|
يااهل المنتدى خلووووووووووووها
السلام عليكم
سلام الله على اهل المنتدى واللي يزورونه=تحيه من ضمير محب والدعوه سعوديه ياوين أبلقى شاعرن بالله ما تنادونه=يجي للملعبه ويطب والدعوه سعوديه |
الله الله
صح لسانك يابورجب وين يجون الشعّار |
وعليكم السلام
جاك شاعرن يسحب قوافيّه على هونه = وأهلن هلابك و يا هلابك هاوي الجية والقوافي جبتها مترادفة وموزونة = وجيت للملعبة و بطب والدعوة شمالية انا ما ناب شاعر لكن بسوي نفسي شاعر اليوم |
ارحب يالعماني
ومرورك يشرفنا يالذيب |
ياهلا والله بأبو رجب واخوانه......تحية لك مني على القنوات الفضائيه
وحياك وحيى الله من تنادونه.....يجي للملعبه ويطـب والدعـوه سعوديـه اخوك عبدالله الشكري |
حياك الله يازبن الجلاوي وانصحك النظر بشروط المحاوره من حيث الوزن
وبعدين الشاعر اللي بحاورني لاينسى(الدعوه سعوديه) ثابته وقبلها حرف (ب) على وزن فعل ويعطيكم العافيه ووينكم ياشعار هذي محاوره مهوب كلن يقول بيتين ويمشي |
صحت ألسنتكم جميع ولاهنتو
وين الشعار الباقين ؟؟ ننتظركم وننتظر ابداعاتكم . |
السلام عليكم ورحمة الله وبركاته
مسيك بالخير يابو رجب ,, و الله اني اشوف الموضوع قد لي ثلاثة ايام .. و يوم ما شفت انا احد رد ,, قلت الظاهر انه مقسومٍ لي .. استلم ..
سلام الله سلامن عد ما قد هلت مزونه = تحيه من عميق القلب و الدعوه سعوديه الا يا شعرن يبدع لنا الطاروق و لحونه = بلعب على لعبك الذرب و الدعوه سعوديه |
هلابك ياولد مشنان كيف الحال المعونه=عسا الله يحفظك يارب والدعوه سعوديه ترى الشعار بالميدان كل(ن)يلعب فنونه=وكل(ن)شب ناره شب والدعوه سعوديه |
صح لسانك يافراج ولسانك يابو رجب
|
صح بدنك يالبراق
ويسعدني مرورك يالذيب |
يا سلامي على الرديه ذات الابيات الموزونه ..بين القروم فراج وابو رجب والدعوه سعوديه ... صح لسانك يا أبو رجب ويا فراج وبانتظار بقية المحاوره.... |
اخواني : ابو رجب و ابو مشنان
ما قصرتوا العبوا وحنا نمسك الصفوف زانت علومكم يالاجواد اخوكم في الله محمد الغريري |
حياتس الله يالنادره واسم على مسمى فعلا نادره
يسعدني مرورتس يالغاليه تحياتي-ابورجب |
يامرحبا يامحمد الغريري والصفوف شبت شبوبها
الليل الليل ااااااااااااااا يشرفني مرورك يالغالي تحياتي-ابورجب |
الله الله ...
البراق ,, و النادره ,, و محمد .. صح الله ابدانكم ,, و عز الله ان صفوفكم طيبه ... آآآآآسف جداً على التأخير الخارج عن ارداتي , و لكن صحيبي ابو رجب ما قصر الله لا يهينه .. النور نورك يا بو رجب ,, خلووووووها ...
عانك الله و لا هانك و وسّع لك فضاء كونه = يا بو رجب والحال صعب و الدعوه سعوديه ما كل شاعر يعجبك بالشعر فنّه و لونه = و الله يغفر لنا الذنب و الدعوه سعوديه |
الله الله
واصلوا يالشعار وازهلوا الصفوف |
كفو و الله يالعماني ,,,
لا هنت ,, الله يعطيك العافيه ... |
الله لا يهينكم يالنشاما اطربونا بالقصيد ويعطيكم العافيه |
يا مرحبا يابو صهيب ,,
و اللي يطربنا وجودك انت و باقي الاعضاء ... لا هنت ,, و يسعدنا تواجدك |
ترى الليالي تدور يافراج مثل الطاحونه=وتطحن من في راسه حب والدعوه سعوديه ياطيب الشاعر اللي مايبيّح سر مكنونه=يدرجّها على ماذب والدعوه سعوديه |
واصلو يالشعار والله شؤقتونا مكم
|
يا مرحبا يا عبدالرحمن ,, منورنا طال عمرك ..
