|
محاورة لي مع البقمي(في احد المنتديات )
محاورة كانت لي مع الشاعر المتالق: ابوسعد البقمي في احد المنتديات عساها تنال اعجابكم يارب.... ابوسعد/
سلام الله على اهل الدار والشعار والجمهور =ورفرف ياعلم وتعيش دولتنا السعوديه ..واقول ان البواخر راسية لو طرطر البابور=ولابين الطواقم فالبلد قطع التياميه .. مبارك/
هلابك والتواصل يلحق الجيران دون قصور=ربوع اهلَّ الكويت اللي معزتها إلاهيه ..وانا ما حدني للبحر غير الكبتن المغرور=اذا جاء يوم يعاند له رياح" جت شماليه .. ابوسعد/
هلا بالمسعري والمسعري لادندنت مخبور=على ابن قويد امير اللابه اللي تنجح الكيه ..ضلم حظه غريرٍ" قال سيف اهل الوغى مجفور=وهل العوجا مروية السيوف بحامي الهيه .. مبارك/
هلابك ياآ أخوُّ شمة من بقوم" طوال شبور=ولا قلنا بهل العوجا على النعمين ماريه ..وعمر المدح للقصاب مانقص من الساطور=ولانقص حقوق القدس كم حملة صليبيه .. ابوسعد/
علام الدوله اللي مالها حاكم بدون قصوور=تِكوّن يا مبارك من جماعات انفصاليه ..وخبلٍ" غير شماغه بعصبة راس عوّد ثور=ولاناخذ بني عمه بحسناته ولاسيه .. مبارك/
ترى الدولة معزتها بعزة شعبها المنصور=ولا يبنى من الدولة جهود الحاكم وغيه ..ترى الرحمة من الوالي وعبده بالخطاء مغفور=ومن ينطرها من عبدن تضيع بقلبه النيه .. ابوسعد/
علامك ماتعلمني بأمير الشمل يامستور=مثل كل العرب وش فرق هذيه وهذيه ..وصاحبنا قبل شهرين فالبطحاء من الشرشور=بغى يقضى عليه بكم طلقة نار حريه .. مبارك/
لامير بحكمه ويامر بعدله والخوي مامور=ولا يخلف عن الهقوات غير انفوس مبليه ..وصاحبكم ابو شرشور مرقّد ينتظر دكتور=يقولون الله الشافي به الاعراض نفسيه .. ابوسعد/
بمشيها وادوّر لك عذر واقول لك معذور=ولا نبغى نفتش يافتى حاجات سريه ..وانا اللي حز في نفسي علاما فزعة اهل الكور=علام اهل الوفا والطيب تفزع للحراميه .. مبارك/
طيب بأسالك دامك سمحت وباختلف فالدور=آبفتل وانت ناقظني ونكشف ستر نشميه ..تالق جندي" مجهول معآ بوجعفر المنصور=وهو لا ذي ولا ذيّه ولا شفناه فالهيه .. ابوسعد/
ياكيف يطير طيرٍ بالسما ومجنحه مكسور=ولكن اكتب بجندي الوغى ياشيخ مرثيه ..وأنا ماقول له طيب ولا بقول له محقور=لكن موت وحياة اللي رحل ماهي سواسيه .. مبارك/
ترى لو كنت تبغى الصدق ماهي سالفة مجبور=انا معجب بروحه و معجب إبـأحلام ورديه ..وعمر الصدق ما شيّن ولا جمّل بنات الحور=بيبقى الزين نفس الزين والاسواق تجاريه .. ابوسعد/
وآلا ياليل ياليل السعد متّى يجينا النووور=متى يالمسعري يصبح صباحك فالصباحيه ..مادامك معجبًا" بالورد والاحلام والعصفور=ابحجز لك تسافر باكر امريكا الشماليه .. مبارك/
ترى ما يحتري للصبح كود اللي يهاب السور=وخوّي الليل طرات الذيب مايهوى سوى الحيه وكلن يا عميلي في نمطه وحالته مسرور=و أأمريكا لهلها و حطّ سعر الحجز في ايديه وسلامة قلوبكم يالربع... |
