ياهاجسـي معـاد فيهـا وقـف وروح وتعـال = ابغاك تعطيني جزال الهرج واعطيهـا الاصـول
القافلـة لاصـار ماتمشـي علـى خـط عـدال = خطر عليها الانحراف وخطر ماتلقـى محصـول
وانا معي خبرة وخص ليا حصل عنـدي مجـال = ابعد شوايبها واسوق القافلـة سـوق الذلـول
معنـز جالـي عـلـى رب علـيـه الاتـكـال = منه الفرج منه الغنـا منـه الاعانـة والحلـول
ووجه الرحلة علـى قـوم لهـم قـدر ومقـال = اللي ليا عدو زحول المجد هم سـاس الزحـول
اهل الكرم واهل الوفا والطيب وافيـن الخصـال = واهل الحسب واهل النسب يعجز لسان اللي يقول
اخوان جازا لاحصل في الوقت ميلـة واعتـدال = العزوة اللي تنعرف فيما مضـى قـول وفعـول
اهـل السيـادة والريـادة والقيـادة والسـلال = اهل القناء مجد وبناء ليـا عنـا راس جهـول
اهل الشموخ اصل الشيوخ تشيل حمل ما يشـال = شيوخ خطلان اليديـن ليـا بـدا للقـوم جـول
في هيبة حماهم يحصل كل جانـي لـه ظـلال = والقاف في مدح الرجال اهل الثناء يلقى دخـول
وان قلت في مران لا احد يقول وحي من خيـال = لانه دخل باب الثناء فيما مضى عرض وطـول
هذا ترى بن قويد من قـوم يضـدون الرجـال = خيالة البل لاد مسعر محتمين سخـاف الشـول
وسم العصى للي نصى واكرامه بقـدر وجـلال = سلم الدواسر لو حكى من غيرنا ضعاف العقـول
ومدين جار البيت باسباب الجـدار اللـي هيـال = وفي سلمنا خوينـا مايشتكـي ضيـم الحمـول
وللـي ورد لعدودنـا نسقيـه مـن جـم زلال = والضيف والعاني لهم في سلمنـا قـدر يطـول
حتى بعد من حـده الوقـت وزبنـا لـه جبـال = موجز بسيط الخافي اعظم لو ذكرته ويش اقـول
وباقي ترا شي يحوز بخاطـري قـد لـه ليـال = في مدح ابومران محمد كاسب المجـد الذهـول
حاز المراتب والشهـادة دون زيـف واحتيـال = مقدم مثقف سياسي رجل حـال ورجـل حـول
محنك بالطيـب مـن يومـه صغيـر ولايـزال = فوق الثرى جنب الثريا له مكـان ولـه قبـول
رجل الوفا فعله كفا خيـره ضفـا دون احتمـال = راع الكرم ساس النعم له بالوفـا بـاع وميـول
قلته وانا من لابـة للمرجلـة مضـرب مثـال = هل الطالات ونتيفـات الـى بـدا علـم يهـول
وختامها صلـى الله وسلـم علـى محمـد وال = صحبه ومن سن بهداه ومن تبع قـول الرسـول

حفيد كحيلان لاهنت على النقل ..


وصح لسان أبو راشد ..



ويستاهلون المدح ال قو يد ..