ياطول ماحلنا شمال مدابير=ياكم قطعنا فوقها كم وادي
اللي كفرها ست والسابع سبير=فنس الخشوم اللي تبوج الريادي
شلالة الما وشلالة الخير=وياما نسفنا فوقها من سوادي
مراًمدابيراً ومراًمناحير=ومراً تغاريساً ومراً شدادي
نرعا بحسقات الوبر في المخاطير=معربات الجد عسم الايادي
لين تستوي في القفر رعي المعاشير=تصبح بها سود الليالي جدادي
ياكم رعينا مربخاً به نواوير=جته العطوف وزاف عشبه وزادي
تقول زرعاً فيه لجت عصافير=فيه ام سالم عقب شبعة تنادي
ياطارشاً لا رحت مذكور با الخير=سلم على ربعي تراهم مرادي
قله ترانا عقب الاقفاء مناحير=وادي الرمه منا جنوباً وكادي
بمشمراً تبرا لجل المعاشير=تبرا الفطير والنفوح السناري
والله لا انشد وين سعد المسايير =مهوب من جذع العموده بغادي

المشاركة الأصلية كتبت بواسطة شافي المخاريم (المشاركة 361875) بيض الله وجهك يا عبيد على ايراد القصيده للراوي عساف شاكر ومقدر لجهودك يا ابن عمي تحياااااااااااتي

المشاركة الأصلية كتبت بواسطة ابو زابن المسعري (المشاركة 361887) لاههنت يابو العجايب على ايراد هذه القصيده وصح الله السانك والسان الشاعر

المشاركة الأصلية كتبت بواسطة محمد الولامين (المشاركة 362072) صح لساان الشاعر والراوي / عساف ناصر الضبان المخاريم ولاهان من نقل لنا كل علم (ن) غانم بيض الله وجهك يالامير على ماقدمت في انتظار جديدك

المشاركة الأصلية كتبت بواسطة ولد ودعان (المشاركة 363583) لاهنت على الموضوع للشاعر والراااوي عساف بن ماصر المخاريم تقبل تحياتي ولد ودعان

المشاركة الأصلية كتبت بواسطة ابومشعل (المشاركة 364641) صح السان الشاعر والراوي/عساف ناصر المخاريم والله يعطيك العافيه على طرحها ولاهنت على كل حال وتقبل تحياتي

المشاركة الأصلية كتبت بواسطة أبو متعب (المشاركة 365162) صح لسان الشاعر والراوي عساف الضبان لاهنت يا ابو العجايب على ايراد القصيده