خذ قليل الهرج عن طول الجدال=كلمه عند العوارف سايده
من لايعدك ياخوي راس مال=خذ وصاتي لاتعده فايده
ولاعتزيت وقلت أنا أخو الرجال=والله إني اخوك كان جتك كايده

أرحب يالحصان

متميز يابو عبدالله دائما في قصائدك وفي مواضيعك وخاصة هذا البستان الشعري وهذي أبيات أعجبتني وهي للشاعر الكبير سلطان الهاجري:-


الرفيـق اللـي ليـا غبـت مايحمـي قفـاي
اجل لامن صرت حاضر ماني فـي حاجتـه

احتمـي دوري ودور القبيلـه مــن وراي
جمـدو هــرج الفـراغـات ياهراجـتـه

كانهـا بمصامـخ الـروس ولا بـاي بـاي
خلـو الفلـم المدبلـج عـلـى دبلاجـتـه

طول عمري ماستمع من ضعيف الراي راي
ولاطمعـت بديـك خيـبـر ولا دجاجـتـه

العداوة شـي عـادي تجينـي مـن عـداي
من نسج نسج العـداوات عرفـت نساجتـه

وإن كلاني مخلب مـن مخاليـب أصدقـاي
قلت ضاعت صيدته فـي طـرف عجاجتـه

وإن ثناهـا مـرة ثانيـة جعـلـه فــداي
لافسـق كلـب الخواجـة كـلا خواجـتـه

الارض ماهي ورث ابي والسماء ماهو سماي
مير الاعوج لاعترض لي عدلـت عواجتـه

أفـردة واذوقـه لمستيـن مـن عـصـاي
وأدبـة تأديـب طفـل عـلـى دراجـتـه

لين ينسى عنـاد راسـه ويذكـر مستـواي
ينتبـه ولا يسوهـج عـلـى سوهاجـتـه

في نظرة الناس مالون واهوه هـاي هـاي
والمـدوج مابعـد فـاق مــن دواجـتـه

أبك أنا لو اشرب البحـر مايقطـع ظمـاي
وانت مثل الضب يزحـف تحـت عجاجتـه

ماكل رجلٍ للثقيلات نقّال =ولا كل رجلٍ يستحق التقادير
ولا كل رجلٍ يلبس الثوب رجال =لوكان ثوبه زيننه الآزارير
ولا كل ركابٍ يقال انه خيّال= لو كان يقني حاذيات المسامير
ولا كل هراجٍ يقال انه فتال = لاصار ماله مع هل العرف تصدير
كم واحدٍ عقله كما الكوخ طربال= من مر ينفخ به ولافيه تدبير
وكم واحدٍ من جمله الناس تمثال=ديكور جسم ولا درى عالمه غير

ألا يالله انـي طالبـن طاعتـك ورضــاك=وعـلـمٍ ليـاذكـرو هــل الخـيـر نـذكـربـه
أنا في رجا عطفك وانا ملتجـي بحمـاك=تـفـرج هـمـوم القـلـب يـافـارج الكـربـه
ليا ذعذع الغربي وحرك غصون الراك=وناح الحمـام وعالـي الصـوت يجهربـه
تنهـت مثـل المضـرم اللـي لقـا التمـبـاك=تنهـت صويـبٍ مـونـسٍ لـكـزة الحـربـه
أجـاوب حمـام الـورق يالايمـي عسـاك=يحـدك زمانـك يــم مــن لا تـبـي قـربـه
ذليـل لـيـا جيـتـه خـجـول تـعـد خـطـاك=تـلـزا وقلـبـك وأهـــج الـنــار يسـعـربـه
ألا ياحـمـام الــورق هيضتـنـي بـغـنـاك=مــع الـهـم والغـربـال والبـعـد والغـربـه
ألا ياحمـام الـورق ماشـفـت وألا جــاك=تــرى ينـفـع المـهـمـوم عـلــمٍ يبـشـربـه
عن الدار وأهل الـدار والسـر مايخفـاك=غـريـبٍ تـحـداه الـزمـان وقـلـع سـربـه
منـول يجـوز العـذر للـي يـروح هـنـاك=وأنـا اليـوم مالـي عـذر ويـش اتعـذربـه
مسكها حكيم الـراي وان دارت الأفـلاك=وقاد السفينـه وأشـرق النـور مـع دربـه

جتك القصيده تتل اليوم شاعرها=يدفع لها زايد الاشواق ياغالي
دام المشاعر حكت لك عن ظوامرها=وش عاد تطلب شهاده حق وتمالي
العين حارب لذيذ النوم ناظرها =والقلب ينبض غلاتك حبه زلالي

