الشيخ سند ابن حفيظ رحمه الله
نبذه عن سند بن محمد بن فرج ال حفيظ من قبيلة الشكره من الدواســـــــــر ( خيال البويضا ) تعريف عنه ومن اين ورث الصفات : سمي سند على عمه سند بن فرج ( ختال الخيل بالشجر ) واخذ منه صفاته يعني اخذ الاسم والفعل حيث ان عم سند بن فرج ؛ فرحان بن حفيظ ( راعي ام قعصوم ) يترك لحماية الابل قرابة اربعين فارس واذا طلب من سند بن فرج ( ختال الخيل ) الحراسه كان يسد عن الاربعين لوحده يعني عن اربعين فارس و عرف عمه فرحان بالحميا الشديده على قبيلة الدواسر عامه وله مواقف كثيره وذكرت في المنتدى احد قصصه ( مع ال عمار ) . وكان ابوه محمد بن فرج ( راعي الست ) عندما غزو الشكره احد القبايل وهم سته فقط وسادسهم البريكي . والقصه مشهوره وموجوده في المنتدى . وعرف ان محمد بن فرج ابو سند انه حريصا على التواصل مع شيوخ الدواسر عامه وهو صاحب حميا لقبيلته كافه وكان لايترك احد من قبيلته خلفه بعد المعركه كما فعل مع البريكي يوم قصرت ذلوله وانشد فيها
انا هل الست لا والله التعجيب = كن الركايب بنا رتع ٍ ضواحي لحقوا اهل البل ثلاثين تقاطيب = الاد روق مروية الرماحي هذا لعنا البريكي في المواجيـب=لقصرت فاطره عنـد المراحـي يا بندقي جارك الله من الأسا بيب=اللي تسوقين مشخول الملاحـي كم واحدِ طاح منها يأكله الذيـب=لافظ ولد الردي يبغي المراحـي في الهيج لأول ثمانِ من لصاويب= والهيج لا خر غدو برضِ سماحي عقرت صفرا محمسة العراقيـب=هذا لعنــاك يازيـن الصباحـي وورث سند بن محمد جميع الصفات الطيبه من اعمامه ومن ابوه واول بزوغ سند بن محمد خيال البويضا عندما حصلت معركه بين القبيله مع قبيله اخرى وكان عمره لا يتعدى 16 سنه وقتل ثلاثه من الخيل الاصيله بطلقه واحده وكانت اول معركه له يشترك فيها فعرف ابوه ان له مستقبل في الفروسيه والشجاعه فانشد فيه
إسمه سند وان الله اللي مسميه= إسمه سند ومسنّدٍ كـل عايـل مخباط سندٍ يوم ربـي مقدّيـه= عقر ثـلاث مكرمـاتٍ اصايـل ما قومه الا عوده اللي مربيـه = ومعلمه تصويب ضرب الفصايل ما هو لهدّات الجماعه مضرّيه = يبغاه في يومٍ يشيب الهوايـل وكان يعرف بسند انه من اشهر الرماه حيث ذكر في عنوان المجد لابن بشر انه من اشهر الفرسان والرماه في عصره . وذكر ايضا في كتاب الزكلاني انه اشهر رامي في نجد في عصره . وله قصه مع الاتراك ضد الدواسر في احد المعارك وهي من المفاخر للقبيله حيث قتل رامي المدفع وكسر سند المدفع و قتل الرامي وقتل قائدهم وانتصر الدواسر فيها على الاتراك ( في الدلم ) وكان يعرف عنه انه في المعارك يناوخ اي يضع حلاله وما يملك في ميدان المعركه ولا يسمح لنفسه او لمن معه بالانصراف دون النصر او الموت . ومعروف عنه ايضا انه يربط رجله في المعارك (اشتهر بـ بارك الرجل ) ليبين لقبيلته انه لن ينسحب ومن المشهور عندما ربط رجله في معركة العريق الحمر علي قبيلة سبيع عندما ثبتت قبيلة الغييثات والشكره فيها في تلك المعركه وكان من احد اسباب انتصار الدواسر فيها بهذه الحركه ودقة تصويبه على الفرسان وركابهم
نعم بسند ٍ في محله يعتبر =يوم اشهب البارود كله هايله