رد: محاورة لي مع البقمي(منتديات المختلف)
صح لسانك ولسانه يابوجاير ولاهنت على نقلها وكلكم
شعار مافيكم حيلة |
رد: محاورة لي مع البقمي(منتديات المختلف)
صح الله السنتكم ولاهنتم
محاوره جميله من جمال شعرائها |
رد: محاورة لي مع البقمي(منتديات المختلف)
ياسلاااام ياسلام
صح لسانك يامبارك ولسان البقمي والله لايهينك على النقل تحياتي وتقديري |
رد: محاورة لي مع البقمي(منتديات المختلف)
ارررررررررررررررررررررررررررررحب ترااااحيب الحيا
ارحب مليون × مليون من طوول الغيبات جاااب الغنايم " مباركـ بن الجوير " حي الرجاال و جي مااجاب محاورة كااايفه و صح السانك و لسان البقمي ، و بانتظار محاوراتك القآدمه كما أتحفتنا بالنظم نطالبك بالمحاوره وجعل يمنااك ما يجيها العطب على نقلها هنا |
رد: محاورة لي مع البقمي(في احد المنتديات )
صح الله لسآنك ولسآن أبو سعد البقمي..
جزلين بيض الله وجيهكم.. لاهنت على النقل يامبارك |
رد: محاورة لي مع البقمي(منتديات المختلف)
اقتباس:
وصح الله ابدنك وحظك يامال السعد والله تواجد يضيء المتصفح يبوراشد ويسعد قلب راعيه فعسى الله يسعد سنينك وانا اخووووك... دام عزك يارب.. |
رد: محاورة لي مع البقمي(منتديات المختلف)
اقتباس:
وصح الله ابدنك يالقرم ولاهان غاليك والله الاجمل تواجدك نفداك لاخلا ولاعدم... |
رد: محاورة لي مع البقمي(في احد المنتديات )
صح لسانك ولسانه ولاهنت على نقلها
تحياتي وتقديري |
رد: محاورة لي مع البقمي(منتديات المختلف)
اقتباس:
ارررررررحب يابوشافي وصح الله ابدنك عني وعن ابوسعد ولاهان غاليك يارب اسعدني هالمرور عسى الوليّ يسعد اياامك يابوشافي مودتي واحتراماتي الجمّة.. |
رد: محاورة لي مع البقمي(في احد المنتديات )
صح الله السانك والسان خويك
مبدعين |
رد: محاورة لي مع البقمي(في احد المنتديات )
|
رد: محاورة لي مع البقمي(منتديات المختلف)
اقتباس:
ترحييييييييييبتن ترضيّ خفووووق المــســيّـر والله ما الكايييييييف الا ردك اللي يبري العلة داااااااايم صح ابدنك وحظك وعمرك وانا اخوووووك اسعدتني بالتواجد واحرجتني بالاشادة وشرفتني بنورك ادام الله عزك وعز الربع اللي انت منهم وانا اخووووك.. مودتي واحتراماتي الجمّة لشخصك الكريم.. |
رد: محاورة لي مع البقمي(في احد المنتديات )
اررررحب ياابو جوير.ًَ$][ٍِ
صح السانكـ وصح السانهًٌَُ]ٍ[ِ$ الخلا ولاعدم ياابوجويرًٌٍَُِ][$ ولاهنت على النقلًٍَُِ][$ دمت..بصحه..بعافيهًٍَُِ][$ |
رد: محاورة لي مع البقمي(في احد المنتديات )
ومن قال سالم
صح لسان يابن جوير وصح لسان أبوسعد محاوره جزله ومافيكم حيله . . . |
الساعة الآن 08:17 PM
 |
Powered by vBulletin® Copyright ©2000 - 2024, Jelsoft Enterprises Ltd.
---