كم واحدٍ وده ووده ووده=لكنّها ماجت على الكيف ياذيب
ان جا يبيها جاير الوقت رده=وحده على عكس اختياره مطاليب
ولو ان كلن حصل اللي يوده=كان استوت ماعاد فيها عذاريب

الثريا فوق الارض ولا حد(ن) قد جاها=تشعف السارين فالمسرى وفي مبداها
فالسما تشعق ودايـم فالفضـا براقـه=تنقطع عنها الحلوم ولا خذت مجراهـا

الثريا فوق الارض ولا حد(ن) قد جاها=تشعف السارين فالمسرى وفي مبداها
فالسما تشعق ودايـم فالفضـا براقـه=تنقطع عنها الحلوم ولا خذت مجراهـا

يمّه ..وإذا قلت... يمّه فزّت أوجاعي =أحس في نطقها لـّـذة مـع دموعي
يمّه.. ترى مابقى منّي سوى أضلاعي= لا والله ..إلا أنـا الباقي من ضلوعي
تـترتب ..فـ صفحة الأحزان.. أوضاعي= ويتبعـثر إللي قرى آهات موضــوعي
يمّه.. ترى أطفال حظي.. ناموا جياعي= مايشبع الهم.. يمّه ..غير من جــوعـــي
بالأمس كان الزمن لي غصب مطواعي= واليوم حتى أنا...ماني على طـوعــــي !!
لي أصل ثابت ولا قد مال عن قـــاعــي =بس البلا.. كيف يبْسَـتْ ..عــالي فـروعــي
كنت أحسب إنه فخر لاهبّ ..ذعـذاعـــي= وأثري انخدعـت وطفيت بنفسي شموعي!
أرحل من الضيـم مـالاقـيـت فـّـزاعـــي= وأرجـع.. ويـبـكي على خـذلانـي.. رجـوعي
كـل الغـيوم فـ حـياتي مـالها داعــــي= لاصار.. لامن حـكـت.....ماتذكــر ربـوعــــي
وحدة...وشعر...وسهر.. هذي هي أنواعي= غربة وفرقا أهل...هذي هي جـمـوعــي
وإللي بسـبـبها لقيت.. القلب مـلـتـاعــي= راحت.. وصافي سماها ...يرفض طـلــوعـي
ياذيب الأيام...... جرحي كذبة الراعــــي =إنـهـش.. وناي العمر... ماهو بـ مـسموعي
من قبل موتي... لفـتـني ونّـة الـنـــاعـي= ومن قبل لا أحـيـا ...هلكت.. وجفّ يـنـبوعي
يـمّه ترى رضاك ....أول وآخر ..أطماعــي= لا لا يـهـمـك.. عـذابٍ كـسّـر ضـلـــوعـــي
لاصار بـّـرك ..هو أجمل شي فـ أطـبـــاعـي =لابـدّ في يـوم ..يـثـمـر. خـير فـ جـذوعـــي

انالابغيت ادله عن اللي مضى واسـج=تنحت بي الدنيا علـى غيـر مشهايـا
توارد همومٍ في ظميري تسجـه سـج=ولاعاد اميز بيـن صبحـي ومسرايـا
غدى الجوف منها مثل عدٍ تلجـه لـج=دلـي الروايـا فيـه ويزيـد مشكايـا
انا اشكي واشاكي واشتكي كني المحتج=على دوره الدنيا علـيّ مابـه سوايـا
الىمن نويت بلذه النـوم عنـي هـج=هجيج المها اللي ذيره صـوت رمايـا
فلاتنعرف لـي يمـه واعتمدهـا فـج=ولاتنعرف لي وجهتن تصلـب خطايـا
شبيه الغرير اللي تدرج بمشيـه درج=الى من خذيت شوي غيـرت ممشايـا
الى كن في جوفي لهيب الغضى يهتـج=وهيج الحريق بيابس القشـع بحمايـا
الى من شربت الما اعود وامجه مـج=حداه اللهيب وزاد بالجـوف مظمايـا
صواديف دنيانـا علينـا تركـز عـج=كفانا الولـي وشرهـا يـدوي ادوايـا

مدار الزمان يدور ويحكم الاقوال=ويعطي لنا مع دورته لعبه الكوره
مادام الذهب يرجح معا كفه الاموال=رصيدي ذهب بالقلب مع وافي شعوره
ونا اللي معا سود الليالي على الموال=صديق الصداقه والمواثيق معموره

آوآآه ياعبره لجت بيـن الآضـلاع=توافقت معها التناهيـت فالجـوف
تآصل لحد الزور من دون مطـلاع=تعسكرت وسط النحر فرد وردوف
ان جيت بخفيها عن الخلق تنـذاع=غصبٍ عليّ تبين بالوجه وتتطـوف

