::: مـنتدى قبيلـة الـدواسـر الـرسمي :::

::: مـنتدى قبيلـة الـدواسـر الـرسمي ::: (http://alduwaser.org/vb/index.php)
-   :: قسم إبداعات شعراء المنتدى ومساجلاتهم :: (http://alduwaser.org/vb/forumdisplay.php?f=17)
-   -   ماعشقنا من القروم إلا النعاره/ولا كسبنا فالرجال إلأ الشلي (http://alduwaser.org/vb/showthread.php?t=59640)

مبارك بن الجوير 05-07-2011 03:09 AM

ماعشقنا من القروم إلا النعاره/ولا كسبنا فالرجال إلأ الشلي
 
سلام الله على الجميع

صباحكم ومسائكم خير يارب

مبطي عنكم والعذر من الله ثم من الجميع

حبيت اهديكم جديدي
اللي ذخرته في رجلن عرفته بطيب الخلق والقول والفعل..

اهداء معزة لاخوي ورفيقي

مبارك بن محمد الودعاني


صلوا على النبي

ياهجوس الشعر تكفيتس الإشاره=وإستعيني بالإلــــه ووكـلِّي
إن نويتي للحيأ شفتي خضاره=وإن ضربتيها فجوج الرُحلي
إرقي سنودن وإعتلي راس المناره=وأعتلي ثم أعتلي ثم أعتلي
دام راس حي تأصلس البشاره=يلعن الله الفقر والحظ الخلي
شغّل اللي مْظهرّه كرت إستماره=مايجيبه لا الجميح ولا العلي
مركب اللي كاسبن منه وقاره=مايـِدَّق سِويت بوش(push) وشغلي
من يسوقه ما يحسّب للخساره=وْعقـِّـب اللي معه كاش ويبخلي
إنقليزي الصنع ماجِمّْع غياره=[رنج روفر] وأوبشنه متكمِّلي
مطوِّرَن ومدلعن بدي وغماره=ترف يزقح بالجواهر والحلي
بريء حالي كنّ أبنصه في قشاره=ثقل طبع الراكد المتمهلي
وقيره اللي ماصْقروه اهل الصقاره=كود وقعه في كفوف مبدلي
كل شي بالتتش شغلك بس طاره=والمراتب ماتجي بالمخملي
قبل خمّتنا على الخط ومساره=قبل ننوي دربنا ونحولي
عاير إزيوته وإمبير الحراره=وخمسه وتسعين عبّ وفللي
وإنحر اللي ماخذن طيبه تجاره=ورث ابوه وكفه اللي يفعلي
لابته سقم العدا شنه وغاره=ماتخيّر بين عز مذللي
ترحم المسكين وتأطأ للجعاره=طيب كف وقوّ زند الصاملي
هم (وداعين) الاسم.. ماهو استعاره=من ودعها وامنن بأمر {العلِّي}
من يسوق إدْيِّات جاره من جداره=من يصب السمن في شحم الطلي
من تحزّم ثم وسم عَصات جاره=لازبنهم يوم من ربعه جِلي
يرقد آمنّ فالذرا والدار داره=في محلن قِد بْني له منزلي
وكلّ (ودعاني) تقادح في شراره=دون ربعه به حميأ" تصطلي
مايعشق من المكان إلأ الصداره=ولايعرف إلا الله الوالي ولي
ومنها صبي" وافي" والطيب كاره=يبدع القيفان طرق ويجزلي
ذاك (ابومحمد) ماطفا الوقت ناره=وكل نارن من شبوب المشعِلي
اتوجه بالقصايد للجباره=ولا حسبت وخابرن مستقبلي
يامبارك جاوب برد العباره=يوم ابنشد عن زماني الاولي
ماطمحت من السنام إلا فقاره=ولا رجيت من الرشا صفق الدلي
ما هزمني حلم طامع بإنتصاره=وكنّ فإيدي سيف إبن طالب علي
مايطيب الفعل في طول العماره=ولايعيب الجود كف" مختلي
ومايهز البدو صُنَّاع الحضاره=ولايعز اللآش جيبن ممتلي
مانكب غلطة عمر غيرالشطاره=ولايعوق الناس غير المبتلي
ماعشقنا من القروم إلا النعاره=ولا كسبنا فالرجال إلأ الشلي
ياسميْ.. يا خال.. يا شوق العذاره=سعد حظي يومكم صرتوا هلي
وجد ابوي معربن راسه بطاره=بطرة اللي كل همه منجلي
جدنا معتاد كسّاب الأماره=يوم (مسعر) بالفعول تجملي
بارك الله حظ ابوي وفإختياره=معرب الجدين جيت ولا علي
كلّ رجلن مانلومه فإفتخاره=دام جانا سني.. مسلم.. حنبلي
لا يقدم في مدايحه إعتذراه=ولو يبيح الآش ماهو محللي
الله المعطي وللناس استخاره=والرجال الوافية تستاهلي

