::: مـنتدى قبيلـة الـدواسـر الـرسمي :::

::: مـنتدى قبيلـة الـدواسـر الـرسمي ::: (http://alduwaser.org/vb/index.php)
-   :: قسم قصايد مدح وفخـر في الــدواسـر :: (http://alduwaser.org/vb/forumdisplay.php?f=37)
-   -   بعض من قصائد الشيخ/فيصل بن بادي بن زومان (http://alduwaser.org/vb/showthread.php?t=75145)

الصاررم 15-03-2017 06:39 PM

بعض من قصائد الشيخ/فيصل بن بادي بن زومان
 
على الـعين فـات اربـع ليالي بليا نوم
ويمكـن بعـد ذاليــل مسـراه قـافيـها

على عشان ستر الجاه وخشى كثير اللوم
ونفـس الفـتـى بحـسابهـا عنـد واليهـا

إليا صـار ماحاشت يمينك لك المقـسوم
بلاش مـن الرخـوم وماتحوشه يمانيـها

قعـود تجـيبه كاسـبه من ديار القـوم
ولا هـجـمةٍ من عنـد ربـعك براعيـها

يمـوت الفـتى عزً علـيه الطيور تحوم
ولا منـة انـذالٍ تمـسـس عـلابـيهـا
'
'
'
وليفي تركني ماتبي شوفتي عينه
وانا غير زوله ماتبي شوفته عيني

اعـد الدهر عقبـه لـياليه وسـنينه
هولا رجع يمي وانا راحت سنيني

وجـودي وجـود اشويبٍ كاثر دينه
براء الهم حاله وحرجه كثرة الديني

وليفي عطـاه الرب زين معا زينه
وعز الله انه غايت الحسن والزيني

إليا شـافها الـعالم تمـرد على دينه
وإليا شافها الكافر دخل ملة الديني
'
'
'
'
كل ولدٍ لو يجي مثل ولد ابن الحليط
كان غنت من تشيل الولد في القايله

ظاهرٍ علم الولد من محيط الى محيط
ماخذن قسم الطيب من العلوم الطايله

لابتي صفوة عرب مادخل معهم خليط
الكبـير مجـربٍ والـولد مـن سلايلـه

يوم بعض الناس ماعندهم كون الخريط
لابتي تـقعد صغاء الروس لاجت مايله

في فيافي نجد سدنا وسوينا البطيط
نازليـن فيـه غـصـبٍ* على قـبايـله

لاوردنا الماء شربنا من العد الشطيط
نلطـم وجيـه الحفـيفـين لاجت عايله

قسمنا وافي ولا نقبل الشي البصيط
فعلنا يشـهد لنا مثـل شمس القـايله
'
'
'
*‏لو حضـر من لا بتي لو كان شايب
كان غـنّاء الطير في راس الجديـلة

ربـعي آل بريك عطبـين الضـرايب
فيهـم الملحـاق يسـوى له قبـيلـة

*

راشد المسعري 26-03-2017 12:09 PM

رد: بعض من قصائد الشيخ/فيصل بن بادي بن زومان
 
صح لسان الشاعر فيصل بن زامان ال بريك
ونعم يال بريك حاضر وماضي
لاهنت ياالصارم

الصاررم 10-04-2017 11:04 PM

Re: رد: بعض من قصائد الشيخ/فيصل بن بادي بن زومان
 
اقتباس:

المشاركة الأصلية كتبت بواسطة راشد المسعري (المشاركة 773927)
صح لسان الشاعر فيصل بن زامان ال بريك
ونعم يال بريك حاضر وماضي
لاهنت ياالصارم

صح بدنك ولا عليك زود ومشكور

سعود بطحيه 05-01-2019 03:26 PM

رد: بعض من قصائد الشيخ/فيصل بن بادي بن زومان
 
سلام عليكم


الساعة الآن 12:57 AM

Powered by vBulletin® Copyright ©2000 - 2024, Jelsoft Enterprises Ltd.
---