::: مـنتدى قبيلـة الـدواسـر الـرسمي :::

::: مـنتدى قبيلـة الـدواسـر الـرسمي ::: (http://alduwaser.org/vb/index.php)
-   :: قسم تاريـخ قــبـيـلة الــدواسـر :: (http://alduwaser.org/vb/forumdisplay.php?f=11)
-   -   القصه الكآمله والشامله لكــل مــن....؟ (http://alduwaser.org/vb/showthread.php?t=15811)

صقر ال حقبان 18-06-2007 06:38 AM

القصه الكآمله والشامله لكــل مــن....؟
 
السلام عليكم ورحمة الله وبركآته

بعد التحيه والسلام لقد سمعت ابيات كثيره وقصص كثيره ولكن ما اذكره او ما سمعته من شيبانا

لم ادركه ولم احفظه حيث كنت صغير في السن وهناك قصص سمعتها كان يتكلم عنها الشايب الله يرحمه بس والله ناسي تفاصيلهآ وانا هنا اسئلكم عنها:

وهي قصة طليفيح الشاب الصغير الدوسري وقصته مع احد شجعآن قحطآن

والقصه الاخرى قصة راعي الشلفا في معركة الدواسر مع الشريف

وقصيده ابن مطرف التسعين بيت


اريد ان ازود بكآفئة المعلومآت


اخوكم: صـقر ال حـقبآن

ابوعبدالرحمن الودعاني 18-06-2007 10:54 AM

رد: القصه الكآمله والشامله لكــل مــن....؟
 

أما القصه الثايه والقصيده حقت أبن مطرف فهي موجوده بالموقع فقط أبحث عنها عن طريق البحث بالموقع وستجدها بلمح البصر,,مرحباً والله بالحقبان كلهم

مدير موقع قبيلة الدواسر الرسمي
العبد الفاني أبوعبدالرحمن الودعاني


صقر ال حقبان 18-06-2007 12:40 PM

رد: القصه الكآمله والشامله لكــل مــن....؟
 
شكــرا لمروركـ يا ابو عبدالرحـمـن وارجوا ان تلتمـس لي العذر حيث اني عـضـو جـديـد ولم اتمكن من الاستطلاع على هذا الكم الهائل من القصص والورايات التي نفخر بهآ

سوف ابحث عنها وان شاء الله اجدها وبخصوص القصه الاولى هل من احد عنده من المعلومآت ما يفيدنآ بهآ...؟

ابو زيد الغييثي 18-06-2007 09:34 PM

رد: القصه الكآمله والشامله لكــل مــن....؟
 
هل تقصد المصروري اللي رما الحربه وصابت القحطاني وفرسه وعلقتهم بلارض ولا السالفه غير !

صقر ال حقبان 20-06-2007 05:44 PM

رد: القصه الكآمله والشامله لكــل مــن....؟
 
حيآآآآآآآآك يا الغيثي


ايه يا طويل العمـر الي رمى الرمح وعلق الخيل وفارسهآ

والثآني طليفيح الشاب ][ صغير في السن ][ الي تيت خـيل شجآع قحطآن

ان عندك يا الغيثي اسعفنا بهاااااا

ابو زيد الغييثي 20-06-2007 09:51 PM

رد: القصه الكآمله والشامله لكــل مــن....؟
 
الي انت تقولها هي يوم الجفير وهم سالفة وحده وهي من

اشهر ايام الدواسر على قحطان وسبيع

((هذه وقعه بين الدواسر وقحطان معهم السوده من سبيع وقتل اميرهم ذلك اليوم واسمه شباب بن باحص وحدثت الوقعه قبل فتح الرياض حيث نزل ال عبود من شيوخ ال مسعود من قحطان ومعهم السوده من سبيع علي الجفير بدون اذن ، و منهم جعفر واخوه ذيب واخوه عمر ،ولقد شرب فنجال ذيب نهار العيد ((طليفح بن حزام المصروري الدوسري)) ، وانتهت المعركه بانتصار الدواســـــر
وقد قال الشاعر صحين بن حويزي بن قويد الدوسري هذه القصيدة يسندها للشيخ محمد بن حفيظ شيخ الشكره الدواسر ويبشره بالنصر
/


ياراكب من فـوق سـت تعنّـى=من حميها تكسر عصي المواسير
تلفي لنا ابن حفيظ زبن المجنّـى=حامي اعقاب اقطيهن بالقناطيـر
ياليت مظهـوره يبـاري ظعنّـا=يوم التقينا بين عـذال وامشيـر
الطامـع الـي زارنـا ماتهـنّـا=خذنا جواده والسلف والمظاهيـر
وخيار ذوده صدرت فـي وطنّـا=من عقب ما ترعا خشوم الدعاثير
وعندما وصلت القصيدة للشيخ محمد بن حفيظ رد على الشاعر صحين بن حويزي المسعري بهذه القصيدة :
يـا