الخاطر اللي قد له ايام بـه عمـس=تصفق به الآيـام صفـق الهبوبـي
رايٍ يناديني على مسمع الهمـس=ورايٍ يزّود نـار حـري شبوبـي
لي مدتٍ والعين تظهر لها الشمس=تسهر سوات اللي لذنبـه طلوبـي
اصارع الآيام واصفق لهـا الخمـس=وتظرب لي الآصباع كنها الطروبي
وقلبي مع الهوجاس والهّم له غمس=غمس الحديد بنار حتـى يذوبـي

ابيها عقد من فضه وابيها عقد من ألماس =وابي غالي الذهب يبرق يحلي كل اساورها
ابيها وسم في صدري وابيها رسم عالكراس=وابي تكتب حروف اسمي بصفحه من دفاترها
ابيها وقت فعل الشر تكون لعقلي الوسواس=وابيها وقت فعل الخير هي اللي بس اشاورها
ابيها صوت يطربني يذكرني بصدى الاجراس =وابيها كل لحظاتي من اولها لآخرها
ابيها اطهر العالم بعمره ماوطا الادناس =وابي تقهر جميع الناس ولابه شي يقهرها
ابيها دوم مبسوطه ابيها ما تشوف الباس=ابيها تكون لي ورده تعطرني واعطرها
ابي تسكن وسط روحي ابيها اقرب من الانفاس=وابي من غير ما تامر انفذ كل اوامرها
ابيها قصر في قلبي ابي ظلوعي تكون الساس =وابي تفرش قصر حبي بلحظة من مشاعرها
ابيها تكون خاطرتي ابيها تكون لي احساس =وابي انا الوحيد اللي تحبه في خواطرها
ابيها تموت في نزفي تحبه حب بدون قياس= وابي لامن قرت شعري تضييع بحب شاعرها

كلن عليه من اليالي محالا=وكلن على ماقيل وضعه يهمّه
احدن شكا فرقا ربوعٍ جزالا=واحدن شكا من عقب خاله لعمّه
واحدن شكا بالوقت قطع الحبالا=واحدن يتيمٍ مالحق شوفه امّه
واحدن شكا حزن السنين الطوالا=ترادفت لقدار قامت تعمّه

السيف دايم هلابك حي منزالك= يامرحبا بك وحي الصوت والصوره
بستان الآشعار رحب بك وغنالك= يقول خذ ماتبي وانحت به اسطوره

القصيد احيان صدّه وسلوه وانشراح=اتسلاّ لاكتبته وهيض ماخفا
كني اشرح لاكتبته وعلم به طبيب= خوتي وياه تزداد في وقت الجفا

القصيد احيان صدّه وسلوه وانشراح=اتسلاّ لاكتبته وهيض ماخفا
كني اشرح لاكتبته وعلم به طبيب= خوتي وياه تزداد في وقت الجفا

لاح براق الغلا بين العيون=وانتهض شوق المحبه واعتلا
يارفيق الدرب لاتطغا الظنون=وتنتحي بك هرجتٍ بين الملا

ياليل مدري وش اللي فيك حببني=حتى تركت العرب واصبحت ميلافي
ارقب نجومك وناظر لو تعب جفني=وسامرك واعتبرك الصاحب الوافي

بين الغلا والود خوه ومنهاج= تشرف على جسر المحبه تنادي
يافاتنه جرح الغلا ماله علاج=ياكود لمسه من رقيق الآيادي

المشاركة الأصلية كتبت بواسطة مطلق الحصان آل عمار (المشاركة 423456) السيف دايم هلابك حي منزالك= يامرحبا بك وحي الصوت والصوره بستان الآشعار رحب بك وغنالك= يقول خذ ماتبي وانحت به اسطوره

شبيت ضو القصيد وزان لي جوه=واشعلتها لين قامامت تشعل اشعالي
من وسط جوفي تشب وتشتعل ضوه= لو العرب تشتكي من صوت موالي

المشاركة الأصلية كتبت بواسطة السيف دايـم (المشاركة 423465) وبكـ البقاء يامرحب وسط مدهالك=والمنتدى في حضورك زايد نوره الطيب من عزتكـ يطلع ويرقالك=ياشاعر بالمواقف سجل حضورهـ

يامرحبا والمشاعر جات تبرالك= تقول حي السنافي محتمي دوره
يالسيف دايم هلا بك طاب مدخالك=مثلك يشرف ونسما فيه بعبوره

سنا نور عينه دايمن فالقمـر سمّـار=اخيله ولا غيري من الناس ابد موحيه
سلام الوفا يانور ضوح القمر ينـدار=من القلب لك وده لمنهو لنا يبغيـه
امانه معك وانته عليهـا لنـا سبّـار=اخيلك وهو مثلي يخيلك على لاظيـه