن مسرع !!!!!
الاخ العزيز الغالي والشاعر المبدع ذو الخلق العالي ابو محمد " دغش البطي " يكفنا شرف السفر معك يابومحمد فانت الرجل الذي يحرص الجميع لكي يتعرف عليك من قرب فمعرفتك كنز لا يفنا جعلك تحيى بدون قصور فخواني الباقين لقد سمعت هذي القصيده لليلة البارحه في زواج الاخ نايف بن مسرع وقد طرب لها الفوأد وانشرح لها البال.. واليوم اقرها من جديد فسبحان ربي ما اعذب ما سطرته يمينك جعل ميجيها العطب.. وايوعبدالمحسن جعله يحيى ويسلم يستاهل من يعناله ويحضر عرسهم فهو راعي الاوله وصاحب المواقف القويه . وتقبل تحياتي وتقديري واحترامي واعتزازي يابومحمد اخــوك / فــهـــد بن هادي الــغـــريــري,,, |
رد: قصيدة في زواج نايف بن مسرع !!!!!
اقتباس:
وصح الله لسانك على هذه القصيده الجزله مهما قلت ومهما وصفت فلن أوفيك بالكلام ولابالكتابة حقك فأنت منهل شعري يروي الكبود من الشعر النادر والجزل كذلك لا أنسى بأن نبارك للأخ نايف بن مسرع ونتمنى له التوفيق تقبل تحياتي يامحب الجميع ومحبوبهم ولاتبطي بجديدك ؛؛؛ |
صح الله لسانك ملاااااااااااااااااااااااااااااااااييييييييييييييي ييين
سلايل لابةٍ تنشـاف لامـن قـوَس البـارود=موقفهم نهار الحـرب بيـن النـاس يدرابـه مساعرةٍ تُضد الضد لامـن قادهـا المقـرود=عزاويهم تروََع خصمهـم ويضَيـع إحسابـه هل الوقفات والفزعات لامـن دبَـر الشـرود=هل الصولات والجولات يـوم النـار شبَابـه كفوووووووووووووووووووو الغالي / ابو محمد ,, صح الله لسانك ملااااااااااين و والله انها قليلة في حقك وليس قريب عليك الابداع ومشاركات ابناء العم في افراحهم فقد امتعتنا بهذه القصيدة ومازاد جمال القصيدة الا انها قيلت في من يستحقها .. فلك من جزيل الشكر والتقدير تقبل فائق التحية والتقدير |
رد: قصيدة في زواج نايف بن مسرع !!!!!
محب الجميع الغالي : أبومحمد صح الله لسانك على هذه القصيده الجزله مهما قلت ومهما وصفت فلن أوفيك بالكلام ولابالكتابة حقك فأنت منهل شعري يروي الكبود من الشعر النادر والجزل كذلك لا أنسى بأن نبارك للأخ نايف بن مسرع ونتمنى له التوفيق تقبل تحياتي يامحب الجميع ومحبوبهم ولاتبطي بجديدك ؛؛؛ |
رد: قصيدة في زواج نايف بن مسرع !!!!!
الاخ العزيز والموقر
دغش البطي(ابو محمد-محب الجميع) صح الله السانك واعتلا شانك على الجزلة الوافية المهداه لابو مسرع وهي من كريم الى مستحق ويستاهل ابو مسرع والله يوفقه ويبني بيته ويرزقه الذرية الصالحة وجعل يمناك مايجيها العطب ياكحيلان ولك جزيل الشكر وخالص الاحترام والتقدير |
رد: قصيدة في زواج نايف بن مسرع !!!!!
أبو محمد صح الله لسانك ولاهان الله منطوقك وكفو والله بالمادح والممدوح فمن كريم لمستحق ونقول لأخينا نايف بن عبد المحسن بارك الله لكما وبارك عليكما وجمع بينكما في خير |
رد: قصيدة في زواج نايف بن مسرع !!!!!
الغالي : أبومحمد صح الله لسانك على هذه القصيده الجزله مهما قلت ومهما وصفت فلن أوفيك بالكلام ولابالكتابة حقك فأنت منهل شعري يروي الكبود من الشعر النادر والجزل كذلك لا أنسى بأن نبارك للأخ نايف بن مسرع ونتمنى له التوفيق تقبل تحياتي يامحب الجميع ومحبوبهم ابو زابــن |
رد: قصيدة في زواج نايف بن مسرع !!!!!
