::: مـنتدى قبيلـة الـدواسـر الـرسمي ::: - وقــعه العان .. ( عان شيبان )

- :: قسم تاريـخ قــبـيـلة الــدواسـر :: (http://alduwaser.org/vb/forumdisplay.php?f=11)

- - وقــعه العان .. ( عان شيبان ) (http://alduwaser.org/vb/showthread.php?t=14019)

وقــعه العان .. ( عان شيبان )

:006:

الأمير شيبان بن قويد وصالح بن قهسان اليامي ووقعة((عان شيبان))

في سنهً من السنين التقاء الأمير شيبان بن قويد مع الشيخ صالح بن قهسان آل هندي من قبيلة يام

المعروفه , فقال صالح لــ شيبان : انتوا ياشيبان ماتاخذون إلا ابل الضعّيف واللي ماعندها

احد يحميها , فرد عليها الأمير شيبان :هجل لا جينا إبلك احمها إن قدرت , وبعدها بوقت ذكر للدواسر ان

جمع من ابل بعض القبائل الياميه موجودة في منطقة ((الرِجع )) وهو باطن بين جبل العان

والصعيد , فغاروا عليهم الدواسر في الضحى بعد أن قسم الأمير شيبان الجيش الى قسمين:

القسم الأول يغير على الإبل ، والقسم الثاني يسمى ( الرقيبه ).

القسم الأول يأخذ الإبل ويذهب بها والرقيبه في انتظار أهل فزعة الإبل الذي يريدون إرجاع إبلهم ودارت

الوقعة الأولى عند (العان) وسمي فيما بعد بــ( عان شيبان) وصاح في يام النذير واجتمعوا ولحقوا بالدواسر لإسترداد الإبل ولكنهم

وجدوا المصيبة عندما نشــبوا بين الجيش اللى مع البل وجيش الرقيبه، فدارت المعركة وفيها

كسرت يدي ابن قهسان ،

وكان من ضمن الإبل التي كسبها الدواسر فاطر لصالح بن قهسان ، وكان من أحب الإبل إليه وتسمى

(الركباء) ولما قسّم الدواسر الابل كانت من نصيب الأمير شيبان ، فكان إذا اعتزى لا يعتزي إلا بها .

قال الشيخ صالح بن قهسان آل هندي اليامي هالأبيات التي مدح الدواسر في أخرها:

فاطري في الرجع كم لك من محله = ياوجودي ذي عهـودك خالياتـي
يا وجودي ما حضرك إلا المذلـه = ربع ٍ ذاخرين ٍ بالعمار الغالياتـي
ليتنـا عنـدك ولـو كنـا مقلـه =كل ياخذ من نصيبه من الحياتـي
لا تجي المشراف واحذر يامسلـه = لا تجي المشراف حولك نايفاتـي
احذروا من ضمر كنهـن الأهلـه =فوقها ربـع ٍ ينوسـون العداتـي
الوضيحـي ذرينّـه مـن محلـه=والغضيض اللي يديه مرصعاتـي

ورد عليــه الاميـــر شيبان . ويقول فيـها :

راكب اللي زين العسـاف دلـه= يم بن قهسان رد لـه الوصاتـي
لا لفيتوا ( صالح ) بالعلـم قلّـه= فعلنا ذا من عصور ٍ مبطياتـي
لا ركبنا الجيش للحربـي ندلّـه= ما نهيب البل على الماء والفلاتي
يوم شفنا البل ركوز ٍ في الأظله = ما نشدنا عن الحيـاة والمماتـي
هم جرينـا عليهـا غـارة ٍ لـه = العقيد اللي فعوله مـا ضياتـي
(ابن قهسان) خذينا فاطـر ٍ لـه = بين عـان والصعيـد البياناتـي
لحقنا يبغي فككهـا عـادة ٍ لـه = ثم كسرنـا يديـه الشاطراتـي
هم لحقونا هل البل فزعـة ٍ لـه = آل هندي المداغيش العصاتـي
هم حولنا لهم في الأرض سلـه = هـم نوخنـا لهـم بمردفـاتـي
كل فعل له طرات فـي محلـه = لا تلاقـن الوجيـه المنكراتـي
بنت اللـي فوقهـا راس ٍ تهلّـه = من الحمايل من زيـان البناتـي
ليتك تشوفين من جاء فيـه ذلـه = تنذرين اللي وراك من الخواتـي
من ضربنا طاح ماله من يشلـه = في ثر البل ميـت ٍ للحايماتـي
راحت البل عقب هوش فيه فله = هم هزمناهم ضـرب مقرراتـي
ثم قسمنا البل على قـوم مهلـه= قسمنا التالي على ثر الاولاتـي
سبعة ذلوا وجاء في الربع خلـه =هم عطيناهم حققـة مصمعاتـي

وســـلامـــتكم