مبارك بن شافي النتيفات 05-07-2011 07:22 AM

رد: ماعشقنا من القروم إلا النعاره/ولا كسبنا فالرجال إلأ الشلي
 
صح لسانك يامبارك واعتلى شانك على هذه الرااااائعة

شاعر جزل ولا فيك حيلة واكبر دليل هذه الدرر اللي امامي

تقبل مروري المتواضع ياسمي

ابو زابن المسعري 05-07-2011 07:35 AM

رد: ماعشقنا من القروم إلا النعاره/ولا كسبنا فالرجال إلأ الشلي
 
ياسلام ياسلام

صح الله السانك وبيض الله وجهك على البدع الجزل

استمتعت بمروري على هذه القصيده الرائعه

ويستاهلون الوداعين ماقلت فيهم والله لايهينك ويبيض وجهك

اسد الوادي 05-07-2011 07:57 AM

رد: ماعشقنا من القروم إلا النعاره/ولا كسبنا فالرجال إلأ الشلي
 
لاهنت يا اخييي لشاعر
مبارك بن الجوير
كلمات روعه وصح السانك ويستاهل
ابومحمد الودعاني
وسلمت الأيادي على القصيده الجزله
وفي انتظار ابداعكم


http://www.uaemusics.com/uploood/ima...u61aw86qi8.gif

يا حلو الايام لو ترجع على كيفـــــــي
ما كان قلبي شـكى فـرقا مواليفـــــــه
كانـوا بقـربي ولا يحتـاج تكليفـــــــــي
واليوم راحوا ودمعي صعب توقيفـــه


&&&
اخواني واخواتي الشعراء والشاعرات مشاركتكم
في هذا القسم
بالقصائد والخواطر تضفي عليه النور


http://www.uaemusics.com/uploood/ima...bkowhnd0f4.jpg

مع تحيات
Greetings
اسد الوادي ومحب الريان القطري
Lion of the Valley and loving Rayyan of Qatar
مشعل دعثان الودعاني الدوسري
Mishal dathan al wdani al dosari

راشد المسعري 05-07-2011 09:18 AM

رد: ماعشقنا من القروم إلا النعاره/ولا كسبنا فالرجال إلأ الشلي
 
اقتباس:

ومايهز البـدو صُنَّـاع الحضـاره
ولايعـز الـلآش جيبـن ممتلـي
مانكب غلطة عمـر غيرالشطـاره
ولايعـوق النـاس غيـر المبتلـي
الله الله

صح لسانك يامبارك

وقصيدة جزلة من راس جزلة

استمتعت بقراءتها وتفاصيلها

ويستاهل من قيلت فيه وهو كفو من ربع كفو وننتظره رده عليك

صح لسانك مرة اخرى ولك ودي وتقديري ،،،

شافي بن راشد النتيفات 05-07-2011 01:49 PM

رد: ماعشقنا من القروم إلا النعاره/ولا كسبنا فالرجال إلأ الشلي
 
ارحب ارحب يابوجاير ومن طول الغيبات جاب الغنايم
وجيتك وشوفة جديدك اكبر غنيمة
صح لسانك ملايين ويستاهل الممدوح
ولعاد تبطي علينا

فهد المقابله 05-07-2011 04:20 PM

رد: ماعشقنا من القروم إلا النعاره/ولا كسبنا فالرجال إلأ الشلي
 
صح لسانك يامبارك واعتلى شانك على هذه الرااااائعة

مبارك بن الجوير 05-07-2011 09:38 PM

رد: ماعشقنا من القروم إلا النعاره/ولا كسبنا فالرجال إلأ الشلي
 
اقتباس:

المشاركة الأصلية كتبت بواسطة مبارك بن شافي النتيفات (المشاركة 683845)
صح لسانك يامبارك واعتلى شانك على هذه الرااااائعة

شاعر جزل ولا فيك حيلة واكبر دليل هذه الدرر اللي امامي

تقبل مروري المتواضع ياسمي



اررحب يبوشافي

وصح الله ابدنك وشانك رفيييع يا مبارك

الجزالة ورب البيت في تواجد شرواك يا مال الغنيمة

اسعدني هالمرور عسى الله يسعد ايااامك يارب..

مبارك بن الجوير 05-07-2011 09:40 PM

رد: ماعشقنا من القروم إلا النعاره/ولا كسبنا فالرجال إلأ الشلي
 
اقتباس:

المشاركة الأصلية كتبت بواسطة ابو زابن المسعري (المشاركة 683846)
ياسلام ياسلام

صح الله السانك وبيض الله وجهك على البدع الجزل

استمتعت بمروري على هذه القصيده الرائعه

ويستاهلون الوداعين ماقلت فيهم والله لايهينك ويبيض وجهك


اررررررحب يابوزابن

وصح الله ابدنك وعمرك وانا اخوووك

ووجهك ابيض يا سنايدي

وتستاهل الخير والله..

سعدت بالحضور عسى الله يسعدك يارب..