عيال صهيب إبن زايد أُسودٍ في اللقاء وفهود
عطيبين الضرايب قاضبيـن المـدح بنصابـه صح لسانك وعتلا شانك يابومحمد قصيده جزله...... وأبــارك لأخوي/نـايـف المسعري.....وأتمنى له التوفيق... وتقبل تحياتي ولاهنت يامحب الجميع..... أخـوك/ أبــوزايــد الــعــجــالــيــن الــدوســـري...... |
رد: قصيدة في زواج نايف بن مسرع !!!!!
بني عمي سند رآسي ليا من صك عود بعـود
وإليا منََه كشر وجـه الزمـان ودار دولابـه جزل و ما تقول إلا الجزللللل تقبل كل الحب،،، |
رد: قصيدة في زواج نايف بن مسرع !!!!!
محب الجميع الغالي : أبومحمد صح لسانك على هذه القصيده الجزله، ولا هنت يالغالي مهما قلت ومهما كتبت فلن أوفيك بالكلام ولابالكتابة حقك فأنت منهل شعري يروي الكبود من الشعر النادر والجزل و نبارك للأخ/نايف بن مسرع ونتمنى له التوفيق، تمنيت أن كنت معكم ولكن ظروف العمل تحكمني دائماً. تقبل تحياتي يامحب الجميع ومحبوبهم ولاتبطي بجديدك ؛؛؛ أخوك/ صالح الجعيدي |
رد: قصيدة في زواج نايف بن مسرع !!!!!
|
رد: قصيدة في زواج نايف بن مسرع !!!!!
على دعوة حليف الجود نايف بأبذل المجهـود=عسانا عند إبن مسرع نُجود ونكسب إعجابـه
جيتك يا ابو محمد بحد ذاتها مكسب وشرف من الدمام حثيت الركايـب والزمـن محـدود=شفوقٍ خاطري في طرقتـي لمواجـه أحبابـه
الله لا يهينك وبيض الله وجهك على قبول الدعوه والحضور مساعرةٍ تُضد الضد لامـن قادهـا المقـرود=عزاويهم تروََع خصمهـم ويضَيـع إحسابـه
ماعليكم زود يالغياثات انتم اهل الطيب وساسه وأختم اللي بديته يالنشامـى كاسبيـن الجـود=عسى ربـي يُوفـق مـن تـزوج ويتهنابـه
امين الله يوفق ابو عبدالمحسن في زواجه الشاعر الكبير شاعر المنتدى/دغش البطي صح لسانك يالقرم مليووووووووووووووووووووووووووووووووون على هذه القصيده الجزله بكل مافيها بيض الله وجه من تعنى ولبى دعوه رفيقه ولاهمه لا زمان ولا مكان والله اتمنى اني كنت من الحاضرين لنبارك لابو عبدالمحسن ونشاركه فرحه ونستمع لشاعر المنتدى ابو محمد وقصائده الرائعه التي تجذب المستمعين اليها الله لا يهينك يا ابو محمد ويبيض وجهك على الحضور والقصيده الجزله لك كل الشكر وفائق الاحترام من اخوك ومغليك/ابن وتيد المسعري |
رد: قصيدة في زواج نايف بن مسرع !!!!!
الأخ الغالي والشاعر النادر : أبو محمد صح الله ألسانك ملاييييييييين قصيده جزله من شاعرٍ جزل بماذا اعبر وماذا أكتب مهما كتبنا فلا يوفيك حقك تعجز الكلامات با التعبير عن مثلك وشرواك فأنت شاعر مبدع و الابداع ليس بغريبٍ عليك والله لا يهينك على ها المشاركة الطيبة وهي في ناسٍ يستاهلون كل علمٍ غانم جعل شيبالنك في الجنه يا دغش تقبل تحياتي أخوك : مسفر المصارير |
الساعة الآن 10:43 AM
 |
Powered by vBulletin® Copyright ©2000 - 2024, Jelsoft Enterprises Ltd.
---