::: مـنتدى قبيلـة الـدواسـر الـرسمي :::

::: مـنتدى قبيلـة الـدواسـر الـرسمي ::: (http://www.alduwaser.org/vb/index.php)
-   :: قسم الـشعر العــام :: (http://www.alduwaser.org/vb/forumdisplay.php?f=16)
-   -   دواليـــب الــدهر (http://www.alduwaser.org/vb/showthread.php?t=24850)

ولد عتابة 29-01-2008 10:32 AM

دواليـــب الــدهر
 
حلبيت أعرض عليكم قصيده للشاعر/بندر بن سرور
وهي بعنوان/دواليـــب الــدهر

يالله ياجال الامور المهمه تجلا وهج قلب برا حال راعيه

البر دجته والبحر رحت يمه اسعى ورى رزق عسى الله يهيه

يوم ان ولد اللاش رزقه على أمه رزقي على اللي ميت القشع يحييه

يامل قلب كل ما مات همه دارت دواليب الدهر لين يحييه

فرَاق شمل الناس عيَا يلمَه وقتٍ يشيب الرأس من شايةٍ فيه

أحدٍ ينام وحط رأسه بكمه وأحدٍ يخم النوم عينه وتخطيه

أحدٍ يحاول بالردا بنت عمه وأحدٍ يحاول ستر عذراء عوانيه

ماني وأنا بندر ببياع دمه يقطعك يا بياع دمه ومهفيه

اللي يبيع لابسات الأزمه ثورٍ يبا بيض الرعابيب iiتغنيه

يزعل ليا جت ليلة الدور يمه يرضى بسوق المال فخره وفا بيه

خطو البخيل اللي يكبر معمه يقرأ الكتاب وواجب الله يخليه

اما هرج لك في رفيقه بنمه ولا عطا وأمه أتضيع هقاويه

أنشدك ياللي كل فرض تتمه تقرأ الكتاب وكل فرض تصليه

ويش القليب اللي غميق مجمه ما فاد غرسه ماه عطش سوانيه

تخالف الانظار شرق ويمه وكل هدف رآيه من الناس مرضيه

سمَ السبب ياعارفٍ عنه سمه سمَ السبب ياعارفه قبل أسمه

عبدالله بن قويد 29-01-2008 10:54 AM

رد: دواليـــب الــدهر
 
قصيده لشاعر كبير ومعروف

ولاهنت يولد عتابه

يامل قلب كل ما مات همه ... دارت دواليب الدهر لين يحييه

فيصل بن جزاء 29-01-2008 01:05 PM

رد: دواليـــب الــدهر
 
لاهنت وبيض الله وجهك على نقل قصيدة الشاعر الكبير بندر بن سرور

متنبي عتيبه

خالص التقدير والاحترام

ولد عتابة 30-01-2008 09:37 AM

رد: دواليـــب الــدهر
 
لا هنتوا على المرور

ابو نمير 01-02-2008 06:21 AM

رد: دواليـــب الــدهر
 
تسلم يمناك
على الطرح الرااائع

قصيده راائعه
لشاعر الكبير
بندر بن سرور
تحياتي لك
اخوي
ولد عتابة


الساعة الآن 06:23 AM

Powered by vBulletin® Copyright ©2000 - 2021, Jelsoft Enterprises Ltd.
---