عبدالله بن فهد الصخابره 07-07-2011 02:50 PM

رد: ماعشقنا من القروم إلا النعاره/ولا كسبنا فالرجال إلأ الشلي
 
صح الله لسانك وعتلا شانك طال عمرك رائعه من روايعك يالقرم عساك على القوة دوما

ابو زيد الغييثي 07-07-2011 11:45 PM

رد: ماعشقنا من القروم إلا النعاره/ولا كسبنا فالرجال إلأ الشلي
 
اررررررررررررررررررررررررررررررحب

ملــيون × مليــون و لا يوفــون

الشاعر الفذ و المتألق

مبارك بن الجــويــر


صـح اللسانك يا كحيلااان ملاييين

و يستاهلون " لاد ودعآن " المدح و يستاهل

" أبو محمد " ، ونعم بخوالك

و نعم بعمامك يا معرب الجدين

ابيات راائعه اعجز عن التعبير امامها

و ننتظر رد الشاعر ابو محمد على أحر من الجمر

أخوك / ابو زيد

مبارك بن الجوير 08-07-2011 09:25 PM

رد: ماعشقنا من القروم إلا النعاره/ولا كسبنا فالرجال إلأ الشلي
 
اقتباس:

المشاركة الأصلية كتبت بواسطة اسد الوادي (المشاركة 683847)
لاهنت يا اخييي لشاعر
مبارك بن الجوير
كلمات روعه وصح السانك ويستاهل
ابومحمد الودعاني
وسلمت الأيادي على القصيده الجزله
وفي انتظار ابداعكم


http://www.uaemusics.com/uploood/ima...u61aw86qi8.gif

يا حلو الايام لو ترجع على كيفـــــــي
ما كان قلبي شـكى فـرقا مواليفـــــــه
كانـوا بقـربي ولا يحتـاج تكليفـــــــــي
واليوم راحوا ودمعي صعب توقيفـــه


&&&
اخواني واخواتي الشعراء والشاعرات مشاركتكم
في هذا القسم
بالقصائد والخواطر تضفي عليه النور


http://www.uaemusics.com/uploood/ima...bkowhnd0f4.jpg

مع تحيات
greetings
اسد الوادي ومحب الريان القطري
lion of the valley and loving rayyan of qatar
مشعل دعثان الودعاني الدوسري
mishal dathan al wdani al dosari


اررررحب يا بودعثان

وصح الله ابدنك
وسلمت وسلم غالييك يالقرم

اسعدني هالتواجد يا مشعل
عسى الله يسعد اياااامك..

مبارك بن الجوير 08-07-2011 09:30 PM

رد: ماعشقنا من القروم إلا النعاره/ولا كسبنا فالرجال إلأ الشلي
 
اقتباس:

المشاركة الأصلية كتبت بواسطة راشد المسعري (المشاركة 683850)


الله الله

صح لسانك يامبارك

وقصيدة جزلة من راس جزلة

استمتعت بقراءتها وتفاصيلها

ويستاهل من قيلت فيه وهو كفو من ربع كفو وننتظره رده عليك

صح لسانك مرة اخرى ولك ودي وتقديري ،،،


اررررررحب تراحيب الغلا والطيييب يبومحسن

وصح الله ابدنك وانا اخوووك
والجزالة في حضورك جعلك تحيأ

وتستاهل الخير يا راعي الخير
وكفوك الطيب يا مال الغنيمة

ويعلم الله
رغم جزالة اخوي مبارك ابومحمد
ويشرفني رده علي..
لكن يشهد الله ماني انتظر من ابومحمد رد
لاني ما مدحته كثر ماكنت افتخر فيه وفي/خوته

اسعدني تواجدك يا راشد
فعسى الوليّ يسعدك فالدارين يارب...

مبارك بن الجوير 03-02-2012 05:27 PM

رد: ماعشقنا من القروم إلا النعاره/ولا كسبنا فالرجال إلأ الشلي
 
اقتباس:

المشاركة الأصلية كتبت بواسطة شافي بن راشد النتيفات (المشاركة 683853)
ارحب ارحب يابوجاير ومن طول الغيبات جاب الغنايم
وجيتك وشوفة جديدك اكبر غنيمة
صح لسانك ملايين ويستاهل الممدوح
ولعاد تبطي علينا

المرحب بااقي يبورااااااشد

وصح الله ابدنك لييييين ترضى وانا اخوووك

وعسى الله لايجيب البطا بين الاخوواااااان يا شافي
لكن الحمدلله على سلامة الموقع الرسمي
اللي يعلم الله بليا مجاملة
فهو يستحق ان يكون الرسمي باسم الدواسر..

تستاهل الخير يا عز ربعك و
وعسى الله يسعد سنينك
مثل ما اسعدني مرورك الكريم


الساعة الآن 02:00 PM

Powered by vBulletin® Copyright ©2000 - 2024, Jelsoft Enterprises Ltd.
---