قصة بن حصين السنافي المصارير رحمه الله
 

الشيخ/ محمد بن حصين السنافي المصارير الدوسري رحمة الله عليه
كان من الرجال المعدودين وله مواقف كثيره طيبه اذكر منها هذي القصه قال

كنت صغير في سني عندما دخل على المرحوم محمدبن حصين ثلاثة رجال في مزرعته في حي الناصفه بالخرج وكانوا من القبائل المجاوره لدواسر وبعد ان رحب بهم وقلطهم تكلم احدهم عن مشكله تخص قبيلتهم وانهم محتاجين مال فقال محمد بن حصين هذا مفتاح سيارتي لكم وعليه الطلاق ماترجع فاخذوا سيارته وذهبوا بها .
وعندما توفي رحمة الله عليه قالو ابيات مرثيه :
تبكيك يامحمد ركايب وضيفان
وتبكيك ربع(ن) تعتزي بالحبيبي
انشهد انك يامحمد كحيلان
عز(ن) لجارك والخوي والقريبي
كم واحد(ن) لاجاك تقظي له الشان
تقظي لزومه لو لزومه صعيبي
مرحوم يارجل الوفاء طير حوران
ياجعل جسمك مايجيه الهيبي
ياجعل تقطف من ثمر كل بستان
في جنة(ن)فيها جلوسك يطيبي

رد: قصة بن حصين السنافي المصارير رحمه الله
 

الله يرحم محمد بن حصين المصارير

والله يغفر له ويسكنه فسيح جناته وجميع موتى المسلمين والمسلمات

الكبار يبقون كبار حتى بعد الممات

رد: قصة بن حصين السنافي المصارير رحمه الله
 

جعله فالجنه اشهد ان فعله

ينومس

فهذا هو الكرم بعينه

اللي تمد يمناه وهو ماياجد العيشه

بيض الله وجهك يوم تسود وتبيض الوجيه