ومن صفاته ايضا انه لا يسمح لنفسه ولا لربعه ان يسلبو حلي الحريم ولا ينظر الى عورات الرجال عندما تنكشف في الحرب. وكان لايحب المدح والاطراء متواضع وكان شديد الحماس عندما تمدح قبيلته . وكان يحز في نفسه اذا مدح لوحده من دون قبيلته ويغضب لماذا لاتمدح ما انا الا واحد منهم . ولي سند اخ اسمه عجب وهو قائد لواء مشيرفه في فتح الحجاز واكبر ابناء سند هو مناحي. وتولى سند المشيخه على الشكره وعمره 25 عاما وتوفي رحمه الله وعمره تقريبا 45 عاما ولكن فعله وصيته اكبر من عمره رحمهم الله جميعا منقول من اخوي الشكري < بو عبدالله > |
مخباط سندٍ يـوم ربـي مقدّيـه
عقر ثلاث مكرمـاتٍ اصايـل ما قومه الا عوده اللي مربيـه ومعلمه تصويب ضرب الفصايل الله يرحمه ويرحم العود اللي مربيه ونعم بالفارس سند وبابوه وبربعه كلهم الشكره .. علومهم كلها طيبه لا هنت يا تركي على النقل وبيض الله وجهك .. ولا تسنى تحب لي خشم [ الشكري ] ابو عبد الله |
مرحبااااااااا والله مسهلا اخوي الخييلي ولاهنت مرروك الكريم
وابشر الشكري يستاهل من يحب خشمه |
تركي الودعاني بيض الله وجهك وتسلم على النقل وانا وياك شي واحد طال عمرك وانت تشرفني وتزودني الخييلي ولا عليكم قاصر يابن مخيول ووجهك ابيض وجعلك تسلم |
عز الله انك كفيت يالودعاني
وماقصرت على طرح الموضوع عن سند بن احفيظ والله يرحمه ويرحم من رباه وعز الله انه جاب ولد إسمه سند وان الله اللي مسميـه ...............................إسمه سند ومسنّـدٍ كـل عايـل مخباط سندٍ يـوم ربـي مقدّيـه ...............................عقر ثلاث مكرمـاتٍ اصايـل وبيض الله وجهك يالودعاني انت والشكري وكثر الله من امثالك اخوكم عبدالله الشكري |
لاهنت اخوي تركي الودعاني على الموضوع الجميل
وعجزن النساء يجيبن مثل سند رحمه الله تقبل تحياتي،، |
بوعبدالله ارحب ارحب وجهك ابيض يالقرم انا وياك واحد مايحتاج
|
تسلم يالقرم
|
الشكري بو محمد وجهك ابيض يالقرم ومرورك يشرفني طال عمرك
|
العماني بو مبارك ولا انت يالقرم وعزالله انك صدقت
|
الله يرحمه ويرحم أموات المسلمين
لاهنت ياتركي ,,,,,,, |
بيض الله وجهك ووجه ابو عبدالله يابن العم ومليون نعم بسند بن حفيظ الشكرة رحمه الله
|
سند بن حفيظ الله يرحمه ويسكنه الجنه
ونعم الفارس ونعم الشيبان اللي ورث منهم الصفات وعز الله انهم ورثو ا فارس وشيخ من اعلام القبيله تركي الودعاني بيض الله وجهك ووجه بو عبد الله وتسلمون على الموضوع الجزل |
ال جبيل ومن قال يسلم
|
نايف مشكوووووووور علي مرورك
|
بو محمد الودعاني وجهك ابيض يابن عمي والنعم بحالك وماعليك زود
|
شكري الخرج وجهك ابيض ولاهنت علي مرورك الكريم
|
الله يرحمهم رحمة واسعه, أبدعت في نقلك للموضوع يا زيزوم نجد. ولا تعبت ولا تعب ابو عبد الله
*ننتظر منك الجديد. |
السلام عليكم ورحمة الله وبركاته
الله يرحمه ويسكنه الجنه . ويرحم اموات المسلمين . بيض الله وحهك اخوي ( تركي الودعاني ) على هذه السيرة الطيبه . وعساك على القوه ,,,,,,,,,,,,,,,,, |
اقتباس :
ومعروف عنه ايضا انه يربط رجله في المعارك (اشتهر بـ بارك الرجل ) ليبين لقبيلته انه لن ينسحب إسمه سند وان الله اللي مسميـه إسمه سند ومسنّدٍ كـل عايـل مخباط سندٍ يوم ربـي مقدّيـه عقر ثلاث مكرمـاتٍ اصايـل ما قومه الا عوده اللي مربيـه ومعلمه تصويب ضرب الفصايل ما هو لهدّات الجماعه مضرّيـه يبغاه في يومٍ يشيـب الهوايـل الله يرحم الشيخ القرم : سند ابن حفيظ ويسكنه فسيح جناته .. والله لايهينك يالودعاني على هالنبذه لأحد شيوخ الدواسر .. |