مرحبـا باركـابـك الـلـي لفـنّـا=اعداد ماتـذري هبـوب المعاصيـر
يامرحـبـا ترحـيـبـة ماتـمـنـا=لامنـه بـدل رفقتـه قاطـع السيـر
ليـت الحمايـا يـوم جتنـا وحـنّـا=بين( الجفير) وبين عـوج الدواويـر
والله أن يجيكـم يـا جماعـة ظعنّـا=وخيـل تنـازي بالعيـال المناعيـر
حريبنـا لا شافـنـا جــظ مـنّـا=مثل الخريش اللي بلاها مـن الطيـر
ماقـومـه الا بالمـلاقـا طـعـنّـا=من فوق قب معسكـرات المساميـر
يا نفـدى اللـي يـوم غبنـا كفنّـا=سربة (اصخاف الشول) عند المعاشير
لا جرها( ابن قويـد )زبـن المجنّـا=يسهج خصيمه مثل سهج الطوابيـر

اصخاف الشول: عزوة المساعره
شباب بن باحص امير السوده من سبيع وقد قتل في المعركه ذبحه ماجد بن عايش الدموخ المساعره الدوسري وقد قيلت كثير من القصائد بس لم نحفظ سوا هذ البيت



شباب شوق الي ثمانه مغاتير=عليه طير ام علجان يتثنـى


هذه قصيده
قالها محمد بن برجس المصارير الدوسري ، وتخلد مافعله حزام بن شبنان


ابديت باسم ا للي ينشي المخايـل=الواحد اللي تسجد الخلق لرضـاه
يالله يامعطـي العطايـا الجزايـل=رب كريـم مغنـيـات عطـايـاه
ويـا الله ياعـدال ماكـان مايـل=ياعالـم ماكـان بالصـدر يكنـاه
القلب كنه وسط حامـي الملايـل=ولا يستريح القلب في غير مشهاه
ودي بـدار مطوعـة كـل عايـل=ربع كما ضلع يعنـز لمـن جـاه
ربعي كما سيـل يطـم المسايـل=كم من عقيد راح في زمـة غثـاه
لا د الحبيبـي تشتهـر بالفعايـل=اثقل علي العدوان من طويق وقراه
عدونا يمسي بـه الحيـف مايـل=وان جا نهار الكون ماحن بنـدراه
من صلب اهل العشر كسبنا النفايل=ذود المعادي في ضحا العيد زعناه
ومنـا حـزام شيخنـا بالكمايـل=((حزام ابن شبنان)) فعله ذكرنـاه
ضربة يمينـه وقعـت بالفصايـل=كم طيرت رجل وفـرس بشلفـاه 1
ولا خير فـي هـرج بليـا دلايـل=وفنجال راعي الزود حنا شربنـاه
شربه طليفيـح عريـب السلايـل=سنه صغير وسيرة العـز ممشـاه
وكم طامع لديارنـا جـاك صايـل=وخلـي طريـح للذيابـه تعشـاه
1- والبيات السابقه تثبت صغر سن طليفيح وتثبت ضربة الرمح لحزام بن شبنان في راعي الفرس

وهي روايه لاخي تركي والودعاني واضفة قليلا منها بعض التفسيرات


أخوك ابو زيد

صقر ال حقبان 22-06-2007 12:41 AM

رد: القصه الكآمله والشامله لكــل مــن....؟
 
تــسلم يبو زيد على هذا الكم الهائل من المعلومآت والله الواحد يعتز ويتشرف بآعضآء مثلك يردون علي الموضوع
ولاهوب اي عضو عضو عضو مثلك يابو زيد كفييت وففيت وانشهد ان قرم ابن قرم ماجبت القصه بس جبت القصه وقصيدتها انشهد انك ذيب ابن ذيب


وتسلم على الرد الكافي والوافي بيض الله وجهك يبن العم


اخوك: صقـر ال حقبـآن

خالد الحقباني 25-06-2007 04:06 PM

رد: القصه الكآمله والشامله لكــل مــن....؟
 
صقر ال حقبان مشكور على الموضوع

والشكر موصول للشهم ابو زيد الغييثي

ابو زابن المسعري 26-06-2007 02:29 AM

رد: القصه الكآمله والشامله لكــل مــن....؟
 
بيض الله وجيهكم يالربع كلكم علومكم غانمه وتنومس

وحبه خشم لبو زيد جعله ذخر لبني عمه

ابو زيد الغييثي 26-06-2007 08:59 PM

رد: القصه الكآمله والشامله لكــل مــن....؟
 
صقر الحقباني ومن قال يسلم واتمنى اني اكون عند حسن ضنك :18:

خالد الحقباني لاهنت على الاطراء :27:

ابو زابن احرجتني :d8:


الساعة الآن 04:06 PM

Powered by vBulletin® Copyright ©2000 - 2024, Jelsoft Enterprises Ltd.
---