::: مـنتدى قبيلـة الـدواسـر الـرسمي ::: - ماكامل الا وجه من يعلم الغيب/// زلا رابح الا اللي عن الذنب تايب ( منقول)

ا‏لـبرق لعيــون المـــولع مناديــــب
والبــيد لأقـــدام الخـلاوي ركايـــب
وأرواحــنا لهمــوم بقعاء معـازيـب
ومعــزب الأرواح قــبر ونصــــايب
سبحان من يخفي عن العالم الغيب
وخلّ الوعــد مع نازع الروح غايب
كلن يســوق الرجل ويروح ويجيب
أحدن يجــيب بسلم واحــدن نهايب
أحــدن يجيب الفود والعـز والطيب
واحــدن يذلــه كل ماكــان جايــــب
ومن لاستر وجهه عن الذل والعيب
ماعــاد يلــقى لذل وجهـــه طبايــب
ومن لاحمى وجهه قبل طلعة الشيب
محدن يعــوضه وجه لاصـار شايب
ولاصار ذكرك فوق روس المراقيب
خلك على دربك ترى الـدرب صايب
اتصير في عيون النشاما كما الذيب
وفي عيون عدوانك عطيب الضرايب
موت الفتـــى بالمرهفــات المحاديب
أخـيـر من حــيٍ مع النــاس خايــب
موتـن تباكــى له عـيون الأجانـيب
ولاعيـــشةٍ تدعي عليــها القرايــب
وألي نـفـــوس ماتروم المواجيـــب
وألي يديـــنٍ ماتســــد النوايــــــب
عذر الردي ماكـل من يجهد مصيب
عـــود الحمــاطه كاسرتها الهبايب
مايخــلف الهقـوه اطوال الأشـانيب
صحــيح من قال المراجــل وهايب
يربى على الشاهوب عكف المخاليب
والا الوطـــى يرباه بــوم الخـرايب
من راقــب العالم يشوف التعاجيب
ومن طاول الدنـيا يشوف الغرايب
غير النـــبي محدن بليّــا عــذاريب
وكل علــى الثاني سيــوله جذايـب
ما كامــل إلا وجه جــزل التواهيب
ولا رابـح إلا اللي من الذنـب تايب
كل ذنـــوبه تغـرق الكـم والجيـــب
وكل عليــه امن الليالــي مصايـب
ليه الحســد والغل والشـك والريب
وليه القطـــيعة واندلاع الحــرايب
يولد الأحقـــاد شــذب العراقيــــب
والحقــد سمن في المعــاليق ذايب
شــرارة من ملحــقين المشـاهيب
من ناشــته خلت ضلوعه حطايب
يومون بالأمواس مثل القصاصيب
ذنبن يوقــف منه قـــطر السحايب
لعل من يفــرح بشــيل المشاعيـب
ويصـير في فرقـى الرفاقه سبايب
تقطع عراويه من الرزق والصيب
ويمــوت ماتنــظر عيونه حبــايب
هذا بعــض ما علمتني التجـاريب
اللي من الأيــام جتنـــي جـــلايب
ماكــامل ألا وجه من يعلـم الغيب
ولارابح ألا اللي عــن الذنب تايب
منقول
جمع وتحرير د.بتال الدوسري