|
أمير الهواشلة محمد ابن عرفج رحمه الله
محمد ابن عرفج الهواشلة الدوسري من سكان الخرج وبالتحديد في حي البدع و أميراً على جماعته أشتهر بالكرم و الجود و باب بيته لا يقفل مفتوح دائما و هو منصا لجميع القبائل و فكاك للمشاكل و قد حل مشكله بين فخذين من الدواسر وله العديد من القصص الكثيرة .. http://www.y1y1.com/up/get.php?filename=1124966927.jpg صورة الشيخ ابن عرفج الهواشلة ونشكر أخينا تركي الودعاني على ذكره هذه القصيدة في المنتدى قصيدة معيض بن زايد العصيمي العتيبي في رثاء الشيخ محمد بن عرفج الهواشله الدوسري رحمه الله تعالى يقول معيض العتيبي : -
مرحوم يامعطي جزال العطايـا = ياللي عن الضيفان ماصك بابه بان لعكفان الشـوارب بنايـا = محمد ربيع اللي نزل والتجابه هيف السمين وكل كوما ثنايـا = كن الشحم عنده فرايس ذيابـه من روس قوم ينطحون السرايا = دون العشاير يصعبون الحرابه اهدي علي قبره سلامي هدايـا = اعداد ماخـط القلـم بالكتابـه ونرجوا منكم جميعا المشاركة والذي لديه اي اضافه عن ابن عرفج فلا يتردد في طرحها ونعدكم بالمشاركة القادمة عن طرح بعض القصص عن ابن عرفج |
مشكور ولاهنت....والنعم والله بالمرحوم محمد بن عرفج الهواشلة...
|
مشكور ولاهنت....
والنعم والله بالمرحوم محمد بن عرفج الهواشلة... كان كماذكرت شهماً كريماً تقبل الود والتقدير دغش البطي |
الهواشله
يعطيك العافيه على الموضوع القيّم على الشيخ ابن عرفج الهواشلة وننتظر منك المزيد .. ونعم بالشيخ محمد ابن عرفج الهواشلة ونسأل الله ان يسكنه فسيح جناته ويغفر له جميع زلاته اخوك في الله محمد الغريري |
والنعم والله بالمرحوم محمد بن عرفج الهواشلة
ونسأل الله ان يسكنه فسيح جناته وبيض الله وجهك على الموضوع القيّم اخوي الهواشله لاشكر علي واجب |
نشكركم جمعيا على المشاركة والله يعطيكم عافية
|
الاخ الـــفــاضــل الـــهـــواشـــــلـــــه بيض الله وجهك على هذي المقططفات من سيرةمــــحـــمــــد بن عــــرفـــج الـــهـواشـــلـــة فأذا ذكر الكرم والجود عند العرب فلا بد من ذكر ابن عـــرفـــج من بينــــهــــم. اسأل الله رب العرش العظيم ان يغفر لبن عرفج ويبارك في ذريته. اكرر شكري وتقديري لك اخي الهويشلي ونتظر جديدك في سير بعض نبلأ الدواسر. اخـــــــــوك / فــــهــــد الـــغــــريـــري,, |
الله يرحم الامير محمد ابن عرفج
يعطيك العافيه اخوي الهواشله اخــــــــــــــــــــــــــــــــــــوكــــــــــ ــ "ولــــــــــــــــد الحراجـــــــــيــــــــــن |
السلام عليكم ورحمة الله وبركاته شكراً لك اخي الكريم على هذا المقال
رحم الله محمد بن عرفج وأسكنه فسيح جناته وبعد للتنبه محمد بن عرفج ليس أمير على الهواشله وانماهو رجل كريم وفيه كثير من صفات الكرم |
ما هو الاسم الكامل او شجرة العائله لمحمد بن عرفج الدوسري؟
|
محمد بن عرفج بن وضحان الهواشله
الاسم كامل اعتقد ان امير الهواشله هو محمد بن عواد |
|
الله يرحمة ويلهم ذويه الصبر والسلوان
|
شكراً للأخ الهواشله والأخ تركي الودعاني ولي تعليق بسيط أوبالأحرى تصحيح
أولاً... أسم الشاعر العتيبي هو / زيد بن معيض العصيمي العتيبي وليس معيض زايد ثانياً... القصيده التي أوردها الأخ تركي الودعاني مشكوراً ليست هي المرثية بل هي قصيدة مدح و هذا هو نصها الصحيح .....
سلام يامعطي جزال العطايـــا=ياللي عن الضيفان ماصك بابـــــــه مايذبح الا الكوم هي والمطايـا=وكن الشحم عنده فرايس ذيابــــه وبانٍ لعطران الشوارب بنايـــــا=محمد ربيع اللي نزل والتجابـــــــه مامثل ابن عرفج يجي فالنحايا=الا من الحكام والا الصحابــــــــــه زيـزوم ربعٍ يـفـعـلون الوهايــــا=عند العشاير يصعبون الحرابـــــــه أهدي عليهم من كلامي هدايا=ويمشي مع المجلس جرايد كتابه وصــلاة ربي عد وبل الرفايــــا=وعداد ماهل المطر من سحابـــه مرثية الشاعر زيد العتيبي رثاه بالقصيدة التاليه....
يالــبدع واعــزاه وانا بــــعزيـــــــك=من عقب هيف الحيل راع الجمايل حلال صعبات الدعي والشرابيــــك=منساه لو تبنى عليه النثايــــــــــل ذباح شمخ الكوم مغن الهلاليـــــك=حلفت مامثله يجي فالقبايــــــــــل يالرايح المرحوم مبطي وانا ابكيـك=ابكيك يوم القوز فوقك تهايــــــــــل عسى جنان الخلد تكتب ملافيــــك=والحور جعل الحور عندك حلايـــــل يالبدع راح سهيل محدن سكن فيك=ولو جاك همال من الوسم سايــــل علماً بأن الشاعر زيد العتيبي وغيره من الشعراء قد قالو عدة قصائد في الشيخ محمد بن عرفج سوف اوردها فيما بعد وآسف على الإطاله والله لا يهينك يا تركي الودعاني |
الله يعطيك العافية يا الهويشلي والله يرحم أمير الهواشلة محمد ابن عرفج _________ |
الساعة الآن 03:36 PM
 |
Powered by vBulletin® Copyright ©2000 - 2024, Jelsoft Enterprises Ltd.
---