|
البدوي اللي يختبر طالب يد بنته
مساء العسل لاحلى اعضاء ان شاء بخير يارب المهم .. بدوي يختبـــر خاطـــب بنـتـه !!! نزل أحدهم على بدوي ضيفاً يريد الزواج من ابنته فقال له البدوي : : أنا عندي لك يا ضيفنا العزيز أسئلة إذا عرفتها زوجتك البنت , أنت مستعد ؟ الضيف / تفضل . : البدوي / وش الشيء اللي يضرك إذا أرتفع وإذا أنخفض ؟ الضيف / هذا الله يجيرني وإياك والعروس ... مرض السكر والضغط . البدوي / : ما لك لوا ... هذا سعر البترول . البدوي/ :طـيـب ... من هو اللي يصلي النافلة ويترك الفرض ؟ الضيف / المجنون : : البدوي / صدقت ... هذي الموظفة اللي تخدم الناس وتضيع زوجها وأولادها وبيتها طيب ... البدوي/ : من هو الملك اللي نزل من عرشه وضيع شعبه وأشتغل سوّاق ؟ الضيف / هذا سؤال صعب ! : البدوي / أبداً هذا بسيط للي يعرف الواقع ... هذي الحرمة اللي تشرد من بيتها وتطالب بسواقة السيارات البدوي/ وش الدولة اللي فيها رئيسين ؟ الضيف / ما فيه يا عمي حتى الملعب وهو ملعب ما فيه إلا حكم واحد وعنده مساعدين : البدوي / شفت إنك ما أنت داري بشي ... هذي بيوت اللي ينادون بمساواة المرأة بالرجل. البدوي / طيب ... إذا بغيت معنى كلمة عربية وين تدور عليها ؟ الضيف / في لسان العرب أو القاموس المحيط . : البدوي / ما عندك سالفة ... بوش على الذمة ما تشوف كيف فسر لنا كلمة " إرهاب " وكل العالم وافقوه عليها الضيف / أجل , الله يستر لا يجي اليوم اللي يفسر لنا فيه معنى التوحيد والإسلام : البدوي / طيب ... وش الوردة اللي ما تستخدمها إلا إذا ذبلت ؟ الضيف / أصلاً إذا ذبلت , ما عاد يصير لها قيمة ! : البدوي / صحيح ... هذول بنات هالأيام , البنت ما تتزوج فيهن إلا بعد ما تكبر ويروح شبابها وهي تطرد ورى هالسراب اللي يسمونه المستقبل!! البدوي /طيب ... منهم الأبرياء اللي يجوز قتلهم ؟ الضيف / ما فيه . : البدوي / هذول ... المسلمين ، ما تشوف لما قتلتهم أمريكا في أفغانستان ، والعراق قالت حنا ما يمكن نقضي على الإرهاب إلا بقتلهم ، وافقهم العالم كلّه حتى المسلمين ، . البدوي / إييييه ... الظاهر يا ضيفنا العزيز إن ما لك نصيب في البنت لأن ما عندك (( فقه بالواقع )) وبعدين البنت باقي تدرس وعمرها لا زال 35 سنة وباقي توها صغيرة على الزواج!! |
أخوي ناجي الشكري هذا أبو ولا مناقش رساله دكتوراه ولا يسأل إنسان مقدم على وظيفه قهوجي ولا وش السالفه |
انشهد ان كلامك صحيح يا الشكري و مشكور |
مشكور يالشكري.......ولاهنت..
|
السلام عليكم ورحمة الله وبركاته ارحبوا ومشكورين على المرور ويعطيكم العافيه 1- الواضح 2- كاتم العبرات 3- بدر العجالين |
علشان فقه الواقع خلى البنت تعنس
أنشهد انه أبو ما عنده سالفه تقبل تحياتي |
ظني والله ان ذا الشايب ذا مدوج.... أجل ما طبق كلامه على نفسي... مخلي البنت عنده لين ما صار عمرها 35؟؟؟ ولا وبتبطي بعد ما أعرست... صراحه... شر البلية ما يضحك...
لاهنت أخوي على ذا السالفه خفيفة الظل...واللي تدل على ان الكثير من الناس (يقولون ما لا يفعلون) ... النادره |
مشكور يالشكري
على هذه القصه وتقول بدوي ويسأل هذه الأسئله ويش لون لو إنه متعلم بيعطيه لين يهون من بنته عاطر التحايا محب الجميع |
مشكور اخوي ناجي الشكري على هالموضوع
بس وش ذ البدوي اللي مستقعد كل سوال اصعب من الثاني هذا بيكره الرجال في بنته وبيخلي الرجال يكرهه لاهنت على هالموضوع اخوك::محمد البدراني |
موضوع راااااااااااااائع ياخوي ناجي الشكري...
عجبتني اجابات الشايب الفقيه بالواقع خاصة آخر شي يوم قال البنت توها صغيره... ههههههههههههه...وين كلامه اللي قبل شوي؟؟؟ |
لاهنت أخـــــــوي ناجي الشكري على الموضوع ....... يعطيــــــك العافيـــه ......... تحيــــــــاتي لكـــــــــــــ |
يعني ذكي الشايب واخر شي عنست بنته ؟؟؟والله يعطيك العافيه يالشكري
|
يبدو أن بعض الإخوة أخذ القصة بمنظور سطحي
ولم يفهم المغزى والمعنى للعميق لهذه الأسئلة والأجوبة الله يكثر أمثال هذا البدوي والله يدمر أمريكا ودعاة العلمنة والتحرر من الأخلاق والقيم مشكور ياابن العم ناجي على هذا الموضوع الأكثر من رائع |
السلام عليكم ورحمة الله وبركاته
لاهنتوا على المرور والتعليق المتميز منكم لاخلا ولا عدم 1-راس يابس 2-النادره 3-دغش البطي 4-محمد البدراني 5- الغادي 6-ودعان 7- ولد الحراجين 8- محمد الشكره |
امحق شايب لونه دارس ويش كان بيسأل
بس انه ضيع مستقبل بنته لاهنت يابومحمد على الموضوع تقبل تحياتي،، |
الساعة الآن 06:39 AM
 |
Powered by vBulletin® Copyright ©2000 - 2024, Jelsoft Enterprises Ltd.
---