|
قصه وقصيده
كان لرجل من اهل الحريق وهي ديرة الشاعر محسن الهزاني بنت اسمها( هيا) وكان جمالها وحسنها باهر. ولحرص والدها عليها اسكنها في (روشن) والروشن كما تعلمون غرفه تكون في اعلى البيت خوفا عليها من ان ترى الشاعر محسن اويراها فيقعا في الغرام حيث اشتهر هو ايضا بوسامة وشجاعة نادرتين وشهرة واسعة بين النساء. وعين لهيا خادمة ومشاطة تزورها على فترات للعناية بها وتمشيط شعرها. فعلم محسن بجمالها وعرف مكانها فقرر ان يصعد اليها في روشنها العالي الذي يصعب الوصول اليه وقام يراقب البيت لكي يجد له مصعدا لروشن هيا. وجد محسن أن الروشن له منفذ صغير يدخل منه الماء عن طريق ساقية القصر من بئر قريبه فلم يجد طريقه غير النزول الى البئر وصار يتعلق بحبال الغروب اللي تسحبها السواني حتى دخل الى القصر وكان له ما أراد وجلس هـناك ثلاث أيام ولم يعلم احد بوجوده وفي رابع يوم سمع صوت اقدام المشاطه قادمة لكي تمشط ذوايب هيا. واثناء تمشيطها لذوايب الحسناء (هيا) قامت تغني وترد هالبيت:
أصفر مع اصفر ليت محسن يشوفه=توّه على حد الغرض ما بعد لمس
وعند سماع محسن الهزاني لبيت المشاطه طلع وقال:
أربع ليالي مرقدي وسط جوفه=البارحه واليوم وامس وقبل امس
وهرب وكان رفاقه قد افتقدوه ، ولما اتاهم حاولوا يعرفون منه اين هو طول هذه المده لكنه لم يجيبهم وكان احدهم ذكيا ولما لمح البرق قال هذا البرق يشبه مبسم هيا. فانشد محسن الهزاني قائلا:ٍ
قالوا كذا مبسم هيا .. قلت لا لا=بين البروق وبين مبسم هيا .. فرق ويالله .. بنوٍ مدلهم الخيالا=طافح ربابه .. مثل شرد المها الزرق لا جا على البكرين بنا الحلالا=ولاعاد لا يفصل .. رعدها عن البرق يسقي غروسٍ .. عقب ماهي همالا=وحط الحريق ديار الاجواد .. له طرق يسقي نعامٍ .. ثم يملا الهيالا=ويصبح حمامه ساجعٍ .. يلعب الورق جريت انا صوت الهوى .. باحتمالا=في وسط بستانٍ .. سقاه اربعٍ فرق طبّيت مع فرعٍ .. جديد الحبالا=وظهرت مع فرعٍ .. تناوح به الورق روشن هيا .. له فرجتينٍ شمالا=وبابٍ على القبله .. وبابٍ على الشرق مبسم هيا .. له بالظلام اشتعالا=بين البروق .. وبين مبسم هيا فرق برقٍ تلالا .. بأمر عز الجلالا=واثره جبين صويحبي .. واحسبه برق يا شبه صفرا .. طار عنها الجلالا=طويلة السمحوق .. تنزح عن الدرق له ريق .. احلى من حليب الجزالا=واحلى من السكر .. الى جاء من الشرق حنيت انا .. حنة هزيل الجمالا=ينقض ردي الخيل .. قد حسة الفرق ويا قلتةٍ .. في عاليات الجبالا=ماها قراح .. مير من دونها غرق ماعاد للصبيان .. فيها احتمالا=من كود مرقاها يديهم .. غدن طرق قالوا تتوب من الهوى .. قلت لا لا=الا ان تتوب .. ارماح علوى عن الزرق قالوا تتوب من الهوى .. قلت لا لا=الا ان يتوبون .. الحناشل عن السرق قالوا تتوب من الهوى .. قلت لا لا=الا ان تتوب الشمس .. عن مطلع الشرق وسلااااااااااااااامتكم 000 |
أخوي .. doss.2005 رائعة هذه القصة والقصيدة .. وخاصة لما يكون بطلها محيسن الهزاني شكراً لك .. وكل عام وانت بخير |
العفو اخوي بدوليجيا وكل عام وانت بصحه وعافيه
|
لاهنت ياdoss.2005 على القصه والقصيده
لاشك انك اثريت بها المنتدى الله يعطيك العافيه وننتظر مشاركاتك القيمه والمميزه تحياتي لك-- |
ولاتهون يابوشجاع ويشرفني والله تعليقك على الموضوع
|
مشكور أخوي ويعطيك العافية
وتقيل تحياتي |
قالوا تتوب من الهوى .. قلت لا لا
الا ان تتوب .. ارماح علوى عن الزرق قالوا تتوب من الهوى .. قلت لا لا الا ان يتوبون .. الحناشل عن السرق قالوا تتوب من الهوى .. قلت لا لا الا ان تتوب الشمس .. عن مطلع الشرق الأبيات كلها ابدع بس بصراحه ابدع اكثر في الاخير اطال الله بعمرك |
اخواني بندر الدوسري الشكري001 الله يعافيكم ومشكورين على المرور
|
أخوي .. doss.2005 رائعة هذه القصة والقصيدة .. وخاصة أن بطلها محيسن الهزاني فالهزاني له مواقف كثيرة وجميله فالله لايهينك لاتبخل علينا بمثل هذه القصص الجيدة وإسمحلي على إعادة التنسيق للقصة والقصيدة عاطر التحايا القلبية لمقامك العالي محب الجميع : دغش البطي |
قصة اكثر من رائعه وسرد جميل جدا
لاهنت اخوي دوس على القصة والقصيدتين ولا تبخل علينا بمثلها تقبل تحياتي،، |
قصه رائعه وقصيده اروع وجزله الله لايهينك دوس ونبغا مثلها اذا ماعليك امر
|
يعطيك الف عافيه
ولاتبطي بجديدك |
قصه وقصيده أكثرمن رائعه
|
الساعة الآن 05:24 AM
 |
Powered by vBulletin® Copyright ©2000 - 2024, Jelsoft Enterprises Ltd.
---