::: مـنتدى قبيلـة الـدواسـر الـرسمي :::

::: مـنتدى قبيلـة الـدواسـر الـرسمي ::: (http://alduwaser.org/vb/index.php)
-   :: قسم إبداعات شعراء المنتدى ومساجلاتهم :: (http://alduwaser.org/vb/forumdisplay.php?f=17)
-   -   الى من بغيت الطيب في كل الاوقات .. على ابوعشره وجه وتلقى كلامي (http://alduwaser.org/vb/showthread.php?t=70091)

شافي بن راشد النتيفات 18-01-2015 12:11 AM

الى من بغيت الطيب في كل الاوقات .. على ابوعشره وجه وتلقى كلامي
 
قبل لا ابتدي اهديكم اغلا التحيات
على ابوعشرة واللي سكنبه سلامي
بني عمي اهل الطيب واهل الجمالات
سنادي وعزي تاج راسي حزامي
هل العز واهل الجاه واهل المروات
زحازيح قوم ن من كبار الاسامي
لهم في قديم الوقت صوله وجولات
اليا جا نهار ن مثل ليل ن ظلامي
على الفوز عجلين ن ومعهم له اثبات
وعلى الموت تارد مثل وردن حيامي
سلامي عليكم يازحول النتيفات
رجال ن تزود بطيبها كل عامي
وارحب عدد من زار مشعر عرافات
هلا مرحبا ن اعداد ما انشى غيامي
على ضيوفنا اللي جاو نهديه عادات
يقدم لهم بالعود الازرق شمامي
حضرنا بحفل اللي علومه جزيلات
محمد ولد بتال جزل المقامي
ضربله بيمنا ماتهاب الصعيبات
وبنى مجلسا كنه قصور العظامي
مبارك مبارك ياصبي المهمات
هقيت ووصلت وللمكارم همامي
احييك واهنيك يوم الك غايات
ومن غايته طيب ووفا مايلامي
واثني لي ببيت قبل ختم الابيات
يردد صدى معناه في كل عامي
الى من بغيت الطيب في كل الاوقات
على ابوعشره وجه وتلقى كلامي

شافي بن راشد النتيفات

فهد الغريري 18-01-2015 01:50 AM

رد: الى من بغيت الطيب في كل الاوقات .. على ابوعشره وجه وتلقى كلامي
 
صح الله السانك يابو شالح

وعز الله كفو

فهد الخريم 18-01-2015 02:31 AM

رد: الى من بغيت الطيب في كل الاوقات .. على ابوعشره وجه وتلقى كلامي
 
صح لسانك يابو شالح,
ابيات في قمة الروعه والجزاله والإبداع

صح لسانك وأعتلى شأنك!

في شوق إلى ابداعاتك القادمه!

نآصر البدراني 18-01-2015 12:15 PM

رد: الى من بغيت الطيب في كل الاوقات .. على ابوعشره وجه وتلقى كلامي
 


كُفو بك وبربعنا لاد العميري وافي من ربعن وافين

صح لسانك وبيض الله وجهك


الساعة الآن 09:09 PM

Powered by vBulletin® Copyright ©2000 - 2024, Jelsoft Enterprises Ltd.
---