يابو رجب ,, يا طير شلوى ..... استلم ,,,,
ترى الليالي تطحن الرجال و تكثر طعونه = و ما ينطحن دلخن و دب و الدعوه سعوديه و الهم يذبح من ترقب للعرب في عيونه = و افهق سليمك من الجرب و الدعوه سعوديه |
صح السانك يابو رجب يابو مشنان.
تسلمون يالقروم على هاذي الرديه الي تثلج الصدر جعل من ارثكم في الجنة. اخوكم/ فهد الغريري,,,, |
سـيـبـوهـااااااااااااا
<<--ماهوب شاعر بيتفرج :) <<--متكي جنب خشمان (تركي الودعاني) ويتفرج :) تحياتي لك يابورجب وفرااج وبيض الله وجهيكم على هالمحاوره :) |
ترى الليالي تطحن الرجال و تكثر طعونـه و ما ينطحن دلخن و دب و الدعوه سعوديه
و الهم يذبح من ترقب للعرب فـي عيونـه و افهق سليمك من الجرب و الدعوه سعوديه واصلو الله لايهينكم ........ |
ترى اللي ينطح الشجعان ضيّع راسه متونه=واللي بغى السلامه خب والدعوه سعوديه تحرّص تسبق الطاروق ثم تخلّخل اوزونه=الدعوه ماهي حقن وصب والدعوه كويتيه |
لاهنتوا ياشعار انا ماسك الصف يالربع صراحه الطاروق عجيب
لاهنت يابو رجب ولاهنت يافراج |
اخواني ..
فهد الغريري ,, الخييلي ,, فهد بن بتال ,, و تركي الودعاني ... الله لا يهينكم ,, و اسعدنا و الله تواجدكم ... شدوا حيلكم و صفوفكم لا تتعب ... يا صحيبي يابو رجب ,, استلم طال عمرك :
لا خير في راسن تصدد يوم القوم ينصونه = و انا عنيد الراس و صلب و الدعوه سعوديه ما ينكسر بيتي و لا الشاعر حروفه تخونه = و تبت يدا المشرك و تب و الدعوه خليجيه |
بيض الله وجيهكم ..
ما قصرت يابو رجب وابو مشنان زانت علومكم وحنا ماسكين الصفوووووووووووف معكم .ز اخوكم في الله محمد الغريري |
موج البحر يضرب على الجيلان ماتمنعونه=لكن شد وشيل الطنب والدعوه سعوديه ترى راعي المعرفه والقدا ماخابت ظنونه=وليا هدا الهواء ماهب والدعوه سعوديه |
واصلوا ياشعار والدعوه سعودية:)
|
أبو رجب وابن مشنان الله لا يهينكم واصلو وابشرو بالصفوف .... توني متقهوي انا والشايب وماسكين الصف
|
احب الرجال لاوردوا القيفان موزونه=نماريبها بين الملا والدعوة دوسرية وابي العذر على كل بيت تقرونه=مانيب شاعر مير الدعوة سعودية لاهنتوا يالربع ابو رجب وابن مشنان واصلوا |
الله لا يهينكم واصلو ,الليل شب والدعوة سعودية.
|
احب الرجال لاوردوا القيفان موزونه=نماريبها بين الملا والدعوة دوسرية
وابي العذر على كل بيـت تقرونـه=مانيب شاعر مير الدعـوة سعوديـة عشت يابو محمد صح السانك والله منت بسهل ماشاالله عليك |
تركي الودعاني , محمد الغريري , العماني , و ابو محمد الودعاني ..
الله لا يهينكم و بيض الله وجيهكم على الحضور و الصفوف الطيبه .. عبد الرحمن ,, مادام ان الشايب قريب سلم لنا عليه و حب خشمه .. لا هنتوا و لا عدمناكم يالنشامى ..... ابو رجب ,, يالمنعور ... اســـــتلم طال عمرك ....
دوم الجبل ثابت و لا هزت امواجك ركونه =لا هي بطيب و لا هي غصب و الدعوه سعوديه العايل اطوي صفحته مثل ما يطوي شنونه = و الذيب ما يهاب الضب و الدعوه سعوديه |
الله لايهينكم .......
دوم الجبل ثابت و لا هزت امواجـك ركونـه لا هي بطيب و لا هي غصب و الدعوه سعوديه العايل اطوي صفحته مثل مـا يطـوي شنونـه و الذيب ما يهاب الضب و الدعـوه سعوديـه |
اخوي تركي
صح ابدنك ومشكور على ردك الطيب لاهنت |
صح الله السنتكم ياشعار ولاهنتوا يالصفوف وحطو لي محل بينكم تراني احب النص (ولو اني قصير) لاهنتو جميع |
الساعة الآن 06:07 AM
 |
Powered by vBulletin® Copyright ©2000 - 2024, Jelsoft Enterprises Ltd.
---