بيض الله وجهك تركي الودعاني
على ايراد السره العطره للفارس سند بن حفيظ الله يرحمه ويسكنه الجنه |
لاهنت يا تركى ونعم بسند
|
تركي الودعاني
يعطيك العافيه على النبذة الاكثر من رائعه للفارس سند بن حفيظ اخوك في الله محمد الغريري |
والله ونعم بسند الله يرحمه فار معروف
ونعم بال حفيظ وبالشكره كافه والله لايهينك يالودعاني وبيض الله وجهك موضوع اكثر من رائع تحياتي |
بيض الله وجهك ووجه ابو عبدالله ياذيباااان ومليون نعم بسند بن حفيظ الشكرة رحمه الله لاتبطي بجديدك ،، |
ابن حفيظ يسعدني مرورك يالقرم
|
اقتباس:
وعليكم السلام ورحمة الله وبركاته وجهك ابيض اخوي محمد ويسعدني مرورك يالغالي |
الاخ العزيز تركي الودعاني بيض الله وجهك على المشاركه الرائعه
لاخ العزيز تركي الودعاني بيض الله وجهك على المشاركه الرائعه والامير سند بن حفيظ رحمة الله عليه غني عن التعريف ولكن عندي ملحوضه بسيطه على الخمسه فرسان والاربعين فارس حسب ماسمعت من الشيبان هو ان الخمسه من الشكره ومنهم الفارس بدااح بن محمد من الفرج بن طلحااب وان الاربعين من قبيلة سبيع وعلى راسهم ابن مجفل وعندما افتكوا الشكره الابل من سبيع وذبح ابن مجفل امير سبيع عودوا سبيع الى مراعيهم وكان عند ابن مجفل بنت يقالها حصه فلماا سمعت فعل الشكره وهم خمسة فرسان وخاصة فعل الفارس بدااح وكانو جالسين على جال ضو في محل ابوها وكانو يقولون لو ان بدااح معه فرس طيبه ما خلا منا مدرج لحيه وبعدها قال شاعرهم ويش عذرناا من حصه=لامن الفو الغزواني خيل الدواسر خمسه=وحنا اربعين عنااني وبعدها سمعت بنت ابن مجفل الابيات وفعل بدااح وكان عندها فرس صفراء مربوطه فانشدت قائله : ليت بداح منا=يهياالي واهياله ليت بداح منا=والفريجة الصفرااا له علما ان بداح اشتهر بعزوته خياال العصلا بداح قصر الزبون وانا ابودربي وانه مات لم يرث الا بنت عقيم توفت قبل حوالي ثلاثين سنه وكان عمرهاا مائةسنه فانقطعت ترثة الفارس الذي اذهل سبيع وبنت ابن مجفل و علماا شيبان قبيلة سبيع يذكرون عزوة بدااح الى وقت قريبوشكراً جزيلاً |
شكراً أخواني على المعلومات التي أفدتمونا بها
|
بسم الله الرحمن الرحيم
ونعم والله بسند بن محمد بن فرج بن حفيظ الدوسري |
والنعم بالشكره الدواسر ، فعايلهم طيبه .
ومشكور على العلومالطيبه. من اقوالهم حول مناحي وسو الموت حادينا ـ له عادتنا يلحق الحاين يجينابه ورى الركايب محاجينا يمانينا ـ نمشي بهون رجليه وركابه |
رد: الشيخ سند ابن حفيظ رحمه الله
رحم الله سند واسكنة فسيح جناته
وكفو به وبالشكرة كلهم ولاهنت ياخوك على سرد السيرة الطيبه تحياتي |
رد: الشيخ سند ابن حفيظ رحمه الله
الله يرحمه ويسكنه فسيح جنآته
والله كفووو بربعنا الشكره ..~ ولآهنت ع الطرح يا تركي |
رد: الشيخ سند ابن حفيظ رحمه الله
الله لا يهينك وبيض الله
والله يرحم أمير قبيلة الشكرة سند بن حفيظ |
الساعة الآن 12:43 AM
|
Powered by vBulletin® Copyright ©2000 - 2024, Jelsoft Enterprises Ltd.
---