قصيدة :بادي بن فيصل بن زامان ال بريك
 

زان بدع اللحن شيلة ومواله
في الحمايا وباقي الشعر مانيبه

اتلقف لوجة الشعر واقباله
اترك الشعر لين تجي مواجيبه

ازان البن وعرف صب فنجاله
كل عدن وردنا من مشاريبه

وان بغينا الفخر والمدح حناله
نحمد الله جزيل القاف نرهيبه

ال زامان روس المجد وجباله
فعلنا يعجز التاريخ يمشيبه

لانصانا عقيدن شرب فنجاله
فوق صفراً رسنها النود يوميبه

لابتي لاتبرا الاش من خاله
ضربهم في النحر تسعر لواهيبه

وقع شلشول هندي يشدي قباله
وزرق رحمن عطيباتن مضاريبه

فزعت البوش لامن كسرت الصاله
لاتلوت الأصرّة في عراقيبه

نبهج الي صويب عايفن حاله
نارد الموت لين الكايد نجيبه

نسهج الجمع لامن كبرت القاله
دون ملحاً ذرير الكحل تشديبه

دونها كم عقيدن قربت اجاله
لين خلي نبات الخوف يمشيبه

دون سبر ورقيب ودون خياله
وسمها يقهر الطاغوت ويهيبه

نازلين بحد السيف والطاله
مانزلنا جوار احدن نذريبه